Was für e Odyssee

Hüt gats witer uf Oaxaca Stadt🥳 es bizeli truurig hämer am Meer Adios gseit für e churzi Ziit. Zerst simer mit eim Colectivo zum nögste Colectivo, dass mer wieder uf Puerto Escondido chömed. Das het alles wunderbar klappet und sind sogar e Stund zfrüe am Busbahnhof acho, um den witer uf Oaxaca zcho. De Bus häti am 1 sölle fahre... am halbi 2 hämer mal gfrägt und sie hend gmeint, I 30 min chunnt er. Wo er den e Stund spöter imernonig cho isch, sind immer meh Lüüt unruhig worde. En Mitarbeiter het den gmeint, uf em Weg wird gäge ADO (eusi Busorganisation) demonstriert und es seget sogar Stei nach dene Büs gworfe worde und mer wüssi nöd, ob überhaupt no die Büs fahred. Viellicht wüssi mer I 30 min meh. Natürli het mer den au nöd meh gwüsst😂 am 3 hätti en andere Bus au sölle ga, de isch den sogar am halbi 4i cho. De het den au kei Platz meh gha für eus und irgendwen het den eine gmeint, de Bus vom 1 segi ja e scho lang cancled worde, danke au fürs aktive informiere😂😂😂
De Adi isch I de zwüscheziit bi anderne Busunternäme (minivans) go nachfräge. Erstens will bi ADO alles volle gsi isch und zweitens simer au nöd sicher gsi, wie schlaus isch mit dene zfahre, wenn gäge die demonstriert wird. Er häti sogar Billet becho, aber zwenig Bargäld debi gha😂
Drum simer den nachher zäme mit em ganze Gepäck zu dene Busunternähme und hend no Tickets becho für am 17.30. Wo mer den am 21.30 in Oaxaca acho sind, simer völlig kaputt is Bett gheit. Was für en Tag🤪😂Read more