Zwüschehalt in Lyon

Hüt hei mir d Stadt Lyon erkundet, aber nid mit em Velo, sondern si mit em Zug id Stadt gfahre.
Rund um Lyon isch es jo nid grad so schön, mit dem Industriegebiet. Aber Lyon het auch viel Charme u d Altstadt sowie s Renaissance-Quartier Vieux-Lyon mit sine enge Gässli, chline Lädeli und de schöne, grosse historische Plätz hei üs scho no guet gfalle.
Obe uf em Bärg Fourvière lüchtet die grossi, wissi Basilique Notre Dame de Fourvièvre. Gseht fasch us wie d Montmartre in Paris. Vo dört het me e fantastische Blick fasch über die ganzi Stadt.

D Lyoner säge, dass hie 3 Flüss zämefliesse, d Sâone, d Rhone und dr Beaujolais 🍷…😊
Apropos Beaujolais, me seit ou, dass Lyon d Hauptstadt isch vor beste Gastronomie vo Frankrich. Es het hie es paar Restaurant mit etliche Michelinstärnli. ✨
Mit hei üs deshalb lang überleit ob mir id Auberge vom Paul Bocuse für 290 Euro e Pouletschenkel🍗 mit Pommes 🍟wei go ässe (uf dr Spiescharte heisst das natürli chlei eleganter: Volaille de Bresse entière en vessie avec crème aux morrilles et Pommes Pont-Neuf) oder doch nume e Pizza.😂 Pizza het de dr Hunger überstimmt🍕もっと詳しく