Titicaca-See

Hüt hend mer vill erlebt!
Am morge sind mer mitem Tuctuc zum Pier gfahre und denn vo det us mitem Boot eppe 1h zunere „floating Island“ Isch sehr spannend gsi zum gseh wie d Lüüt det druf wohned und wie die Insle erbaut werded (de ganzi Prozess gaht eppe 2 Jahr!) denn sind mer wiitergfahre zude Insle Taquile, wo mir denn Zmittag gesse hend. E wunderschöni Insle, genau so schön wie di negsh Insle wo denn üsi Endstation gsi isch. Mir hend denn zersch üsi Gastfamilie kenneglernt (ich bin mit zwei anderne vo minere Gruppe ide Familie gsi) und hend denn derfe traditionelli Kleider ahlegge. Mir sind denn zum Huus vo üsere Gastfamilie und sind det sehr willkommend begrüesst worde. Hend denn no bim Koche chli ghulfe und mit de Chind no chli gspillt und nachem Znacht sind mer denn is gmüetliche Bett.Leggi altro