Napoli

Napoli Tag 1
An dem Tag isch’s für üs uf an Usflug. Do mier imna Airbnb sind isch de zmorga imna käffali gad an dr glicha stross. Im Pris inkludiert isch je 1 Cappuccino, 1 Orangasaft und für jeda as leckers Gipfeli.
Mit dr U-Bahn simer richtig Treffpunkt vu dera Tour. Döt ah ko het’s a rechti Menschamengi ka, aber dia sind recht guat organisiert gsi. Mit amna Bus simer richtig Vulkan gfahra. Döt ah ko bini kli kritisch gsi weli gseh han das alli wo döt schaffend recht dicki jackana ah hend. Den us em Bus usgstiga het eim fast weggwindet haha das het a Wind döt ka unglaublich. Mier hend üs den uf da Weg zum Vulkan Vesuvio gmacht. Was praktisch gsi isch an dera Tour, isch dass ma sich frei bewega het könna und a ziitpunkt ka het wen ma wieder bim Bus het si müessa. Doba ah ko ischs maximal idrücklich gsi ma het sogar gseh wie Rauch us gwüssna stella ussa ko isch🌋 Vesuvio isch eina vu da bekanntesta Vulkän uf de Welt und de einzig aktiv uf em europäischa Festland. Zoberst bim Vulkan hend so Damana an Stand ka. Dia hend so Souvenirs verkauft. I han mier den an Ring postet wo bsetzt isch vumna Lavastein. I glauba halt an so Heilsteina. Han au schu diversi ketteli mit verschiedna Heilsteina😬
Noch dem Abentür simer den kurz is Hotel bevor mier ind Stadt sind. Denn mier sind sehr staubig gsi.
De Nomitag hemer ganz gmüetlich gno. Hend no as paar neui Stadtviertel kennaglernt wo mier finden dass es Napoli gad schöner und agnehmer wirka loh het. Uf dera Ikaufsmeila het üs den spontan a Dama no so Föteli gmacht. Zahla het ma könna was ma will. Den hemer gar nüd geh haha nai seich hend ihra den schu was geh.

Napoli Tag 2
Hüd am Morga simer go jogga. De start isch kli zäch gsi, grossi Menschamengi, viel Verkehr und Liechtsignal. Nach einiga Km simer den am Meer gsi und döt isch sehr schön gsi zum jogga und au de Gruch vum Meer, eifach Wow. Noch em Jogga hemer üs frisch gmacht und sind den go zmittag essa und kli go shoppa😁 Znacht hets a richtig napoletanischi Pizza geh und zum Dessert Gelato. Und heiliga Bimbam dass isch dia Best Glace wo i bi ez im Leba gessa han🍦Leggi altro