Jungle Trekking / Chiang Mai

Für hüt han ich mich mit de Sophia (Kollegin vo mim Hostel) für es Jungle Trekking ahgmeldet. Mir sind früe am morge abgholt worde und denn zum Startpunkt vom Trek gfahre. Üsi Gruppe isch chli gsi, nume 7 Lüüt und 2 Locals, also perfekt! Es het zimmli gli ahfange regne, aber das het guet zude Tschungel Atmosphäre passt und nid gstört. Underwegs hend mer vill verschideni Tier gseh, sogar Elefante 😍
Nach eppe 2.5h sind mer bi üsem Lunchspot ahcho, zu dem Ziitpunkt hets scho wider ufghört regne.
De Zmittag isch mega fein gsi und het üs gstärkt für de Rest. Au de Teil vom Trek isch würkli schön gsi, unahtasteti Natur, kei anderi Mensche.
Am Abig bini mit de Sophia no ah en chline Nightmarket und han det s Nationalgricht vo Nordthailand probiert, Khao Soi. Sehr fein gsi.En savoir plus