Amalfi

Witr is ganga nach Amalfi. Gfahra simer ca 2.30h… grundsätzlich häti ma aber nur 1.30h jedoch isch so Stau gsi in Amalfi selber das es den schu länger ganga isch. Strecki isch hin und wieder mega eng gsi. 1 auto wo knapp platz ka het. De Erol het dqs würkli super gmacht. I neba dra wo nüd macha het müessa bis uf das, dassi alles kommentiert han😁 han gschwitzt vur Angst😬. Au do hemer müessa z Auto zamt da Schlüssel abgeh. De Gastgeber isch üs go abhola ko mit 2 junga Pürstli. Diq 2 hend mr schu leid tua dia tend üsi Koffera müessa uffatrega, mier redende do vu 150 Treppq (zerst nimmt ma an Lift bis zur Hältfi und danach sind no dia restlicha Treppa. Ma kann wenn ma ez kai Koffera het alli Treppa neh (ca 300). Hend ihna den a guats Trinkgeld geh. Z Hotel isch mega schön glega, füehra tuats as Päärli. Es isch sehr familiär. Das Päärli het au a eigni Zitonaplantage, natürlich hends üs gad a Limo abota und dia isch super fein gsi🍋
Nochdem mier üs igrichtet hend simer richtig Zentrum und jo definitiv recht viel Tourista😁

Zuadem isch es an ganz bsundera Tag gsi, nämlich üsa 1. Hochziitstag😍 mier sind den ganz fein go essa und Hend eifach dia Zweisamkeit gnossa❤️

Amalfi Tag 1
Am ersta Tag simer nach Ravello, das isch as Städli/Dorf gad neb Amalfi. Döt hi simer mitma Cabrio-Bus, dqs Ticket dazu hemer schu am Vortag buacht ka. Ma könnt natürlich au mim normala ÖV go, de isch eifach sehr sehr überfüllt (definitiv nüd für mi, den bevor i mit dem gon laufi lieber).
In Ravello ahko simer 2 „Villana“ go besichtiga. Villa Rufolo, dia isch usm 13. Jahrhundert. Sie het a Garta mitm Usblick ufd Amalfiküsta. Au finden döt klassischi Konzert statt. Dia 2ti Villa isch Villa Cimbrone. Dia isch vor allem bekannt für Terrasse der Unendlichkeit. Döt het ma an sehr spektakulära Blick übers Meer. Mier isch schu fast nüm so wohl gsi bi dera Höhi. Für as Föteli hemer so a slowakischi Frauagruppa gfrogt. Seb isch amigs schu no witzig wen ma 2 Sprocha verstoht und de gegaüber weiss es nit😁 ha mi den schu goutet den hemer no a kurza Smalltalk ka Swisslike😂
Zmittag hemer üs Ravioli bestell und i weiss ehrlich ni ob mier so Hunger ka hend oder ni lesa könnt uf jedafall sind Ravioli mit Venusmuschla ko.. ma hetti üs filma sölla wie mier uf da Kellner gluagt hend😂 Muschla isch ez ni üsses „must have“ gsi.. ja nu wen mas ni gnau agluagt het is no fein gsi.
Zruck nach Amalfi simer den au wieder mit dem Cabrio-Bus, richtig cooli sach. Znacht hemer üs „wiedermol“ a Pizza gönnt, dia isch au sehr fein gsii. Prisa sind im allgemeina do höher als in da vorheriga Ort. Was mier umbedingt hend wellq probiera sind dia fancy Zitonasorbe. Hemer den au gmacht, stolza Pris vu je 12€🫠 das isch an Hauptgrund weshalb dia Gelateriana so schlechti Bewertiga hend. Fein is aber gsi.
Ah und wasi mier natürlich passend do postet han isch as sida Hemdli mit Zitrona druf, das hani au agleid ka🍋

Was mi persönlich kli trurig macht isch, dass dia katza do ni so zuatraulich sind wie in dr Türkei.. 😿Læs mere