Tschüss Alissa, Tschüss Bali ♥️🇮🇩

Mier wennd de Tag hüt nid wohr ha.. Alissa reisst hüt würkli ab.. mer sind beidi so trurig. Mer gnüssend no es letschts mol en Zmorge im Loft, sind no in U.SPA und denn gohts los richtig Flughafe.. I han mi ganz spontan entschiede zum en Surfcamp mache ufde Philippine (Siargao) drum werdi au hüt mir ihre an Flughafe fahre und die Nacht am 01:00 scho flüge, statt erst in 2 Täg. Gitmer au es viel bessers Gfühl! :) Leider ischs hammer kompliziert gsi mitem Flug, sodass i de ganz Tag chli Stress kah han und han müesse Zügs organisiere - aber so hemmer chli d Trurigkeit chöne verdränge🙈. Am Flughafe acho hani paar Stund vorher immernonid gwüsst obi am Mitternacht flüge kann oder nid, will d Buechig nid funktioniert het.. nach laaangem hin und her hets denn klappt und i bin so erliechtert gsi wie nonie. Öppe e Wuche lang hani das jetzt mit mier gschleppt, obi en Surfcamp mache oder nid, obi hüt flüge oder Sunntig, und jetzt isch alles innert 1 Tag organisiert worde, so gstresst bini lang nüm gsi - und i han Ferie😂 Ide Zwüschezit het Alissa icheckt, i han sie bis zum Security Check chöne begleite und denn hemmer müesse Abschied neh, i miner Verzwiiflig sind Träne gloffe und sie hetmi fast nid welle so zruck loh, aber het müesse🙈 Soooo.. CiaoCiao liebi Alissa, falls du das gsehsch: es isch de hammer gsi mit dier, i würrs immer wieder mache! So ahgnehm und unkompliziert wie nonie, jedi Sekunde hani eifach nur gnosse, han di soooo gern! Grüessli and Schwiiz und am Schnee vo mier, d Adventsziit, Wiehnachtsziit muesch au chli für mi gnüsse und en Glüehwii für mi trinke😉🍷 Wenni zruckchume gits denn schöni sunnigi Täg uf de Piste, e Smoothie Bowl und en Lava Chocolate Cake 😍🍪 du weisch! 😜😘 Guete Flug!!
Um d Warteziit z verkürze hani chli Telefonat gfüehrt, was gesse und denn irgendswenn sind die 7h am Flughafe au vorbii gsi, bin denn um Mitternacht in Flugzüg richtig Manila und jetzt stiegt so ganz langsam d Vorfreud woni bis jetzt nur begrenzt kah han🙈☺️Læs mere