Reisefudi Uszit 🇲🇽🇨🇱

Et åpent eventyr av Geraldine & Florence Les mer

Følg Oversikt Kalender Bilder Del

Reisens start
16. oktober 2024
Reisefudi Uszit 🇲🇽🇨🇱
Areis nach Mexico
16. oktober 2024, Mexico ⋅ ☁️ 25 °C
Mir starte in unser Abentür: Vo Basel über Amsterdam nach Mexico City simmer unterwägs und froh, dass nach dere lange Reis dr Zoll, s Gepäck und s Finde vom Hostel ganz unkompliziert gloffe sin.
Se oversettelse
ReisendeI wünsch euch ganz e tolli gmeinsami Reis mit villne unvergessliche Ihdrück und intressante Begegnige. Que todo passe bien
19.10.2024SvarOversette
7 liker
Reisefudi Uszit 🇲🇽🇨🇱
1
2
¡Bienvenido a Mexico!
17. oktober 2024, Mexico ⋅ ☁️ 23 °C
Lut, chaotisch und voller Mensche: Mexico City het meh Iwohner als d Schwiz und isch e Useforderig für alli Sinn.
Mir sin hütt vil gloffe, hän erschti Idrück gsammlet und uns im Museo de Antropología e Überblick über d Maya und Azteke-Kultur gschaffe.Les mer
Se oversettelse
Reisende Ganz viel Spass euch Zwei
18.10.2024SvarOversette
ReisendeHui, das tönt nid grad nach Entspannig. Aber sicher spannend. Y bi grad öppe glyych underwäggs... Gruess uss Singapur.
19.10.2024SvarOversette
Reisende Isch das nid d'James-Bond-Strooss... 🤔
19.10.2024SvarOversette
ReisendeDas cha guet si😀
19.10.2024SvarOversette
Genial [Paulina]
29.10.2024Svar
8 liker
Reisefudi Uszit 🇲🇽🇨🇱
Usflug zu de Pyramide in Teotihuacàn
18. oktober 2024, Mexico ⋅ ☁️ 23 °C
Nachem Museum gsehmer d Sunne- und Mondpyramide vo Teotihuacàn live.
50 km nördlich vo dr Stadt ligt die Alaag mit de imposante Bauwärk (usem 1. Jhd).
Se oversettelse
9 liker
Reisefudi Uszit 🇲🇽🇨🇱
1 1
Centro Historico und Xochimilco
20. oktober 2024, Mexico ⋅ 🌙 15 °C
S pulsierende Härz vo dr Stadt isch s Centro Historico. Für eus ame fast chli z'vil.
Die verschiedene Wohrzeiche sind idrücklich und e Bsuech wärt.
Do Mexico City uf me See erbaut worde isch, sinkt d Stadt jöhrlich witer ab. Das isch bi gwüsse Gebäude au sichtbar (si sin e bitz schräg).

Im südliche Teil vo dr Stadt sind die berühmte Kanäle vo Xochimilco. Die letschte Überräste vom Bewässerigssystem wo Azteke erbaut hei.
Vo dr bunte Gondle us bechöme mir e chline Überblick.Les mer
Se oversettelse
Reisende Bunti Sach und d Drinks passe guet😉
24.10.2024SvarOversette
Reisende Ganz tolli Bilder 🙏🤗 Gniesset's
24.10.2024SvarOversette
6 liker
Reisefudi Uszit 🇲🇽🇨🇱
1 1
Casa Azul und Coyoacán
20. oktober 2024, Mexico ⋅ ☁️ 17 °C
Im Quartier Coyoacàn ligt s berüehmte Casa Azul -s blaue Wohnhuus vo dr Frida Kahlo. Hütt isches e Museum mit vilne Bilder und private Gegeständ vo dr Künstlerin.
Mir hän mit chli Glück no die letschte Tickets ergatteret, suscht isches für die nägschte Wuche usbuecht.Les mer
Se oversettelse
ReisendeDu kennsch jo ihri Läbensgschicht beschtens
21.10.2024SvarOversette
Reisende😊
21.10.2024Svar
Reisende So schön... die alte Rockerin Patti halt...
22.10.2024SvarOversette
Reisende 🥰
22.10.2024Svar
6 liker
Reisefudi Uszit 🇲🇽🇨🇱
1 1
Lucha Libre
21. oktober 2024, Mexico ⋅ ☀️ 20 °C
Lucha Libre - s mexikanische Wrestling - muess me gseh ha ufere Mexico-Reis.
Dr Star vom Obe isch dr Místico gsi. Wo dä in Ring gstige isch, hets kei Halte me gäh fürs Publikum. Und nach dr Show hets Autogramm und Fotisessions gäh📸.Les mer
Se oversettelse
Reisende Show Time
24.10.2024Svar
Reisende Isch euch langwyylig...? 😄😜
24.10.2024SvarOversette
5 liker
Reisefudi Uszit 🇲🇽🇨🇱
1
Puebla
22. oktober 2024, Mexico ⋅ ⛅ 24 °C
Vo Mexico City isches nur e zweistündigi Busreis ins entspannte Puebla.
Überall in dr Stadt sin scho d Vorbereitige füre Día de los Muertos im Gang und mir gniesse d Zit zwüsche Kirche und Apéro.
Se oversettelse
Reisende Alles so schön farbig! Dir hän'd wirklich ganz tolli Yydrügg. 😘
27.10.2024SvarOversette
5 liker
Reisefudi Uszit 🇲🇽🇨🇱
Usflug nach Cholula
23. oktober 2024, Mexico ⋅ ☀️ 25 °C
Vo Puebla us nämme mr e Uber uf Cholula. Dört stoot die gröschti jemols bauti Pyramide "Tepanapa". Me gseht si allerdings nümm, will si zuegwachse isch will die spanische Eroberer e Kirche obe druff baut hän.
Vo dr Kirche us het me drfür e super Blick uf die umligende Vulkän.Les mer
Se oversettelse
5 liker
Reisefudi Uszit 🇲🇽🇨🇱
Puerto Escondido
25.–27. okt. 2024, Mexico ⋅ ☀️ 30 °C
Nach unsere Abentür in dr Stadt isches Zit füre Uszit am Meer. In Puerto Escondido (versteckte Hafe) isches so heiss, dass mir nit vil meh Wäg mache als vom Bett in Pool zum Meer, ind Beach Bar und wider zrugg in Pool. Dä Abstächer isch wunderbar erholsam gsi und mir sin parat für d Festivitäte zum Día de los Muertos in Oaxaca.Les mer
Se oversettelse
ReisendeSo muess es syy!! Eifach paradiesisch, was Dir dörfe erlääbe... 🤗 Vyyl Spass uff em Friedhof hüt z'Nacht 💀☠️
01.11.2024SvarOversette
6 liker
Reisefudi Uszit 🇲🇽🇨🇱
Oaxaca de Juárez
28. okt.–4. nov. 2024, Mexico ⋅ ⛅ 23 °C
Vo Meereshöchi stige mr wider uf 1500 Meter. Oaxaca de Juarez begriesst uns scho gschmückt füre Día de Muertos und me merkt, wie sich langsam alli parat mache für d Feschttäg.
Se oversettelse
6 liker
Reisefudi Uszit 🇲🇽🇨🇱
Barrio de Jalatlaco
29. oktober 2024, Mexico ⋅ ⛅ 24 °C
Im Quartier Jalatlaco merke mr langsam, was do no chönt uf uns zuecho in de nägschte Täg. Mir starte mol mit eme chline Umzug.
Se oversettelse
5 liker
Reisefudi Uszit 🇲🇽🇨🇱
1
Magna Comparsa
30. oktober 2024, Mexico ⋅ ☀️ 25 °C
Dr ersti grossi Umzug zieht durch d Altstadt vo Oaxaca und ändet miteme grosse Fescht und eme Konzert. Hütt hämmer au glernt, dass d Sicherheitsvorkehrige für Füürwärk do doch frogwürdig (oder nit vorhande😉) sin.
Bim Umzug verkleide sich alli - Iwohner und Touriste - und lön sich an de vile chline Ständ schminke.Les mer
Se oversettelse
Reisende 👹 🤗
08.11.2024Svar
5 liker
Reisefudi Uszit 🇲🇽🇨🇱
Noche de Muertos
31. oktober 2024, Mexico ⋅ ☀️ 25 °C
Mir mache für eimol d Nacht zum Tag und schliesse uns ere Tour ufe Fridhof Atzompa chli usserhalb vo Oaxaca ah.
Tusigi Kerzli, Blueme und e Guggemusig mache dä Ort zunere grosse Party. D Familie sitze mit Klappstüehli umd Gräber (amigs scho fascht im Grab inne), trinke Bier und plaudere. E ungwöhnlichi, aber sehr schöni Atmosphäre.

Für uns Touriste goots denn witer zunere Muertata (e Fescht, wo d Maske präsentiert wärde, wo in de letschte Mönet gstaltet worde sin - chli wie Fasnacht). Nach vil Tanze, Mescal und traditionellem mexikanischem Ässe wärde mr wider zrugg ind Unterkunft brocht und gheie totmüed ins Bett.Les mer
Se oversettelse
5 liker
Reisefudi Uszit 🇲🇽🇨🇱
Comparsa Chinas Oaxaqueñas
1. november 2024, Mexico ⋅ ☀️ 25 °C
Am 1. November isch dr grossi Umzug mit Wäge, farbige Totekopf-Figure, Füürwärk und nomol e Huffe Guggemusik. Au dä lömmer uns natürli nit entgoh.
Se oversettelse
4 liker
Reisefudi Uszit 🇲🇽🇨🇱
Hierve el Agua und Mezcal Tour
2. november 2024, Mexico ⋅ ☀️ 24 °C
Natürlichi Infinitypools und spekatkuläri Steiformatione mache Hierve el Agua zume beliebte Usflugsziil vo Oaxaca. Nachere chline Wanderig sind Mineralquelle e gueti Abküehlig. Ufem Heiwäg gits e Zwüschestopp inere Mezcal-Distillerie wo mr uns durch d'Bar dureprobiere.Les mer
Se oversettelse
ReisendeCheers🥂
11.11.2024Svar
Reisende💕
12.11.2024Svar
5 liker
Reisefudi Uszit 🇲🇽🇨🇱
Monte Albán
3. november 2024, Mexico ⋅ ☀️ 25 °C
E halbstündigi Busfahrt vo Oaxaca ligt Monte Alban. Vo dört hän ab 500 v.Chr. Zapoteke über die umligende Täler gherrscht. Im Gegesatz zu andere Ort chame do au uf Pyramide uffelaufe.

Zobe gits dr krönendi Abschluss vo dr Día de Muertos-Wuche und unserem Ufenthalt in Oaxaca: D Julieta Venegas git e Gratis-Konzert im Stadtzentrum.🎶Les mer
Se oversettelse
4 liker
Reisefudi Uszit 🇲🇽🇨🇱
Vallodolid und Cenote
4.–9. nov. 2024, Mexico ⋅ ☀️ 29 °C
E 2stündige Flug bringt uns ufd Halbinsle Yucatán. Glandet in Cancún lömmer d'Hotelbunker schnäll hinter uns und nämme e Bus ins Landesinnere uf Valladolid. Bevors and Küschte (die bekannti Riviera Maya) goot, gumpe mr do zerscht in e paar Cenote. Cenote (natürlichi Kalksteilöcher, wo mi Süesswasser gfüllt sin).Les mer
Se oversettelse
5 liker
Reisefudi Uszit 🇲🇽🇨🇱
Chichén Itzá
6. november 2024, Mexico ⋅ ☀️ 31 °C
Wältwunder und Touristemagnet. Chichen Itzá bietet e idrücklichi Pyramide, unzählbar vil Souvenir-Verkäufer und Cars wo Touris usspucke.
Mir umgön das ganze Spektakel und nämme s'Collectivo am Morge früeh und chön vorem Asturm und dr grosse Hitz die ganze Mayastätte aluege.

Zum Abküehle gits denn e Sprung in die schöni Cenote Tsukan.Les mer
Se oversettelse
5 liker
Reisefudi Uszit 🇲🇽🇨🇱
Usflug nach Izamal
7. november 2024, Mexico ⋅ 🌙 24 °C
Izamal isch e chlises Kolonialstädtli mitem Spitzname "Ciudad Amarilla". Alli Hüser im Zentrum sin gääl agstriche.
Se oversettelse
3 liker
Reisefudi Uszit 🇲🇽🇨🇱
Inselläbe uf Holbox
9.–12. nov. 2024, Mexico ⋅ ☁️ 28 °C
D'Isla Holbox isch e autofrei Insle im Norde vo Yucatàn. Mir löns uns 3 Täg guet go bi Spaziergäng im Sand, Apéro bi Sunneuntergäng und gniesse die entspannti Stimmig.
Se oversettelse
ReisendeDört würds mir au gfalle!
16.11.2024SvarOversette
4 liker
Reisefudi Uszit 🇲🇽🇨🇱
1
Karibik-Feeling in Tulum
13. november 2024, Mexico ⋅ ☀️ 31 °C
Unsere letschte Stop in Mexiko führt uns nach Tulum and Traumstränd am karibische Meer. Au am Meer hets Ruine vo de Maya, wo sicher scho damals d'Ussicht gnosse hän.
Se oversettelse
traumhaft schön [Marlise]
21.11.2024SvarOversette
ReisendeWunderschön!
24.11.2024SvarOversette
6 liker
Reisefudi Uszit 🇲🇽🇨🇱
2
Cenote und Cervecería
14. november 2024, Mexico ⋅ 🌧 29 °C
Mit unsere Mietvelos mache mr e Usflug zu dr wunderschöne Cenote Tankah mitte im Wald. Ufem Ruckwäg gits e verdiente Zwüschestop in dr Cervecería vo Tulum mit Beer Tasting und Pommes.
Se oversettelse
Reisende Geraldine's Paradise... 🤗
20.11.2024SvarOversette
Reisende🍻
20.11.2024Svar
ReisendeDas ich de es paradisischs Oertli zum bade und ihr dörfet das ganz ellei für euch gniesse!
24.11.2024SvarOversette
4 liker
Reisefudi Uszit 🇲🇽🇨🇱
1
Bullshark Dive
15. november 2024, Mexico ⋅ ☁️ 29 °C
In aller früh gots für mich uf de 5:20 Bus nach Playa del Carmen. Nach me spannende Briefing über d Bullsharks und em Itauch am Riff gots den an Bullshark-Spot. Nach dem idrückliche Tauchgang, wo leider viel z schnell verbi gange isch, gots zrug nach Tulum. D Geraldine isch in der Zit scho ganz flissig gsi und wartet mit em Zmittag uf mich. 🤩Les mer
Se oversettelse
Reisende Sooo cool. Sin Dir beidi go tauche?
20.11.2024SvarOversette
4 liker
Reisefudi Uszit 🇲🇽🇨🇱
Skulpture Park Tulum
16. november 2024, Mexico ⋅ ⛅ 29 °C
Was Instagrammer chön, chön mir scho lang😉. In Tulum gits äxtra Spots für Fotoshootings - teilwiis sogar mit Itrittsgebühr. Das lömmer uns nit entgoh, verbringe aber meh Zit bim Beobachte vo däm Spektakel als bim sälber Fotis mache📸.
Ufem Heiwäg kündet sich dr Tropesturm Sara ah und für eimol simmer nit nur vom Bade pflötschnass.Les mer
Se oversettelse
ReisendeOh wie schön ! die Skulptur "ven a la Luz " isch de gued gmacht.
21.11.2024SvarOversette
6 liker
Reisefudi Uszit 🇲🇽🇨🇱
Puffff... Crazy😅
16. november 2024, Mexico ⋅ 🌧 29 °C
Tschüss Mexiko👋. Zum Abschluss teste mr d' Unterwasser-Selfie-Kamera. Absolut talentfrei, aber Spass hets glich gmacht.
Uf uns wartet e 7stündige Flug uf Santiago de Chile, e kurzi Nacht am Flughafehotel und denn nomol 3 Stund fliege uf Punta Arenas an dr Magellanstross in Patagonie.Les mer
Se oversettelse
ReisendeBesser als mänge Influenzer... 🤿😅
22.11.2024SvarOversette
3 liker