Restablecer búsqueda
Uf u dervo
  • Coci and Remi
  • Coci and Remi

Uf u dervo

Una aventura de 645 días de Coci and Remi Leer más
+3
SeguirResumenResumenCalendarioCalendarioFotosFotosCompartirCompartirLista de deseos
Más recientes primero
  • Coci and RemiUf u dervoViajero
    11

    Utah

    9 de septiembre de 2021, Estados Unidos ⋅ ☀️ 28 °C

    Vode Berge id Wüesti🏜 Nach öpe 7 Stund durs Niemandsland fahre simmer im Arches Nationalpark acho. Unglaublichi Hitz het eus am Tag in Fluss und am Abig uf Wanderige bracht. In Moab hämmer es paar Lüüt kenneglernt und mit ihne derfe mit Buggys Offroad dur d Wüesti fahre. Das Abentüür werdemer beidi nüm vergässe!
    S Canyonland isch en chline Canyon, imne grosse Canyon imne riesige Canyon 😄
    Ide Nacht hemmer die ganz Milchstrass vo Norde bis Süde gse✨ und müse luege dasmer vor luuter ufe luege nöd ufe Klapperschlange staht.    Leer más

    Ver traducción
  • Coci and RemiUf u dervoViajero
    1

    Bryce Canyon und en Abstächer

    12 de septiembre de 2021, Estados Unidos ⋅ ☀️ 22 °C

    De Bryce Canyon isch euse Favorit 🤩 Zwüsche dene riesige Felse dure laufe oder riite isch de Wahnsinn gsi! D Farbe sind bim Sunneufgang no intensiver gsi we uf de Fotis.
    Mer händ no en Abstächer zum Grand Canon gmacht und sind de Horseshoe Bend go aluege. Bim Lake Powell hämmer eus abküehlt und en schöne Ort gfunde zum campe.
    Ez simmer scho sit 7 Mönet unterwegs und gnüssed jede Tag devo 🌞    Leer más

    Ver traducción
  • Coci and RemiUf u dervoViajero
    3

    Salt lake city & Park city

    19 de septiembre de 2021, Estados Unidos ⋅ ☀️ 17 °C

    Mir hend derfe 1 Wuche in Park City bide Leah wohne, wo mir in Ecuador kenneglernt hend. Mer sind go wandere, campe, klettere, ond hend sogar met ere döffe met ine Halle wo d Freestyler dönd trainiere. Well üs de Salzvorrat usgange esch zom choche hämmer no schnell mösse en Halt mache am ustrochnete Salzsee😉. Näb all dem hemmer alles wiedermal gründlich chöne wäsche (Auto, Kleider usw)
    ab rechtig Yosemite🚐    Leer más

    Ver traducción
  • Coci and RemiUf u dervoViajero

    Mammoth, Alabama Hills & Yosemite

    26 de septiembre de 2021, Estados Unidos ⋅ ⛅ 13 °C

    Mer hend mösse om i Yosemite z goh en Reservierig mache womer hend mösse warte druf. Zom Ziit öberbröcke semmer 2 Nächt in Mammoth Lakes gse. Mer hend direkt a de Hotsprings gschlofe ond send onderem Sternehemmel be 5 Grad Ossetemparatur go bädele. Mer hend e chline Abstächer id Alabamahills gmacht, wos öber 400 Western Felme treit hend. Leider heds sehr vell Rauch gha wege de Waldbränd 😕. Noch dem semmer ufe ond direkt i Yosemite NP womer es riese Glöck gha hend wels de Rauch weg blose het 💨. Onglaubliche Sonneuntergang ond Ufgang öber de Felse hemmer gseh!
    S Meer ond d Küste rüeft darum gömmer wiiter 🌊    Leer más

    Ver traducción
  • Coci and RemiUf u dervoViajero

    Vo Santa Cruz bis San Diego

    16 de octubre de 2021, Estados Unidos ⋅ ☀️ 26 °C

    Bi Santa Cruz simmer wieder as Meer! Vo deet us simmer mit em Highway Nr. 1 am Meer entlang südwärts gfahre. S Meer isch wild gsi mit Klippe und Wind. Erst ab Santa Barbara sind den d Welle au zum surfe gsi. Zerst hämmer aber na müse en Neopren chaufe wils Wasser zimli chalt gsi isch!
    Wunderschöni Sunneuntergäng am Meer, Palmestrasse, feins Ässe und schöni Stränd hämmer jede Tag gha 🌴🌊☀️
    In LA hämmer no öper us Ecuador troffe und bi ihre derfe wohne. Unterwegs, im Wasser oder ide Bar hämmer so vill liebi Lüüt kenneglernt.
    Jetzt simmer ready für Mexiko und freued eus uf es wiiters Abentüür 🇲🇽    Leer más

    Ver traducción
  • Coci and RemiUf u dervoViajero
    1

    Bahia Kalifornie

    1 de noviembre de 2021, Mexico ⋅ ☀️ 25 °C

    Scho 4 Wuche simmer in Bahia Kalifornie (Mexiko) und mer gnüssets mega! Ade Ostküste vo dere Halbinsle ischs Meer kristallklar und mega warm. Es hät wunderschöni Stränd womer cha schnorchle und sünnele. Ade Westküste ischs wilder gsi und hät super Welle gha zum surfe! 🌊
    Dezwüsche hets nur Kaktee, Sand und ab und zue es paar Chüeh 🐄. Mir hend 2 Päärli kenneglernt (us Israel & Argentinie) und sind mit dene vo Ort zu Ort, go surfe, campe, fische und Tacos ässe 🌮
    2 Mal simmer im Sand stecke blibe aber zum Glück hend liebi Mexikaner eus useghulfe 😄
    Jetzt gömmer den mit de Fähri übere ufs Festland.    Leer más

    Ver traducción
  • Coci and RemiUf u dervoViajero

    Mexiko Pazifikküste🌴

    15 de noviembre de 2021, Mexico ⋅ ☀️ 30 °C

    3 Woche Westköste send de hammer gse. Vell guete Surf ond ganz fell cooli Lüt. Mer hend über 1000 Schildchrotte bem Näste zuegluegt ond imne Beby Delfin zrogg is Meer verhole. D Hetzt ond d Füechtigkeit esch extrem höch gse aber onder de Palme im Schatte ide Hängematte eschs sehr agnähm 😜jetzt grad semmer onderwex is Inland zom chli Touristesache ahzluege besmer inere Woche de zrogg as Meer gönd.Leer más

    Ver traducción
  • Coci and RemiUf u dervoViajero

    Grutas Tolantongo & Pyramide del Sol

    24 de noviembre de 2021, Mexico ⋅ ☀️ 19 °C

    Nach langem fahre simmer is Tal cho vode Grutas Tolantongo. En unglaublich schöne Ort mit Höhlene, Wasserfäll, natürliche Pools und alles mit warmem Wasser usem Bode. Hinderem Wasserfall hets e Höhli gha womer bis 40m in Berg het chöne laufe. Mir händ gar nüm wele us dem warme Wasser use 🛁
    D Pools am Morge sind s Highlight gsi! D Sunne isch hinder de Berge ufgange und mir hend i dene warme Pools chöne zueluege 🌄.
    Eusi ersti Platte hämmer det ufgläse (e Schrube im Pneu) aber zum Glück hemmer Fix & flat Spray debi gha und den nach 10min bim Mechaniker isch alles wieder gflickt gsi.
    D Pyramide el Sol isch riesig gsi und sehr beidruckend! Leider hämmer aber nöd uf sie ufechöne, wege unerklärliche covid Gründ 🤷🏼‍♂️. Nächsti Stop Oaxaca und den wieder zrugg as Meer😻    Leer más

    Ver traducción
  • Coci and RemiUf u dervoViajero
    2

    Oaxaca

    1 de diciembre de 2021, Mexico ⋅ ⛅ 28 °C

    Ide Stadt Oaxaca, e traditionelli Stadt ide Berge hemmer en Zwüschestopp vo 3 Nächt gmacht. Nach dere Stadtbesichtigung simmer über e Schotterstrass zu ‚hierva el agua‘ (natürlichi Pools und Felselandschafte). Det hemmer en wunderschöne Sunneufgang über de Hügel gseh und schöni Fötelis chöne mache. Den simmer wiiter gfahre ad Küste, zrugg zude Welle 🌊.
    In Barra de la Cruz und Salina Cruz hämmer unglaublichi Surfsessions gha und mega Spass gha! 🏄🏼‍♀️ 🏄🏽‍♂️    Leer más

    Ver traducción
  • Coci and RemiUf u dervoViajero

    Agua azul & Palenque

    9 de diciembre de 2021, Mexico ⋅ ⛅ 27 °C

    I dene 4 Täg womer uf Cancun gfahre send hemmer 2 Stops gmacht. 1 Stop noch 8 1/2 Stund Autofahre hemmer in Agua Azul gmacht. Es esch ebbis vom schönste gse womer je gseh hend. En türkis blaue Floss womer cha schwemme ond vo Wasserfäll abegompe. Nochdem semmer d Maya Ruine im Dschungel go ahluege in Palenque. En rächti Touri Attraktion wo aber no zemmlech ihdröcklech gse esch. Nöchsti Stop werdid d Cenotene vo Yukatan si 😁Leer más

    Ver traducción
  • Coci and RemiUf u dervoViajero

    Yucatan / Tulum

    25 de diciembre de 2021, Mexico ⋅ ☀️ 23 °C

    Nach de ganze Westküste simmer ez ad Ostküste/ Karibik vo Mexiko. Mer händ unzähligi Cenotes (Wasserlöcher wo unterirdisch mitenand verbunde sind) agluegt und sind drin go bade, schnorchle und inespringe. S Wasser isch glasklar gsi.
    Wiehnachte hämmer ame verlassne Strand mit Kanadier und Ally &Gerome gfiiret. De Christbaum het au nöd gfählt, isch halt eifach e Palme gsi 🌴 🎄
    Nachdem simmer uf Tulum und hend gad echli en Schock gha wils so vill Touriste gha het. Au Playa del Carmen und Cancun het eus mässig gfalle und mer hend Ört gsuecht womer chli usem Chueche use hend chöne. Zudem isch am Remi sin Kolleg de Simon eus go bsueche für die restlichi Ziit. Sie sind 2mal go tauche und hends super gha!
    Die letzte Täg bevors für 2 Mönet zrugg id Schwiiz gaht gnüssemer no am Strand mit sünnele und bade. 🏖
    🔜 🇨🇭    Leer más

    Ver traducción
  • Coci and RemiUf u dervoViajero
    1

    On the road again

    27 de marzo de 2022, Belice ⋅ ⛅ 24 °C

    Am 23. März simmer zrugg uf Mexiko gfloge und hend euses Büssli abgholt. Ez gaht s Abentüür wiiter 🚐 💨
    Nach es paar Täg Mexiko simmer über d Gränze uf Belize. Belize isch sehr andersch als Mexiko. D Landessprach isch Englisch und d Lüüt sind extrem fründlich und offe. Die meiste händ Rastas oder langi Zöpfli. Zudem hämmer en neue Mitbewohner vo Mexico😁 de Speedy Gonzales persönlich hät sich ihgnästet be eus im Auto 😂 🐭Leer más

    Ver traducción
  • Coci and RemiUf u dervoViajero

    Tikal, las Flores & Rio dulce

    29 de marzo de 2022, Guatemala ⋅ ⛅ 25 °C

    Tikal isch d Hauptstadt vode Mayas gsi. Mir sind die Ruine bi Sunneufgang go aluege und händ über de Dschungel gseh wil die so höch ufe baut hend. Affe, Nasebääre, Truthähn, Tukän und Papageie hämmer gseh 🦜. Wiiter simmer uf Las Flores wo sehr es herzigs Dörfli isch mit alles farbige Hüüser und überall fahredi d Tuktuks fast um.
    In Rio Dulce (en grosse See wo nachher als Fluss id Karibik flüsst) hämmer ei Nacht en Halt gmacht und händ binere Familie im Garte derfe schlafe. Am Abig sind alli Chind bi eus im Büssli am Spieli spiele gsi 😊
    De Speedy Gonzales hät sich ufd Socke gmacht und isch nüm uftaucht 🐭    Leer más

    Ver traducción
  • Coci and RemiUf u dervoViajero

    Acatenango Wanderig

    31 de marzo de 2022, Guatemala ⋅ ⛅ 19 °C

    Mer hend en 2tages Wanderig ufe Acatenango Vulkan gmacht. Gstartet in Antigua womer metem Bus bes 2200müm gfahre send ond bes zom Basecamp gloffe send wo uf 3600müm esch. S esch e rächte Chnorz gse metem 20kg Rocksack aber s hed sech soebis vo glohnt. De Vulkan esch jedi halb Stond usbroche ond i de Nacht hedmer sogar gse d Lava abelaufe 😁 Leider esch de Remi Höhechrank worde ond heds nochem Sonneondergang nömme so chönne gnüsse. Deför eschs im Ganze es wahnsenns Erläbnis gse womer nie werded vergässe. 🌋Leer más

    Ver traducción
  • Coci and RemiUf u dervoViajero

    El Paredon

    5 de abril de 2022, Guatemala ⋅ ☀️ 32 °C

    Zrugg ade Westküste 🌊 ca. 5 Täg simmer in El Paredon am Strand gsi (es isch gfühlti 40Grad gsi). Näbem surfe, chille und bädele hämmer auna en Teil vome Hilfsprojekt derfe sii. Genau i dere Ziit sind Zahnärzt vo Amerika i das Dörfli cho und händ dete de Lüüt d Zäh zoge, putzt und pflegt. Mir händ die strahlende Auge vode Chind und au Erwachsnige derfe miterläbe. Super Lüüt und es tolls Erläbnis gsi 😊
    Den simmer los uf El Salvador 🇸🇻    Leer más

    Ver traducción
  • Coci and RemiUf u dervoViajero

    Surffarm

    17 de abril de 2022, El Salvador ⋅ ⛅ 29 °C

    Mer hend eus am Morge früeh ufe Weg gmacht rechtig El Salvador demet mer ohni Problehm öber d Grenze chömed. Mer send de direkt rechtig Surffarm gfahre womer jetzt för 5 Mönet done die öbernämed😁 jede Tag dömmer d Hüehner füettere, 3 Airbnb onderhalte, Garte tränke, surfe ond fröschi Fröcht abläse. 🍌 🥭 Mer hend eus scho zemlech ihgläbt ond gnüssid etzt die nöchsti Ziit done.Leer más

  • Coci and RemiUf u dervoViajero
    1

    Surffarm nach 3 Mönet

    1 de julio de 2022, El Salvador ⋅ ⛅ 30 °C

    Sooo endli gits mal wieder öpis z ghöre vo eus 😊
    Mer sind ez scho 3 Mönet da uf de Farm und s isch alles vill grüener worde. D Regeziit het öpe im Mai agfange und es rägnet eigentli immer ide Nacht und am Tag isches schöön ☀️ Es hät aber au zwüschedure en Sturm gäh mit extreme Regefäll und Gwitter.
    Zudem hämmer Bsuech us de Schwiiz gha vo Fründe was mega cool gsi isch! 😊
    Mer hend Tagesusflüg gmacht zu Wasserfäll, anderne Stränd, Bergdörfli und zunere Kaffiplantage.
    D Corina isch namal e Wuche uf Guatemala mitere Fründin zum chli umereise.
    De Welt Surf Contest hät en Stopp da gmacht und mir hend derfe mit de weltbeste Surfer surfe und dene den bim Contest zueluege. 🏄🏼‍♀️
    Mängisch ischs eus au biz langwiilig da aber grössteteils simmer zfriede und glücklich da am Meer a dem wunderschöne Ort.
    Ez freuemer eus den uf nomeh Fründe wo verbii chömed und den uf afangs September wenns wiiter gaht uf Nicaragua mit em Büssli🚐💨    Leer más

    Ver traducción
  • Coci and RemiUf u dervoViajero

    Summer- Lager

    17 de julio de 2022, El Salvador ⋅ ⛅ 28 °C

    De letzti Monet hämmer so viel Fründe uf Bsuech gha, es hät sich agfühlt wie ime Lager. Mer hend Ziit mit allne mega gnosse 🥳
    Mer sind i Bergdörfli vo El Salvador wos mega schöni Wandbemalige hät und ganz es anders Klima isch (ändli wiedermal chli chüeler)⛅️. Go Pupusas ässe simmer au regelmässig (das isch s bekanntiste Ässe in El Salvador) 🫓. Es eigets Kubb het de Remi gmacht und das hämmer super chöne mit so vielne Lüüt spiele🎳. Den häts je en Girls- trip und en Boys- trip uf Las Flores (ganz im Süde une) gäh 🏝 ! Und da de Remi e langi Ohreentzündig und Coci mit em Rippli Problem gha hät simmer au oft mit de Camping Stüehl am fötele und zueluege gsi wie die andere gsurft sind 🏄🏽‍♂️.
    D Kanadier womer in Mexiko umegreist sind, sind eus au no spontan go bsueche, was eus mega gfreut hät😊
    D Ziit uf de Farm gaht ez au z End und mer freued eus mega zum wieder in Bus zügle und uf neui Abentüür! 🚐😻    Leer más

    Ver traducción
  • Coci and RemiUf u dervoViajero
    1

    Nicaragua Norde

    9 de septiembre de 2022, Nicaragua ⋅ ⛅ 29 °C

    Juhuuu ändlich gahts wiiter! Mer send ready för es neus Land und au zum mit em Franky wieder umedüüse. Womer aber denn am spote Obe a de Grenze zo Hondaras ahcho send hends üs weder zroggscheckt uf El Salvdador well üsi Visums-Verlängerig ned gültig gsi esch för Honduras. Also semmer no am Obe spoht zom Floghafe ond hend en chorze 2-tages Trip uf Panama gmacht zom es neus Visum z becho. Noch dem hi&her semmer de froh gse das d Grenze zo Nicaragua eifacher gse esch. Im Amaru Surfcamp im Norde vo Nicaragua semmer härzlech empfange worde met ganz tollne Lüüt ond vell Sonneondergäng 🌅
    Mer hend i dere Woche Scheldkrötli freiloh, biz gsurft, schöni gmüetlechi Äbige gha, uf en Vulkan ufe gwanderet, go Salsa tanze und vorallem gueti Lüüt um eus ume gha. In Leon semmer go sight seeing mache ond zom Cerro negro Vulkan. Det semmer ufegloffe ond den meteme ‚Schlitte‘ abegfahre 💨 Lustig gsi!    Leer más

    Ver traducción
  • Coci and RemiUf u dervoViajero

    Granada und Umgäbig

    22 de septiembre de 2022, Nicaragua ⋅ ⛅ 28 °C

    Authentischs Nicaragua: Gallo Pinto zum Ässe, die Iheimische am bade mit de Kleider, Märtständ überall, Chile us Kolonialziite, Musig us allne Egge, vill Läbe und vill Lüüt uf de Strass. Alles sehr farbig und mängisch het mer fast chli e Reizüberfluetig 😄 🐓 🍅 🛺Leer más

    Ver traducción
  • Coci and RemiUf u dervoViajero
    1

    Ometepe & Beach

    26 de septiembre de 2022, Nicaragua ⋅ 🌧 26 °C

    Die letzte zwei Wuche in Nicaragua simmer am Strand am surfe gsi und uf de Insle Ometepe.
    D Welle sind nöd mega guet gsi und es isch rächt stürmisch gsi 🌬 aber defür hemmer e gueti Ziit gha mit super Lüüt!
    Nachher simmer los ufd insle Ometepe wo die grössti Insle isch ufeme Süesswassersee. D Insle bestaht us zwei Vulkän und s Land usse ume isch mega grüen und voller Pflanze und Bäum! Es hät e Autofähri gha und mir sind mit em Büssli übere. Mer hend badet, erkundet und de Brüllaffe zuegluegt🐒 Super gsi!
    De Räge het eus den aber wiiter tribe!    Leer más

    Ver traducción
  • Coci and RemiUf u dervoViajero

    Costa Rica Pazifik

    11 de octubre de 2022, Costa Rica ⋅ 🌧 26 °C

    In Costarica acho hämmer s Büssli putzt und gstriglet und schöni Fotis gmacht damit mers den hend chöne ufelade zum verkaufe. Es isch schwierig wils Rägeziit isch und im Moment nöd vill Touriste het. Trotzdem versuechemer positiv z blibe und abzwarte (was nöd so eifach isch). Trotz vill Räge gnüssemer die wenige Sunnestrahle wos ab und zue git. Und d Ziite wos regnet hüpfemer vo Resti zo Resti ond verbringed Ziit mit Käfele und Spieli spiele.
    Jetzt simmer am warte in San Jose bis de Flo verbi chunnt und de gahts ab ad Karibiksiite wos bessers Wetter sött sii ☀️    Leer más

    Ver traducción
  • Coci and RemiUf u dervoViajero

    Karibik🌴

    24 de octubre de 2022, Costa Rica ⋅ ⛅ 29 °C

    Ade Karibik acho simmer wieder zrugg im Paradies! 🌴 ☀️ S isch richtig schöns Wätter und het wunderschöni Stränd zum schnorchle und bade. Am Morge simmer vo Brüllaffe gweckt worde wo grad über eusem Büssli gschlafe hend und Frücht ufs Büssli abegrüert händ. Aber defür hämmer derfe am Abig bi Neumond mit de Bioluminisenz (lüüchtende Plankton) go bade.
    Mer gnüssed au de Franky namal richtig 🚐    Leer más

    Ver traducción
  • Coci and RemiUf u dervoViajero

    Bocas del Toro

    30 de octubre de 2022, Panamá ⋅ ☀️ 29 °C

    En churze Usflug uf Panama hät sich sehr glohnt! Wunderschöni Insle mit glasklarem Wasser. Mer sind go schnorchle und hend sehr vill Fisch, Mantas und Koralle gseh. Au ide Nacht simmer go schnorchle und hend namal de lüchtendi Plankton gseh. De Flo und de Remi hend 3 Tauchgäng gmacht, eine vo dene au ide Nacht. 🌚 Fast jede Znacht hets en frische Thunfisch gäh 😋
    Es isch richtig gmüetlich gsi und mer hends mega chöne gnüsse 🏝    Leer más

    Ver traducción
  • Coci and RemiUf u dervoViajero
    1

    Monteverde & La Fortuna

    7 de noviembre de 2022, Costa Rica ⋅ 🌧 19 °C

    Noch Sommer, Sonne, Sonneschi hemmer üs ufe Weg gmacht is regnerische ond nasse Nebelwalddörfli Monteverde. I dene 3 Täg womer dete gse send heds nome einisch chorz ned gregnet ond genau denn semmer ufe Nachttour womer ganz vell Tier gse hend. Onderanderem Vogelspenne, Stachelschwein, Frösch, Fuultier ond veles meh. A eim vo dene Täg hemmer sogar wonderschöni Kolibris bem Käffele ahtroffe.
    Wiiter noch Monteverde semmer uf La Fortuna womer gmüetlech i die heisse Quelle ihneghöcklet send ond am Obe hemmer no die feinsti Pizza set langem weder gha. Jetzt gömmer zrogg uf San Jose üse geliebti Franky go verchaufe.    Leer más

    Ver traducción