Bootstrip, last Day Fethiye

Gestr simer wiedermol uf a Bootstrip. In dena Feria hemer festgstellt, dass mier mega gern uf em Schiff sind, dia Meeresbrisa gnüssend und eifach gern uf em Wasser sind. Daher hani am Erol nöher gleid doch d Bootsprüefig zmacha😅

Am morga simer bereits früeh los wel mier no öpis klises hend wella essa bevors ufs Boot got. Do aber türkischi Früehstück-Resti alli erst am 9 oder halb 10 öffnet, hemer imna Kaffi as Käffeli gno und a klina Sack. Währenddessa is uf dem Vorplatz vu dem Kaffi recht abganga mit diversa Streunerhünd. Dia sind gfühlt allna Rollerfahrer hinanoh gseklet und hend sie ahbellt. Was no wichtig isch zum wüssa, dia Streunerhünd sind im grossa und ganza mega ruhigi und friedfertigi aber aschinend hends ni gern Roller😂 Streunerhünd sind meistens au eher grösseri Hünd, also ni jedermanns sache.
De Erol het den zgfühl ka, dass der Treffpunkt vu dem Bootstrip zmitts ufm Platz isch. So 3 min vorher simer ade Platz. Mi het das kli komisch dunkt, wieso söttmr üs zmitts ufma Platz versammela wenn de Hafa mit da Boot gad gegaüber isch🧐 Als de Erol den glich nomol nohglesa het hemer gmerkt das de Treffpunkt bim Boot isch, so simer paar Minuta spot ko. Und trotzdesse simer ni dia letzta gsi und hend a guats Plätzli ka🙌🏽 Über dia Situation hemer noh lacha müessa😂
Dia Bootstour het sich gnannt 12 Insla-Tour, halta tuat ma aber nu an 4 Buchtana. Bi genau 1 bini den au is Wasser, wels würkli schön türkis gsi isch. De Rest isch mr zdunkel und ztüf gsi😅 Bi dera Bootstour hets viel meh Lüd ka und Durchsaga sind meistens automatisiert gsi. Dafür sind WC recht suber gsi🙌🏽
Znacht hemer wieder ir Stadt igno im glicha Resti „Stereotypa“ simer haha nai es isch eifach würkli sehr fein und pris leistig stimmt definitiv. Imna Lokum-Lada hemer no biz öpis fürs Dessert ipacka loh. Mier hend 4 Sorta usgsuacht ka: Schoki, Pistazie, Karamell und Kokosnuss. Jee dia sind mega fein gsi🤩

Am Obig den wieder ir Villa ahko hemer üs vorgno ganz gmüetlich YouTube dokus luaga und kli chilla AAAAAABER dia Gastgeber hend üs no abgfanga und hend gfrogt ob mier no ad Live Musik kömmend. Do de Erol schlecht nei sega kann simer den no a Sprung det hera. Isch schön gsi, vor allem hemer no a herziga Hund kennaglernt. Dia isch ganz a jungi und schreckhafti (au a Streuner). Ich nenn sie Frieda🐶 ich hans den gschafft, dass sie sich vu mier streichla loh het, hani ziemlich freut ka😍😅

Hüd hemer an ganz gmüetlicha Tag ir Villa respektive am Pool verbrocht. Bim zmorga hemer uh lacha müessa. De Güggel und sini Hähnana sind wieder uf Busach ko dabi het den der Güggel üs sini Fortpflanzigs Methoda präsentiert 😅

Am Obig simer Richtig Stadt. De Erol isch zum Coiffeur und het sich a neui Frisur montiert.
Morn gotz witr nach Antalya, üsi letzti Destination vu üsrna Flitteris. Ich kanns kum glauba, dass mier so viel gseh und erlebt hend. Dia Ziit isch so schnell verbi ganga. Han zgfühl mier hend noni mol d hälfti verarbeitet.

Highlights:
- Bootstour
- Feini znacht
- Hund Frieda
- Lokumもっと詳しく