Gili meno

Und au hüt isch eh guete tag gsi. Sehr viel neus glehrt und viel neus woni jz no ganz oft müess üebe. Am morge eh theorielektion, denoch öbbe 2 stund im pool viel training bis mr duregfrore und ufgweicht gsi sin. In de mittagspause (hüt sate ayam dengan nasi dan cah kangung) (pouletspiessli mit riis ärdnussnause und speziell gchochtem grüenem gmües) denn mis erste tauchbriefing vorbereitet woni füre nomidagstauchgang als ufgob becho ha. Füre nomisagstauchgang simmr zumene natürlich gsunkänä wrack gange und hän dört alles womr im pool güebt hän nomol im meer gmacht. Denoch hämmr denn no bitz papierkramm müesse mache für mini ersti zertifizierig :). Nochere churze workout-,dehn- und duschpause hanni nomol füre theorielektion zum tauchcenter müesse. Da ich wie so oft wieder mol zimli problem mit mine näbehöhle ha gits morn mol eh pausetag für mi und mini ohre... ich freu mi jz also druf morn ändlich mol neume go zmorgä ässe nachere morgejoggrundi, mini hoor go schnide wo dank däm viele salzwasser langsam rächt grusig sin und eh gmüetliche tag z gniesse und das alles uf de nochbersinslä (gili air) woni bis jz nonie gsi bi. Momentan sitzi grad wieder in de volle bar und drink riiswii mit de ihheimische. Zum erste mol siiti do ahcho bi, bini tatsächlich mol widr dezue cho in im buech z läse🤩 währendämi indonesischi pouletwraps gässe ha (usnahmswiis mol pommes statt riis), d chatz isch leidr bitz z spot cho und het trurig in leere täller gstarrt. Morn wird denn wieder zimli viel fürd sience of diving prüefig glehrt🥲.Leer más