Tromsø

De ersti Tag in Norwege hemmer i de grösste Stadt im Norde verbrocht.
Ehrlicherwis mömmer sege, dass mier e bitz me erwartet hetted und üs drum au scho no Programm umegluegr hend ☺️ Aber me verroted no kei Details 😜
Nocheme, wie dViola wör sege, Wahnsinnsmarsch 😂 über dTromsøbrua (1016m lang) simmer vor de Eismeerkathedrale gstande.
Zu üsem veblüffe isch de gad laufendi Gottesdienst bis uf de letschti Platz bsetzt gsi 🙌
Mitem Bus simmer denn wieder zrugg id Stadt und hend üs binere heisse Schoggi bitz ufgwärmt ☕
Aschlüssend hemmer üs uf de Weg is einzige Trollmuseum vu ganz Norwege gmacht 🧌 und hend üs vu de nordische Mythologie berisle lo.
Nocheme witere Kafi und enere feine Öpfeltäsche i de Backstube in Tromsø simmer zrug is Hotel und hend üs ufgwärmt.
Als Abschluss vum Tag simmer denn no go zNacht esse und freued üs bereits uf morn ❤️Weiterlesen