Flug Qatar - Denpasar/Bali

de flug uf qatar isch irgendswie soo schnell gange, wahrschindli willmer temesta gnoh hend (also d romana) haha. in qatar hemmer denn 3h ufenthalt kah und denn isch bi üs scho nach mitternacht gsi, dött hemmer e zitverschiebig nur fo 2h kah. happy birthday bap!😉🥳😘 üse flug richtig denpasar/bali isch denn gstartet und denn hemmer probiert wiiterschlofe will im bali immerno nacht gsi isch. gfühlt hemmer all 2h mol esse kriegt haha, wahrschindli willmer halt immer wieder gschlofe hend und weg de zitverschiebig isch das recht verwirrend gsi. zum zmorge hemmer denn denkt es git irgendswie brötli oder sowas aber es het riiscurry geh😄 aber mer hend immer alles gesse:) am schluss will im bali langsam tag worde isch hemmer
müesse probiere wach bliibe, hend denn en film gluegt und denn isch de flug fo 8h au scho vorbii gsi - alles uh schnell gange. insgsamt simmer 18h unterwegs gsi, exkl. weg nach zürri und weg zum hotel in bali. in bali acho simmer denn üses visa on arrival go hole, isch alles riibligslos gange, mer hend eifach müesse üse witerflug oder retourflug zeige zum denn 30täg chöne doh bliebe. wennme meh als 30täg blibt wärs komplizierter worde. usem flughafe use sind scho alli cho und hend üs welle taxis ufdränge - alles viel zu übertüürt und denn hemmer müesse ischätze wieviel ma echt jetzz do für sones taxi zahlt. will d alissa das scho dihai chli nohgluegt het hemmer gwüsst dass in bali die best fortbewegig über die grab taxi app isch. das hemmer denn gmacht und hend üs damit sicher öppe 15CHF gspart. üses taxi zum hotel isch nur 12CHF gsi für 20min. dött hemmer denkt dases billig isch - aber alöes andere wird no viel billiger😄🥳 d alissa het für üs scho die ersti 3 nächt in kuta buecht, damit mier üs chli aklimatisiere und richtig acho chönd - und üs ade zitverschiebig chönnd gwöhne :) im hotel acho simmer richtig müed gsi, zum üs chli bewege willmer ja 15h nur gsesse sind simmer no chli umegloffe und hend üs en drink gönnt!Læs mere