Gili air

Hüt hanni eh richtige "influencer"-touri tag gha. Ufgstande und diräkt eh rundi go renne. Hüt zum erste mol mit freier sicht ufe rinjani🤩ha grad wieder müesse dra dänke wie schön das gsi isch womr letzt ioor zum sunneufgang dört obe gstande sin. Nach 20 minute renne in jz scho brüetender hitz (7:45), hanni ahghalte zum, zum erste mol siiti in indonesie ahcho bi, neume gmüetlich öbbis zmorge ässe. Da hüt mi freitag isch und ich sowieso eh verhältnismässig türe tag vor mir ha, sitzi usnahmswiis mol in eins vo de schönere lokal und iss eh "granolabowl", dezue eh früsche ingwertee. Denoch denn nomol öbbe 15 minute zrugg renne und nachere salzige duschi gohts denn ufs boot nach gili air. Ufem boot triffi wieder mini neue fründe vo wales mit dene ich denn au grad übr die halb inslä spazier zum gone iiskaffi drinkä. Nocheme super kaffi (de ersti siiti us de schwiiz bi) verabschiede mr uns und ich gang de coiffeur go sueche, dä findi zimli schnäll und jz hanni glaub nitmol meh halb so viel hoor ufem chopf. Denoch gits denn eh pokebowl am strand und eh inselerkundig und scho isch wieder ziit zum s boot zrugg neh. Da "mini" tauchschuel diräkt zwüsche hafe und minere unterkunft liggt, gits dört natürlich no eh zwüschehalt füre update übr de neggsti tag und mir verabrede uns mit no paar andere zur happy hour inere bar.Okumaya devam et