Reisefudi Uszit 🇲🇽🇨🇱

Une aventure ouverte par Geraldine & Florence En savoir plus

S’abonner Aperçu Calendrier Photos Partager

Les plus récents en premier

Début du voyage
16 octobre 2024
Reisefudi Uszit 🇲🇽🇨🇱
Areis nach Mexico
16 octobre 2024, Mexique ⋅ ☁️ 25 °C
Mir starte in unser Abentür: Vo Basel über Amsterdam nach Mexico City simmer unterwägs und froh, dass nach dere lange Reis dr Zoll, s Gepäck und s Finde vom Hostel ganz unkompliziert gloffe sin.
Voir la traduction
VoyageurI wünsch euch ganz e tolli gmeinsami Reis mit villne unvergessliche Ihdrück und intressante Begegnige. Que todo passe bien
19/10/2024RépondreTraduire
7 j’aime
Reisefudi Uszit 🇲🇽🇨🇱
1
2
¡Bienvenido a Mexico!
17 octobre 2024, Mexique ⋅ ☁️ 23 °C
Lut, chaotisch und voller Mensche: Mexico City het meh Iwohner als d Schwiz und isch e Useforderig für alli Sinn.
Mir sin hütt vil gloffe, hän erschti Idrück gsammlet und uns im Museo de Antropología e Überblick über d Maya und Azteke-Kultur gschaffe.En savoir plus
Voir la traduction
Voyageur Ganz viel Spass euch Zwei
18/10/2024RépondreTraduire
VoyageurHui, das tönt nid grad nach Entspannig. Aber sicher spannend. Y bi grad öppe glyych underwäggs... Gruess uss Singapur.
19/10/2024RépondreTraduire
Voyageur Isch das nid d'James-Bond-Strooss... 🤔
19/10/2024RépondreTraduire
VoyageurDas cha guet si😀
19/10/2024RépondreTraduire
Genial [Paulina]
29/10/2024Répondre
8 j’aime
Reisefudi Uszit 🇲🇽🇨🇱
Usflug zu de Pyramide in Teotihuacàn
18 octobre 2024, Mexique ⋅ ☁️ 23 °C
Nachem Museum gsehmer d Sunne- und Mondpyramide vo Teotihuacàn live.
50 km nördlich vo dr Stadt ligt die Alaag mit de imposante Bauwärk (usem 1. Jhd).
Voir la traduction
9 j’aime
Reisefudi Uszit 🇲🇽🇨🇱
1 1
Centro Historico und Xochimilco
20 octobre 2024, Mexique ⋅ 🌙 15 °C
S pulsierende Härz vo dr Stadt isch s Centro Historico. Für eus ame fast chli z'vil.
Die verschiedene Wohrzeiche sind idrücklich und e Bsuech wärt.
Do Mexico City uf me See erbaut worde isch, sinkt d Stadt jöhrlich witer ab. Das isch bi gwüsse Gebäude au sichtbar (si sin e bitz schräg).

Im südliche Teil vo dr Stadt sind die berühmte Kanäle vo Xochimilco. Die letschte Überräste vom Bewässerigssystem wo Azteke erbaut hei.
Vo dr bunte Gondle us bechöme mir e chline Überblick.En savoir plus
Voir la traduction
Voyageur Bunti Sach und d Drinks passe guet😉
24/10/2024RépondreTraduire
Voyageur Ganz tolli Bilder 🙏🤗 Gniesset's
24/10/2024RépondreTraduire
6 j’aime
Reisefudi Uszit 🇲🇽🇨🇱
1 1
Casa Azul und Coyoacán
20 octobre 2024, Mexique ⋅ ☁️ 17 °C
Im Quartier Coyoacàn ligt s berüehmte Casa Azul -s blaue Wohnhuus vo dr Frida Kahlo. Hütt isches e Museum mit vilne Bilder und private Gegeständ vo dr Künstlerin.
Mir hän mit chli Glück no die letschte Tickets ergatteret, suscht isches für die nägschte Wuche usbuecht.En savoir plus
Voir la traduction
VoyageurDu kennsch jo ihri Läbensgschicht beschtens
21/10/2024RépondreTraduire
Voyageur😊
21/10/2024Répondre
Voyageur So schön... die alte Rockerin Patti halt...
22/10/2024RépondreTraduire
Voyageur 🥰
22/10/2024Répondre
6 j’aime
Reisefudi Uszit 🇲🇽🇨🇱
1 1
Lucha Libre
21 octobre 2024, Mexique ⋅ ☀️ 20 °C
Lucha Libre - s mexikanische Wrestling - muess me gseh ha ufere Mexico-Reis.
Dr Star vom Obe isch dr Místico gsi. Wo dä in Ring gstige isch, hets kei Halte me gäh fürs Publikum. Und nach dr Show hets Autogramm und Fotisessions gäh📸.En savoir plus
Voir la traduction
Voyageur Show Time
24/10/2024Répondre
Voyageur Isch euch langwyylig...? 😄😜
24/10/2024RépondreTraduire
5 j’aime
Reisefudi Uszit 🇲🇽🇨🇱
1
Puebla
22 octobre 2024, Mexique ⋅ ⛅ 24 °C
Vo Mexico City isches nur e zweistündigi Busreis ins entspannte Puebla.
Überall in dr Stadt sin scho d Vorbereitige füre Día de los Muertos im Gang und mir gniesse d Zit zwüsche Kirche und Apéro.
Voir la traduction
Voyageur Alles so schön farbig! Dir hän'd wirklich ganz tolli Yydrügg. 😘
27/10/2024RépondreTraduire
5 j’aime
Reisefudi Uszit 🇲🇽🇨🇱
Usflug nach Cholula
23 octobre 2024, Mexique ⋅ ☀️ 25 °C
Vo Puebla us nämme mr e Uber uf Cholula. Dört stoot die gröschti jemols bauti Pyramide "Tepanapa". Me gseht si allerdings nümm, will si zuegwachse isch will die spanische Eroberer e Kirche obe druff baut hän.
Vo dr Kirche us het me drfür e super Blick uf die umligende Vulkän.En savoir plus
Voir la traduction
5 j’aime
Reisefudi Uszit 🇲🇽🇨🇱
Puerto Escondido
25–27 oct. 2024, Mexique ⋅ ☀️ 30 °C
Nach unsere Abentür in dr Stadt isches Zit füre Uszit am Meer. In Puerto Escondido (versteckte Hafe) isches so heiss, dass mir nit vil meh Wäg mache als vom Bett in Pool zum Meer, ind Beach Bar und wider zrugg in Pool. Dä Abstächer isch wunderbar erholsam gsi und mir sin parat für d Festivitäte zum Día de los Muertos in Oaxaca.En savoir plus
Voir la traduction
VoyageurSo muess es syy!! Eifach paradiesisch, was Dir dörfe erlääbe... 🤗 Vyyl Spass uff em Friedhof hüt z'Nacht 💀☠️
01/11/2024RépondreTraduire
6 j’aime
Reisefudi Uszit 🇲🇽🇨🇱
Oaxaca de Juárez
28 oct.–4 nov. 2024, Mexique ⋅ ⛅ 23 °C
Vo Meereshöchi stige mr wider uf 1500 Meter. Oaxaca de Juarez begriesst uns scho gschmückt füre Día de Muertos und me merkt, wie sich langsam alli parat mache für d Feschttäg.
Voir la traduction
6 j’aime
Reisefudi Uszit 🇲🇽🇨🇱
Barrio de Jalatlaco
29 octobre 2024, Mexique ⋅ ⛅ 24 °C
Im Quartier Jalatlaco merke mr langsam, was do no chönt uf uns zuecho in de nägschte Täg. Mir starte mol mit eme chline Umzug.
Voir la traduction
5 j’aime
Reisefudi Uszit 🇲🇽🇨🇱
1
Magna Comparsa
30 octobre 2024, Mexique ⋅ ☀️ 25 °C
Dr ersti grossi Umzug zieht durch d Altstadt vo Oaxaca und ändet miteme grosse Fescht und eme Konzert. Hütt hämmer au glernt, dass d Sicherheitsvorkehrige für Füürwärk do doch frogwürdig (oder nit vorhande😉) sin.
Bim Umzug verkleide sich alli - Iwohner und Touriste - und lön sich an de vile chline Ständ schminke.En savoir plus
Voir la traduction
Voyageur 👹 🤗
08/11/2024Répondre
5 j’aime
Reisefudi Uszit 🇲🇽🇨🇱
Noche de Muertos
31 octobre 2024, Mexique ⋅ ☀️ 25 °C
Mir mache für eimol d Nacht zum Tag und schliesse uns ere Tour ufe Fridhof Atzompa chli usserhalb vo Oaxaca ah.
Tusigi Kerzli, Blueme und e Guggemusig mache dä Ort zunere grosse Party. D Familie sitze mit Klappstüehli umd Gräber (amigs scho fascht im Grab inne), trinke Bier und plaudere. E ungwöhnlichi, aber sehr schöni Atmosphäre.

Für uns Touriste goots denn witer zunere Muertata (e Fescht, wo d Maske präsentiert wärde, wo in de letschte Mönet gstaltet worde sin - chli wie Fasnacht). Nach vil Tanze, Mescal und traditionellem mexikanischem Ässe wärde mr wider zrugg ind Unterkunft brocht und gheie totmüed ins Bett.En savoir plus
Voir la traduction
5 j’aime
Reisefudi Uszit 🇲🇽🇨🇱
Comparsa Chinas Oaxaqueñas
1 novembre 2024, Mexique ⋅ ☀️ 25 °C
Am 1. November isch dr grossi Umzug mit Wäge, farbige Totekopf-Figure, Füürwärk und nomol e Huffe Guggemusik. Au dä lömmer uns natürli nit entgoh.
Voir la traduction
4 j’aime
Reisefudi Uszit 🇲🇽🇨🇱
Hierve el Agua und Mezcal Tour
2 novembre 2024, Mexique ⋅ ☀️ 24 °C
Natürlichi Infinitypools und spekatkuläri Steiformatione mache Hierve el Agua zume beliebte Usflugsziil vo Oaxaca. Nachere chline Wanderig sind Mineralquelle e gueti Abküehlig. Ufem Heiwäg gits e Zwüschestopp inere Mezcal-Distillerie wo mr uns durch d'Bar dureprobiere.En savoir plus
Voir la traduction
VoyageurCheers🥂
11/11/2024Répondre
Voyageur💕
12/11/2024Répondre
5 j’aime
Reisefudi Uszit 🇲🇽🇨🇱
Monte Albán
3 novembre 2024, Mexique ⋅ ☀️ 25 °C
E halbstündigi Busfahrt vo Oaxaca ligt Monte Alban. Vo dört hän ab 500 v.Chr. Zapoteke über die umligende Täler gherrscht. Im Gegesatz zu andere Ort chame do au uf Pyramide uffelaufe.

Zobe gits dr krönendi Abschluss vo dr Día de Muertos-Wuche und unserem Ufenthalt in Oaxaca: D Julieta Venegas git e Gratis-Konzert im Stadtzentrum.🎶En savoir plus
Voir la traduction
4 j’aime
Reisefudi Uszit 🇲🇽🇨🇱
Vallodolid und Cenote
4–9 nov. 2024, Mexique ⋅ ☀️ 29 °C
E 2stündige Flug bringt uns ufd Halbinsle Yucatán. Glandet in Cancún lömmer d'Hotelbunker schnäll hinter uns und nämme e Bus ins Landesinnere uf Valladolid. Bevors and Küschte (die bekannti Riviera Maya) goot, gumpe mr do zerscht in e paar Cenote. Cenote (natürlichi Kalksteilöcher, wo mi Süesswasser gfüllt sin).En savoir plus
Voir la traduction
5 j’aime
Reisefudi Uszit 🇲🇽🇨🇱
Chichén Itzá
6 novembre 2024, Mexique ⋅ ☀️ 31 °C
Wältwunder und Touristemagnet. Chichen Itzá bietet e idrücklichi Pyramide, unzählbar vil Souvenir-Verkäufer und Cars wo Touris usspucke.
Mir umgön das ganze Spektakel und nämme s'Collectivo am Morge früeh und chön vorem Asturm und dr grosse Hitz die ganze Mayastätte aluege.

Zum Abküehle gits denn e Sprung in die schöni Cenote Tsukan.En savoir plus
Voir la traduction
5 j’aime
Reisefudi Uszit 🇲🇽🇨🇱
Usflug nach Izamal
7 novembre 2024, Mexique ⋅ 🌙 24 °C
Izamal isch e chlises Kolonialstädtli mitem Spitzname "Ciudad Amarilla". Alli Hüser im Zentrum sin gääl agstriche.
Voir la traduction
3 j’aime
Reisefudi Uszit 🇲🇽🇨🇱
Inselläbe uf Holbox
9–12 nov. 2024, Mexique ⋅ ☁️ 28 °C
D'Isla Holbox isch e autofrei Insle im Norde vo Yucatàn. Mir löns uns 3 Täg guet go bi Spaziergäng im Sand, Apéro bi Sunneuntergäng und gniesse die entspannti Stimmig.
Voir la traduction
VoyageurDört würds mir au gfalle!
16/11/2024RépondreTraduire
4 j’aime
Reisefudi Uszit 🇲🇽🇨🇱
1
Karibik-Feeling in Tulum
13 novembre 2024, Mexique ⋅ ☀️ 31 °C
Unsere letschte Stop in Mexiko führt uns nach Tulum and Traumstränd am karibische Meer. Au am Meer hets Ruine vo de Maya, wo sicher scho damals d'Ussicht gnosse hän.
Voir la traduction
traumhaft schön [Marlise]
21/11/2024RépondreTraduire
VoyageurWunderschön!
24/11/2024RépondreTraduire
6 j’aime
Reisefudi Uszit 🇲🇽🇨🇱
2
Cenote und Cervecería
14 novembre 2024, Mexique ⋅ 🌧 29 °C
Mit unsere Mietvelos mache mr e Usflug zu dr wunderschöne Cenote Tankah mitte im Wald. Ufem Ruckwäg gits e verdiente Zwüschestop in dr Cervecería vo Tulum mit Beer Tasting und Pommes.
Voir la traduction
Voyageur Geraldine's Paradise... 🤗
20/11/2024RépondreTraduire
Voyageur🍻
20/11/2024Répondre
VoyageurDas ich de es paradisischs Oertli zum bade und ihr dörfet das ganz ellei für euch gniesse!
24/11/2024RépondreTraduire
4 j’aime
Reisefudi Uszit 🇲🇽🇨🇱
1
Bullshark Dive
15 novembre 2024, Mexique ⋅ ☁️ 29 °C
In aller früh gots für mich uf de 5:20 Bus nach Playa del Carmen. Nach me spannende Briefing über d Bullsharks und em Itauch am Riff gots den an Bullshark-Spot. Nach dem idrückliche Tauchgang, wo leider viel z schnell verbi gange isch, gots zrug nach Tulum. D Geraldine isch in der Zit scho ganz flissig gsi und wartet mit em Zmittag uf mich. 🤩En savoir plus
Voir la traduction
Voyageur Sooo cool. Sin Dir beidi go tauche?
20/11/2024RépondreTraduire
4 j’aime
Reisefudi Uszit 🇲🇽🇨🇱
Skulpture Park Tulum
16 novembre 2024, Mexique ⋅ ⛅ 29 °C
Was Instagrammer chön, chön mir scho lang😉. In Tulum gits äxtra Spots für Fotoshootings - teilwiis sogar mit Itrittsgebühr. Das lömmer uns nit entgoh, verbringe aber meh Zit bim Beobachte vo däm Spektakel als bim sälber Fotis mache📸.
Ufem Heiwäg kündet sich dr Tropesturm Sara ah und für eimol simmer nit nur vom Bade pflötschnass.En savoir plus
Voir la traduction
VoyageurOh wie schön ! die Skulptur "ven a la Luz " isch de gued gmacht.
21/11/2024RépondreTraduire
6 j’aime
Reisefudi Uszit 🇲🇽🇨🇱
Puffff... Crazy😅
16 novembre 2024, Mexique ⋅ 🌧 29 °C
Tschüss Mexiko👋. Zum Abschluss teste mr d' Unterwasser-Selfie-Kamera. Absolut talentfrei, aber Spass hets glich gmacht.
Uf uns wartet e 7stündige Flug uf Santiago de Chile, e kurzi Nacht am Flughafehotel und denn nomol 3 Stund fliege uf Punta Arenas an dr Magellanstross in Patagonie.En savoir plus
Voir la traduction
VoyageurBesser als mänge Influenzer... 🤿😅
22/11/2024RépondreTraduire
3 j’aime

En charger plus