Pigna pittoresque

Eigetlich hani denkt mer verbringed de Tag hüt eifach am Strand, aber sMami het anderi Plän ka 🫣
Sie het welle i sone Bergdörfli wo Pigna heisst, will sie döt emol e handgmachti Spieluhr kauft het 😇
I ha denkt wenn sMami da wet, denn machemer da doch 🥰
Also simmer alli zemme is Auto ghüpft, und hend üs nocheme kurze Zwüschestopp imene Lädeli mit korsische Spezialitäte, uf de Weg uf Pigna gmacht ☺️
Dobe akoo bini no am schlöfele gsi, und drum hend di grosse gfunde, sie gänged doch gad zerst go esse 🥰
Nocheme mega feine zMittag hemmer üs denn uf de Weg gmacht zum da kline aber sehr molerische Dörfli erkunde☺️ Es het zwei drü ganz klini herzigi Lädeli mit handgmachte Spieluhre, Keramik und Basteleie, sus lebt de Ort aber tatsächlich vu sim veschachtlete Ufbau und em traumhafte Usblick ☺️
Bi dem Spaziere durs Städtli bini bim Papi i de Trage gsi, wills mitem Wage unmöglich gsi wär...es het eifach zviel Stege und de Weg isch nur us Pflasterstei 🫣 Natürli bini au döte wieder ganz gmüetlich ipfuust und er het gschwitzt 😜
Wommer denn zrugg gsi sind bim Auto hend die grosse alli heiss gha und de Papi het mi schlofend is Auto glade 😇
Zum de Tag usklinge lo und üs alli no abküele, simmer denn uf di 6i no an Strand, und hends eifach no gnosse...sooo schöö gsi 🥰🥰🥰🥰Baca lagi