Coucher de Soleil à Calvi

Gester hemmers alli mol e bitzli ruhiger gno, und hend eifach e kli in Tag ineglebt ☺️ I bi mit Mami und Papi am Morge uf Calvi go käfele und flaniere 🤩 und Oma und Opa sind e bitzli go pöstele 😇
Am Mittag hend mier denn wieder de Zug retour richtig Camping gno 😎
Will denn noch und noch dWölkli ufzoge sind, hemmer üs kurzerhand entschiede is Auto zhüpfe und em Städtli Iles Rousse en Bsuech abzstatte ☺️
Au da isch mega gmüetlich gsi. Mier sind eifach bitzli dedur gloffe, gend seinte oder andere Lädeli bsuecht, und sind denn no meeeega fein go zNacht esse 🤩🤩 I ha denn sogar pfuuset, so dass die grosse sEsse so richtig fest hend könne gnüsse 🥰
Anstatt direkt hei, hend mier denn entschiede, zum no dZitadelle vu Calvi go aluege, will de Papi no nie döte gsi isch ☺️
dBelohnig für die Entscheidig isch en neue Kraftort vö üs als Familie ❤️ und en absolut magische Sunneuntergang gsi 😍😍
Zum Abschluss vu dem wundervolle Tag sind die grosse denn no eis go trinke, und aschlüssend sind sMami und de Papi denn no mit mier heigloffe ☺️
Mit 19000 Schritt i Flip Flops und Schlarpe i de Bei 🙈😂 simmer denn alli müed is Bett keit und hend pfuuset ☺️
Hüt Morge hets denn scho e bitzli Morgesport mitem Papi geh 😇 und etz bini eifach gspannt wa de Tag so bringt ☺️ i glaub mier gönd go bade 😍
Gnüssed de Tag ier LiebeRead more