Boottrip Tag 1/3

Hüt ah mim Geburtstag sind mir ufs Boot wo mir di negste 3 Täg werded sii. D Reis gaht vo El Nido nach Coron, da uf Palawan. Übernachte dünd mir jewils ah Land uf chline Insle und underwegs halted mer immerwider ah zum Schnorchle.
De Boottrip hett mit sehr vill Rege ahgfange, drum sind mer zersch chli skeptisch gsi, aber de hett zum Glück nume eh Stund aneghebt.
Üse erste Schlafplatz hett mer schomal sehr guet gfalle, jewils s zweite ih eim Hüttli & es hett abgseh vo üsere Gruppe (12 Lüüt + Staff) niemert andersch da gha. Mir hend denn no fein Znacht gesse und denn no recht lang Trinkspiilk gspillt.
Sooo en schöne Geburtstag gsi ✨Baca lagi