Dschungel Tag

Mir hend en Tagesusflug in Dschungel gmacht. Zerst simmer ines Uriwohner Dorf und hend Pflanze probiert, d Chind hend eusi Gsichter agmalt und mir hend ihne bime traditionelle Tanz zuegluegt. Nachher simmer mit em Kajak (en halbe Baumstamm) de Fluss durab. Den simmer zume Ussichtspunkt womer anere Liane über de Fluss vo Puyo und über de Regewald gseh het. Meega schön gsi!
Zum Schluss händs eus dur de Dschungel gfüert und den hemmer na under em Wasserfall chöne bade. 🌱🪘🦜 Czytaj więcej