Zürich - Tromsø

Voller Vorfreud simmer hüt Morge i üses Abentür "Norwege" gstartet 🇧🇻
Mitem Taxi an Bahnhof und denn mitem Zug an Flughafe. Mier sind erstunt gsi dases gar nöd so viel Lüt gha het wie erwartet und hend drum voll entspannt könne sGepäck abgeh und durch dSicherheitskontrolle😎
Bald scho sitzemer im erste Flüger und mached üs uf de Weg uf Oslo, döt acho hend mier sGfühl ka mier könd e bitz umeschlendere und trödle, bis mier denn erfahre hend, dass mer in Norwege, wemmer ireist und denn en Innland Flug het, mues eimol usem Flughafe use und nomol durch de security check ine.🙈 Da het üs stutzig gmacht, und mier hend extra gfroget öbmer denn de Koffer au am Band mösed hole und nomol neu ufgeh. Die nett Dame het denn gmeint, nenei da seg kei Problem de gäng direkt witer!😇
Miteme liechte Stress hemmers denn zum Boarding gschafft und hend denn döt möse feststelle, dasmer de Koffer ebe glich het möse vum Band hole und neu ufgeh 😂 Es het denn gheisse vlt. schaffis de Koffer aber no uf de Flug.
Spoiler Alarm: hetter nöd!😂
Die Gwüssheit hemmer denn noch de Landig in Tromsø au ka, und sind denn an Infoschalter wos gheisse het, daser noch System mitem letschte Flug am 8i söt in Tromsø ako. Wanner denn zum Glück au isch 🤩🥰
I de Zwüschezit hend mier schomol im Hotel icheckt ka und sind go zNacht esse ☺️
Etz simmer glücklich und müed und freued üs uf alles wo no kunnt ❤️Read more