Sommaroy

Hüt hemmer üs serst mol uf eigeni Fust ufd Socke gmacht und sind mitem Auto ufen Parkplatz düst, wo direkt am Fuess vum Bergli Ørnfløya lit .⛰️
Da isch denn au üses erste Ziel gsi vu hüt. De Berg isch zwor nöd hoch und de Weg nur bitz me wie en Kilometer, wemmer aber bedenkt dass dViola bereits am Afang vum 6. Monet isch sit hüt, denn isch da doch e beachtlichi Leistig 💪
dUssicht wo mier vu de obe töred gnüsse isch schlicht atemberaubend und jedi Müe wert gsi 😍
Nochdem mier die ganze Idrück ufgsoge hend und üs im Logbuech itreit hend, mached mier üs uf de Weg zrugg zum Auto 🚙
Nocheme stopp ime kline Kafi, und eme Teller Chicken Nuggets mit Pommes, simmer denn ufbroche zum nögste "Spaziergang".
Mer mues fairerwis sege, dass mier wohl emol falsch abboge sind, und drum useme easy Küstespaziergängli vu 3km rund um Sommaroya e klini Wanderig über Stock und Stei, und zum Teil au durch sumpfigi Wälder wore isch 😂
Als Belohnig hemmer au wieder wundervolli Panorame töre gnüsse 🌄
Und zum Schluss hemmer sogar no Bekanntschaft miteme Pärli Alpeschneehüener gmacht 🥰
Noch dem wundervolle Tag hemmer üs no en Latte im Hotel gönnt, und gnüssed etz de Rest vum Nomi/Obed im Zimmer bimene guete Buech oder enere Folg Lupin uf Netflix😇Read more