Tromsø - Sommaroy

Hüt isches sowit gsi und mer hend üsen Mietwage gschnappt und üs uf de Weg gmacht zum en Teil vu dem riesige Land uf eigeni Fust zerkunde 🕵️
Vu Tromsø us, wo jo bekanntlich ufere Insle lit, simmer über dBrugg uf dNochberinsle Kvaloya gfahre.
Nocheme kurze Stop im Spar, zum Snacks für dViola (und au bitz für de Andrea) poste, fahremer witer und werded linker Hand überrascht vu e paar chillende Rentier 😍
E paar Meter witer hend denn sogar no zwei sBesürfnis ka zum über dStross schlendere 🥰
Noch dere Begegnig verlönd mier dKüste und überquered Kvaloya vebie anere idrückliche arktische Szenerie🥶
Bald kömmed mier a de gegenüberliegende Küste a und nöchered üs em hütige Ziel. Sommaroy.
Döt bezüched mier üses Hotelzimmer mitere wunderbare Ussicht, und freued üs spöter uf en wohlvediente zNacht 😎Read more