Bye bye Puerto Escondido

Hüt hemmer euses sichere lager Puerto Escondido verla. Mir sind ufbroche uf Mazunte. Mit all eusem hab und guet, also zwei ruckseck, simmer miteme colectivo bus 1.5 stunde südlich gfahre. Es isch wie imene film gsie i dem bus vollpacked mit mensche, em huufe gepäck und natürlich hühner😂😂. Für eus hets nur na i de hinderste reihe platz ka. De fahrer isch über t autobahn bloched und bi jedem schlagloch hemmer en gump it luft gmacht. Wieso geld zahle zum im europapark ga, wemmer für 60 Pesos imene bus genauso duregrütled wird😂😂. Mir hens miteme eltere herr es schwätzli kalte wo mega freued ka het, dass mir mit all dene mexikaner im gliche bus hocked😅😅.

De bus knallt eim am strasserend use wo mer uf es kolektiv taxi "umstiege" muss. Die kolektivo taxi sind pickup-trucks wo hinde e sitzfläche montiert isch. Die kollectivos fahred teilwiis wie de bus für gestrandete zauberer i harry potter 😅😅. Guet festhebä...

Harry potter haft isch es in Mazunte wiitergange. Mir sind binere frau iquartiert gsie, wo enart heilpraktikerin gsi isch
Sie het eus a die professorin vo harry potter erinneret, wo hellseher-unterricht geh het. Recht verwirrt aber mega e netti 😂😂.

Zum zmittag hemmer fisch crevette tacos gesse und sind is meer go bädele🥳🥳.

Am abig simmer de sunneundergang am punta cometa go luege. Mir sind definitiv nöd die einzigä gsie mit dere idee. Es het so vill lüt ka das mer nöd uf em vorderste hügel sondern ufeme hügeli wiiter hinde hend müese de sunneundergang luege 😅😅.Read more