Last Day Bodrum, Fethiye

Am letzta Tag in Bodrum isch de Erol am morga no is Gym. Do i sit einiga Täg am kränkla bin (vor allem an sehr müehsama Huasta han) bini nit mit (susht bini eigentlich ni so vernünftig aber im Usland lieber nüd provoziera😂).
Noch em zmorga simer Richtig Windmühlana. An dem Tag ischs megaaa windig gsi und natürlich bi da Windmühlana den nomeh. Dia Windmühlana sind im 1970 zletztomol im Betrieb gsi. Leider hets überall mega viel Scherba ka, würd fast meina meh Scherba als Kieselsteili🤨
In 1 Windmühli hemer sogar innakönna het den lustigi fotis geh. As gmüetlichs Resti mitra schöna Ussicht hets gad au döt ka.
Nach da Windmühlana simer Richtig Gümüşlük. Mim Auto hemer ca 30 min ka. Döt hets uh schöni Restis ka mit sonra Iladenda Deko. Aber mier hend üs natürlich ni tüscha loh und hend zerst Bewertiga gstudiert 🧐 Imna herziga Resti gad am Meer hemer den gessa und d Kirscha uf de Torte isch für mi dia süessi Katz gsi. Die isch zu mier ko und het maximal kuschlet😂🥰
Also d Deko in Gümüşlük isch würkli sehr schön gsi het all 5 Meter as foti könna macha😋

Znacht hemer in üserem Hotel igno. Es isch super fein gsi, han glaub nonia so feini Vorspiesa gessa wie döt.

Gester simer mim Auto nach Fethyie gfahra, dass sind ca. 4h Fahrt. Dasmol is für mi kli müehsam gsi weli halt immer noni so fit bin🫥
De letzti Abschnitt zum Hotel isch also a Strecki gsi, meh Kurva als uf Arosa. Üsi klin Villa isch ganz gmüetlich, hend a eigena Pool und mega viel Flächi. Zur Begrüessig sind no as paar Hähnana, a Gügel und an Hund ko. De Hund isch mega zuatraulich. Do i sin nama ni verstanda han, nenni ihn eifach Maggi😂
Gad am ersta Tag hemer no a Sprung i Pool geh.

Hüd hemer a gmüetlicha Tag in dr Villa gmacht. Kli am Pool, Sünnala, kli Musik losa und eifach kli si😇 zum Zmorga isch de Maggi au verbi ko, han em kli Käs und Börek geh, Suçuk het de Erol alles schu gessa ka.
Für da znacht simer richtig Stadt, dass isch mim Auto ca 20 min. De znacht isch sehr fein gsi. De Erol het den no mitma ältera Herr Bekanntschaft gmacht (84 jährig, het aber viel jünger usgseh) de isch mit sinera Frau und Sohn an Tisch neba dra gsi. De het den am Erol no sini Nummera geh und het gmeint, dass wenn mr in Istanbul sind söllemer ihna alüta den kömer öpis unterneh. Echt a herzigs älters Päärli gsi.

Highlights:
- Gümüşlük
- Gmüetlich Poolday
- Bekanntschaft mit dem herziga ältera Päärli
- MaggiRead more