Gallipoli

Anreise Gallipoli
Am Donnstig ischs für üs witr ganga nach Gallipoli. Dia Fahrt het ca. 6h duret mit Pausa. Und ojemine dia Raststätta do ni gad hygienisches Top-Level🤣
Im Hotel ah ko, hemer üs igrichtet und sind als erstes gad mol d Alag go erkunda. Do schu bald Sunnautergang gsi isch het ma gar ni gnau gseh wie suber zMeer isch. D Füess hemer glich schu mol kli badet 😋. Z Hotel isch würkli sehr schön und hygienisch 🙌🏽 au z personal ufmerksam und fründlich. Znacht hemer im Hotel igno au das mega fein gsi und a Ussicht, wunderbar 🌅

Tag 1
Am Fritig hemer üs entschieda zum an „Chiller Tag“ zmacha. Zerst kli is Gym noch dem zmörgala und den eifach am Strand Seel baumala loh🌊. Welli Liegana ma kriegt isch do alles organisiert, dass heisst kai stress am Morga zum no an Platz suacha (wel dia Dütscha susht jo alles reservieren am morga früeh😜). De Erol het den mit dem Strandtyp usghandlet, dass mier Firstline hend. Au das isch noch Zimmerkategorie vorgeh. Bis ende Ufenthalt isch das ez üsa Platz. De isch würkli tiptop, kli abseits, ruhig und zvorderst.
Zum zmittag hani de Erol überredet Calamari zbstella, zum Glück hend ni alli Calamari no Beili dra ka. Das het de Erol gar ni gern wen ma alles so gseht. Dia mit da Beili oder wie ma das nenna will, han i gessa🐙🦑
Am spötera nomitag hemer a Massage buacht ka. Lustig isch gsi mier sind glichzittig im glicha Rum massiert worda, so z’sega a Partnermassage😅
Vor em znacht hemer de schöni Sunnauntergang gnossa und paar Föteli und Video gmacht. Das isch uh toll gsi und au lustig wels de Erol ni so ermst gno het aber genau das hets so witzig gmacht.

Znacht hets eba eher spot geh am 21:00 wel irgend so a Fuassball Team vu de Serie C an Alass ka het. Viel Tschecha drunter, witzig den verstohni amigs was dia labern und dia wüssend ni dasi sie verstohn🤣.

Und übrigens zMeer isch würkli wunderschöön, so glasklar dass au i inna gon go bada🌊👙Read more