Packen und Winterthur

soo, das packe mol wieder.. mini lieblingsbeschäftgigun - i hasses, und dasmol für 3 mönet😄 ahgfange hani mitere packliste und hansi vergliche mit de vergangene reise vo thailand, japan und vietnam. so sötti denn öppe alles mitha, aber wie immer packtme halt viel zviel ih! drum hani mi müesse bi de kleidig ischränke, aber immerno zviel. de packpack isch aber doch nur 13kg gsi - das hani denkt isch oke, i han ja dasmol kai krücke haha! (spöter het sich herusgstellt in bali - d hälfti brüchti garnid, evtl. chani de alissa was mitgeh ind schwiz am 9.12 oder i maches päckli hei, sus heisst 3 mönetlang sinnlos schwer umeschleppe🙈 zum glück hani aber en coole backpack kauft wo echt supper isch zum träge! ufgrund fo minere liebi tante hani sogar no en tagestikett-gemeinde kriegt, s het en einzige no geh in elgg, und de hani denn per post kriegt:) am abreisetag usem münstertal hani no müesse in spitol mini letscht tollwuet impfig go mache, typhus hani scho gnoh kah, also I‘m ready! mitem zug bini denn bis uf frauefeld und de gianluca hetmi dött abgholt. mer hend denn dihai in gachnang chli aperöölet, kocht, gesse und en film gluegt. d iman isch soo müed gsi aber am schluss die einzig gsi wo nid gschlofe het😄Read more