6. Etappe: Grigny nach Tournon-sur-Rhône

No isch üs s Lache nid vergange.😄
Bi idealem Velowätter si mir in Grigny am Morge früeh gstartet. U s Wätter hets ou dr ganz Tag mit üs guet gmeint. Sunne im Gsicht und dr Wind im Rügge, so mues es si.. 🫠So si ou die 83 km im nu hinger üs brocht worde.
D Strecki isch sehr schön gsi. Links vo üs d Rhone, mängisch breiter, mängisch schmäler, rechts vo üs meistens Blick uf Rebberge.🍇 D Fotos zeige halt immer öppe s Gliche, aber es isch halt ou so schön und mir hei die schöni Fahrt ir Natur sehr gnosse. Leider hets halt nid so schöne Dörfli ar Strecki, me müesst vor Via Rhona wegfahre und links und rechts Dörfli go aluege.
Im Verlouf vom Nomitag si mir in Tournon-sur-Rhône acho. Es schöns u härzigs Städtli ar Rhone.
Morn bliebe mir no hier u luege üs d Region an und de liet sicher de ou no 1 oder 2 Gläsli feine Wy drin. Mir si jo hier schliesslich i eim vo de beste Wyregione von Frankrich.🍷Read more