Areis nach Mexico
16. Oktober 2024 in Mexiko
☁️ 25 °C
Mir starte in unser Abentür: Vo Basel über Amsterdam nach Mexico City simmer unterwägs und froh, dass nach dere lange Reis dr Zoll, s Gepäck und s Finde vom Hostel ganz unkompliziert gloffe sin.
¡Bienvenido a Mexico!
17. Oktober 2024 in Mexiko
☁️ 23 °C
Lut, chaotisch und voller Mensche: Mexico City het meh Iwohner als d Schwiz und isch e Useforderig für alli Sinn.
Mir sin hütt vil gloffe, hän erschti Idrück gsammlet und uns im Museo deWeiterlesen
Usflug zu de Pyramide in Teotihuacàn
18. Oktober 2024 in Mexiko
☁️ 23 °C
Nachem Museum gsehmer d Sunne- und Mondpyramide vo Teotihuacàn live.
50 km nördlich vo dr Stadt ligt die Alaag mit de imposante Bauwärk (usem 1. Jhd).
Centro Historico und Xochimilco
20. Oktober 2024 in Mexiko
🌙 15 °C
S pulsierende Härz vo dr Stadt isch s Centro Historico. Für eus ame fast chli z'vil.
Die verschiedene Wohrzeiche sind idrücklich und e Bsuech wärt.
Do Mexico City uf me See erbaut worde isch,Weiterlesen
Casa Azul und Coyoacán
20. Oktober 2024 in Mexiko
☁️ 17 °C
Im Quartier Coyoacàn ligt s berüehmte Casa Azul -s blaue Wohnhuus vo dr Frida Kahlo. Hütt isches e Museum mit vilne Bilder und private Gegeständ vo dr Künstlerin.
Mir hän mit chli Glück no dieWeiterlesen
Lucha Libre
21. Oktober 2024 in Mexiko
☀️ 20 °C
Lucha Libre - s mexikanische Wrestling - muess me gseh ha ufere Mexico-Reis.
Dr Star vom Obe isch dr Místico gsi. Wo dä in Ring gstige isch, hets kei Halte me gäh fürs Publikum. Und nach dr ShowWeiterlesen
Puebla
22. Oktober 2024 in Mexiko
⛅ 24 °C
Vo Mexico City isches nur e zweistündigi Busreis ins entspannte Puebla.
Überall in dr Stadt sin scho d Vorbereitige füre Día de los Muertos im Gang und mir gniesse d Zit zwüsche Kirche und Apéro.
Usflug nach Cholula
23. Oktober 2024 in Mexiko
☀️ 25 °C
Vo Puebla us nämme mr e Uber uf Cholula. Dört stoot die gröschti jemols bauti Pyramide "Tepanapa". Me gseht si allerdings nümm, will si zuegwachse isch will die spanische Eroberer e Kirche obeWeiterlesen
Puerto Escondido
24.–27. Okt. 2024 in Mexiko
☀️ 30 °C
Nach unsere Abentür in dr Stadt isches Zit füre Uszit am Meer. In Puerto Escondido (versteckte Hafe) isches so heiss, dass mir nit vil meh Wäg mache als vom Bett in Pool zum Meer, ind Beach Bar undWeiterlesen
Oaxaca de Juárez
28. Okt. – 4. Nov. 2024 in Mexiko
⛅ 23 °C
Vo Meereshöchi stige mr wider uf 1500 Meter. Oaxaca de Juarez begriesst uns scho gschmückt füre Día de Muertos und me merkt, wie sich langsam alli parat mache für d Feschttäg.
Barrio de Jalatlaco
29. Oktober 2024 in Mexiko
⛅ 24 °C
Im Quartier Jalatlaco merke mr langsam, was do no chönt uf uns zuecho in de nägschte Täg. Mir starte mol mit eme chline Umzug.
Magna Comparsa
30. Oktober 2024 in Mexiko
☀️ 25 °C
Dr ersti grossi Umzug zieht durch d Altstadt vo Oaxaca und ändet miteme grosse Fescht und eme Konzert. Hütt hämmer au glernt, dass d Sicherheitsvorkehrige für Füürwärk do doch frogwürdig (oderWeiterlesen
Noche de Muertos
31. Oktober 2024 in Mexiko
☀️ 25 °C
Mir mache für eimol d Nacht zum Tag und schliesse uns ere Tour ufe Fridhof Atzompa chli usserhalb vo Oaxaca ah.
Tusigi Kerzli, Blueme und e Guggemusig mache dä Ort zunere grosse Party. D FamilieWeiterlesen
Comparsa Chinas Oaxaqueñas
1. November 2024 in Mexiko
☀️ 25 °C
Am 1. November isch dr grossi Umzug mit Wäge, farbige Totekopf-Figure, Füürwärk und nomol e Huffe Guggemusik. Au dä lömmer uns natürli nit entgoh.
Hierve el Agua und Mezcal Tour
2. November 2024 in Mexiko
☀️ 24 °C
Natürlichi Infinitypools und spekatkuläri Steiformatione mache Hierve el Agua zume beliebte Usflugsziil vo Oaxaca. Nachere chline Wanderig sind Mineralquelle e gueti Abküehlig. Ufem Heiwäg gits eWeiterlesen
Monte Albán
3. November 2024 in Mexiko
☀️ 25 °C
E halbstündigi Busfahrt vo Oaxaca ligt Monte Alban. Vo dört hän ab 500 v.Chr. Zapoteke über die umligende Täler gherrscht. Im Gegesatz zu andere Ort chame do au uf Pyramide uffelaufe.
Zobe gitsWeiterlesen
Vallodolid und Cenote
4.–9. Nov. 2024 in Mexiko
☀️ 29 °C
E 2stündige Flug bringt uns ufd Halbinsle Yucatán. Glandet in Cancún lömmer d'Hotelbunker schnäll hinter uns und nämme e Bus ins Landesinnere uf Valladolid. Bevors and Küschte (die bekanntiWeiterlesen
Chichén Itzá
6. November 2024 in Mexiko
☀️ 31 °C
Wältwunder und Touristemagnet. Chichen Itzá bietet e idrücklichi Pyramide, unzählbar vil Souvenir-Verkäufer und Cars wo Touris usspucke.
Mir umgön das ganze Spektakel und nämme s'Collectivo amWeiterlesen
Usflug nach Izamal
7. November 2024 in Mexiko
🌙 24 °C
Izamal isch e chlises Kolonialstädtli mitem Spitzname "Ciudad Amarilla". Alli Hüser im Zentrum sin gääl agstriche.
Inselläbe uf Holbox
9.–12. Nov. 2024 in Mexiko
☁️ 28 °C
D'Isla Holbox isch e autofrei Insle im Norde vo Yucatàn. Mir löns uns 3 Täg guet go bi Spaziergäng im Sand, Apéro bi Sunneuntergäng und gniesse die entspannti Stimmig.
Karibik-Feeling in Tulum
13. November 2024 in Mexiko
☀️ 31 °C
Unsere letschte Stop in Mexiko führt uns nach Tulum and Traumstränd am karibische Meer. Au am Meer hets Ruine vo de Maya, wo sicher scho damals d'Ussicht gnosse hän.
Cenote und Cervecería
14. November 2024 in Mexiko
🌧 29 °C
Mit unsere Mietvelos mache mr e Usflug zu dr wunderschöne Cenote Tankah mitte im Wald. Ufem Ruckwäg gits e verdiente Zwüschestop in dr Cervecería vo Tulum mit Beer Tasting und Pommes.
Bullshark Dive
15. November 2024 in Mexiko
☁️ 29 °C
In aller früh gots für mich uf de 5:20 Bus nach Playa del Carmen. Nach me spannende Briefing über d Bullsharks und em Itauch am Riff gots den an Bullshark-Spot. Nach dem idrückliche Tauchgang, woWeiterlesen
Skulpture Park Tulum
16. November 2024 in Mexiko
⛅ 29 °C
Was Instagrammer chön, chön mir scho lang😉. In Tulum gits äxtra Spots für Fotoshootings - teilwiis sogar mit Itrittsgebühr. Das lömmer uns nit entgoh, verbringe aber meh Zit bim Beobachte voWeiterlesen
Puffff... Crazy😅
16. November 2024 in Mexiko
🌧 29 °C
Tschüss Mexiko👋. Zum Abschluss teste mr d' Unterwasser-Selfie-Kamera. Absolut talentfrei, aber Spass hets glich gmacht.
Uf uns wartet e 7stündige Flug uf Santiago de Chile, e kurzi Nacht amWeiterlesen
ReisenderI wünsch euch ganz e tolli gmeinsami Reis mit villne unvergessliche Ihdrück und intressante Begegnige. Que todo passe bien