Dritti Schuelwuche

4.3-7.3
Am Adi sini Gruppe isch gwachse und sind zwei witeri Fraue dezue gstosse. Das het grad echli e anderi Dynamik ge, wo er froh drum gsi isch. Die einti Vina isch ebe rächt asträngend gsi😂😂😂

D Jeannine hends mit eim iteilt, wo au nöd grad de sympatischti gsi isch. Er isch us de USA und segi dahi zoge und wet es yogastudio ufmache. Aber er het nöd gern, wenn sini Haare is Meerwasser chömed, er schwitzt nöd gern und het nöd gern Avocado😂😂😂😂 da het er sich aso de falsche Ort zum Zuwandere usgszecht🤦‍♀️😂

Irgendwie hämer eus immer meh agfange nerve ab de Schuel und sind den richtig froh gsi, isches die letschti Wuche.

Am Mittwuchabig simer no is Kino. Aber nöd i irgendein, sondern a la playa😁🌴 das isch wüki mega toll gsi, zerst de Sunneuntergang luege und den go Popcorn schnappe und vort Liinwand hocke mit Meeresrusche. Es isch ganz e tolli Atmosphäre am Strand en Film zluege. De Film isch nöd e Komödie oder so gsi, sondern en Film vo Mexiko vo Fraue Ü40, wo als Prostituierti schaffet. Die hend ihre Gschichte verzellt, wo wüki eini truriger als die anderi gsi isch. Das hämer so nöd erwarted, aber es isch au en Teil vo da und isch sehr idrücklich gsi.

Am Dunnstig hämer es nögsts Highlight derfe erläbe. Puerto isch au für sini Lagune bekannt, wo mer Biolumicsencia chan mache. Mir sind vo oisem Apartment abgholt worde und sind zu de Lagune. Dete simer ines chlises Schiffli, wo ca 8 Persone Platz gha hend. Mitlerwile isch scho richtig dunkel gsi und es het sich en Sternehimmel ufta, so öpis han ich glaub no nie gse😱😍 mit dem Motorbötli simer im Dunkle under dem gigantische Sternehimmel witer usegfahre. D Jeannine het sich nöd chöne satt luege, dass ihre scho fast s Gnick het afange weh tue vom Ufeluege😅😍
Nach emene Momänt het de Kapitän gmeint, mir sölled d Hand is Wasser hebe. Und wooow, s Wasser het mega intensiv agfange wiiis lüchte, sobald mers wasser bewegt het😍😍😍 und den het de Kapitän gmeint, mir chönd is Wasser gumpe. Da er vorher verzellt het, es gäbi krokodil im Wasser, wo zwar Vegis sind, het d Jeannine grad chli überwinden brucht, um I das Dunkle Wasser zgumpe. Eimal drinn, isches unglaublich gsi. Wenn mer sich bewegt het. Het alles um eim ume glüüchted😍😍😍 uf de Föteli gset mers leider nöd, drum isch das "nur" I eusere Erinnerig gspeicheret.
Au das, was für es Erläbniss😎😍 Die Wält überrascht eus immer wieder mit ihrer Schönheit😍❤️Read more