Bali - Indonesia

Die Nacht hemmer beidi sehr guet gschlofe, de Gückel hemmer nur 1-2 mol khört. aber trotzdem hemmer müesse mitem Handywecker ufwache will üs de Hotelbesitzer zu de Fähre fahre will um 7:45. Hoffentli weiss er dasmol de weg😄

In Sanur, wo de Hafe isch mit de Fährene hemmer no müesse e Bank finde zum Geld abhebe. Mier hend denkt üsi 200CHF - 2‘600‘000 IDR langet an Bargeld, aber ma muess doch immer wieder Itritt, Taxifahrer, Esse, an Marktständ und zum Teil au Hotels bar zahle. Drum hemmer etz no vor zum pro Person no 1
Million😮 IDR abhebe. Im Internet hemmer gseh dases besser isch zunere Bank go das mache, will bi de normale ATM isch möglich, dass dini Karte kopiert wird und du denn bschisse wirsch. D Bank hemmer denn guet gfunde und alles isch riibigslos gange, etz simmer wieder riich😄 wär nur schön wenns ide Schwiz denn au 1 Million wär! Haha.
D Priise do in Bali sind aber unglaublich billig. Es het zwar gheisse nach de Coronapandemie sig alles chli türer worde aber für üs Touriste ischs immerno so als wär fast alles gratis, und ma chans überhaupt nid mit de Schwiiz vergliche im bezug uf wie viel Unterschied es z.B. es Hotel und es znacht oder kaffi het. also es hotel kosted zum teil weniger als en Znacht😄 Mittlerwiile wüssemer uswendig wie viel Geld IDR in CHF isch, am Ahfang hemmer immer müesse mitem Währigsrechner go rechne, Alissa het zwar au jetzt immerno müeh und würr für viel, viel zviel zahle - logisch würrend denn die Einheimische das Geld aneh und nüd sege😋😄 do paar Ufzählige fo Priise in CHF: E Ganzkörpermassage fo 60 Minute kosted 7, en Znacht wennme in eher besseri Restis goht kosted mit Getränk und zum Teil Dessert ca. 7-10, en Znacht wennme indonesisch go esse goht in Local-Restis kann au nur 3 si, e Taxifahrt vo 1h kosted 6, en Itritt zumene Tempel isch 3 und es Hotelzimmer für 1 Nacht variiert zwüsche 9 und au nur 3 CHF. Also krass, ma lebt do fast für kai Geld! Mier gebend aber zum Teil scho au was us für grösseri Aktivitääte und au immer wieder guets Esse, also mer lönnds üs scho guet go😋 uf de Philippine muess ich denn chli meh ufs Geld luege, dött seitme ma git 30-40€ pro Tag us und in Bali ischs öppe 20–30€. Aber mier sind ab und zue au chli drüber:)

Am Harbor acho ischs losgange mit de Ahgebot fo de Lüt.. I han kai Nerve kah und d Alissa isch no ganz ruhig bliebe. Aber alli wenndder öppis ufdrehe und die meiste probierend dich z verarsche mit de Priise, aber so isch das halt i dene arme Länder - das hemmer au scho vorher gwüsst! Mier hend denn doch en guete Stand gfunde wo üs vertrauenswürdig vorcho isch und dött hemmer denn üses Fähreticket buecht, also eigentli ischs denn en Fastboat gsi. De het üs aber zerst au chli welle mitem Pris verarsche aber zum Glück hend mier im Internet gluegt wieviel es öppe koste sött. De Weg bis zum Boot isch mega professionell gsi, und au mit Rolltreppe usw., komisch dases denn in Bali doch au sowas git.. Ma chönd eig viel meh eher in anderne Sache investiere! Mitem Boot simmer denn ca. 45min-1h gfahre. In Nusa Lembongan hemmer schoo bim usstige das türkise Wasser gseh😍 wieme üs mittlerwile kennt machemer üs uf de weg zunere guete Bowl zum zmorge:)
mier hend während em Zmorge erfahre dassmer de falsch Hafe usgwählt hend zum acho😂 drum hemmer ufd Hauptstross müesse go warte bis en Transport mit anderne Lüüt vorbifahrt zum dött mitfahre. Do ischs nämli chli komplizierter mit de Taxis und es git kai Grab-Taxi🥹 aber gross wohere goht ma ja do au nid würkli - die Insle isch zum chli relaxe:) mer hend denn aber recht schnell eine gfunde und de het üs zum Tropical Guest House gfahre, mitem Geld hetter üs wieder welle verarsche aber mer hend denn eifach weniger geh und sind weggloffe!🙈 Hend denn icheckt und sind zu üsem „Bungalow“, isch au wieder sehr schön und au suuber, aber leider ohni Klimaahlag & ohni warms Wasser + nur en Ventilator🙈 mer sind zum Strand gloffe und hend üse Tag dött verbrocht - mer hend ab hüt nämli endlich richtig geils Wetter!! Ufsmol hemmer en Beachbar grad neb üs entdeckt womer uf Strandsäck kann chille, dött simmer hii und hend en Smoothie trunke und hend denn checkt dass das grad das Resti isch womer au hend welle Znachtesse, wahrschindli bliebemer grad bisam Obig do😄 hemmer würkli gmacht. Hend denn Mie und Nasi Goreng (Goreng heisst übrigens gebraten, also Mie isch mit Nudle und Nasi isch Riis) gesse und denn hends sogar no en Movie Obig kah womer gratis Popcorn kriegt hend🎥😍Read more