Playa & no meh Playa

I de Nacht am 3 het es riisigs Konzert vo Hüener und Güggel agfange😂 die hend sich bis öpe am 8i nöd möge beruhige und hend eus chum schlafe la😂
Nachdem mir eus en Kaffi gholt hend simmer an Strand San Agustinillo und sind dete go bädele. Ufff isch das e Hitz gsi.
Wo den einisch e Wälle bis zu eusne Tüechli cho sind, isch de Momänt cho, dass mer eus en Zmittag hend wele sueche. Mit Hunger, i sonere Hitz und de Ort nöd känne isch nöd grad die besti Situation es guets Resti zfinde. Mir händ zwar eis uf Google gfunde, sind aber a eim verbi gloffe, wo guet usgse het. S Ässe wo mer bstellt händ sind soooo Miniportione gsi, das z.b. bi Guacamole sicher nöd ei ganzi Avocado brucht worde isch aber glich umgrächnet 8.- Fr kosted het. Uff das isch bi wiitem die tüürschti Mahlziit uf eusere Reis gsi und sind mit Hunger witer😂😂😂 wie seit mer so schön, da simer wiederemal vooll driigloffe🤪
Mit em Colectivo simer witer an einzige FKK Strand in ganz Mexiko, Playa Zipolite. Scho nume de Weg dethi isch isch es Abentür gsi. S Colectivo isch scho soo volle gsi, dass mir händ müsse sta. De Fahrer isch die kurvigi Strass nume so dure graasst, dass mir den uh froh gsi sind, ganz acho zi und das mer nöd usegfloge sind🤪
De Strand sälber isch wie jede anderi gsi, nur es het es paar wiisi Füdlis gha, wo sind go bädele😅 eusi Füdlis sind ipackt blibe und sind den einisch wieder gange.
Da s euse letscht Abig am Strand für die nögsti Ziit gsi isch, simer no en feine Fisch go ässe. Und de isch sogar mit Bilage und Getränk no günstiger gsi als de Zmittag😂🤦‍♀️Les mer