Aurora Borealis

Me seit dass dPolarliechter iren Ursprung bi de Polarfüchs hend, wo so schnell über de Himmel renned, dass iren pelzige Schwanz die wunderschöne Bilder an Himmel zeichnet 🥰
Egal woher sie chömed oder wie sie entstönd, es isch scho immer en gmeinsame Wunsch vu üs zwei gsi, zum da Naturspektakel emol live töre erlebe 🌌
Us dem Grund hend mier üs gester anere Gruppe agschlosse und e gfüerti Tour gmacht zum genau die wunderschöne Liechter zfinde.
Als vorbereitig vör da hemmer aber zerst beidi no e Pärli warme Schue kauft, dass mier au sicher nöd verfrüred underwegs, und die hets au würkli brucht. 😜
Am 19:15 hemmer üs denn miteme Minibus ufd Jagd gmacht 🕵️
Und wa söllemer sege, mier hend unglaublichs Glück ka, und dLiechter hend sich üs scho kurz nochem verlo vu de lichterveschmutzte Gegend rund um Tromsø zeigt. ☺️
Vu blossem Aug sind die liechter aber gar nöd grüe, sondern mer erkennt so wisslichi Streife wo plötzlich uftauched, stärker werded und irgendwenn sinds wieder weg.
Elei das isch absolut gigantisch zum beobachte, und durch dKamera kömmed denn au die prächtige Farbe no zum vorschi 😍🤩
Eifach en Traum ❤️

p.S. wenner dFotene alueged wommer mit de Handies gmacht hend, am beste imene dünklere Rum und dBildschirmhelligkeit erhöhe 😇
Die Fotene vum Guide folged imene separate Post ☺️Lue lisää