Ab Richtig Heiwäg

Gester am Dunnstig händ mir no än Usflug uf Saalbach-Hinterglemm gmacht. Dä Silas isch no einisch go Bike und mir äs chlises Toürli go machä. Saalbach-Hinterglemm isch ganz hübsch mit vielä schönä Hotels und uf dä Bärgä urchigi Alpbeizli. Im Winter sicher no besser.😊
Hüt händ mir üs dänn uf gmacht Richtig Heiwäg, über dä ThurnPass (1200 m.ü.M) nach Kitzbühl nach Innsbruck. Wiä gseit, erst Richtig Heiwäg... mit händ no än Stop bim Natternsee i gleit, wills eifach no zu schöns Wätter isch. Natternsee kännäd mir, da sind mir scho paar Mal gsi, das isch i dä Nöchi vo Innsbruck. Am Sunntig gaht üsi Tour de Österreich 🇦🇹 zu Änd. Äs isch spannend gsi, mal äs Anders Österreich gseh, ab Tirol gits no vieli schöni Ort.
Mir sind fast dur alli österreichische Bundesländer gfahrä, eis hät üs no gfählt, Osttirol.Weiterlesen