Gili meno

Eh lange und stränge tag aber trotzdäm sehr cool. Langsam hängt das tauche also eidütig ah... bi gester zobe fast ihgschlofä woni ufs znacht gwartet ha im restaurant😅. Hüt hets denn nach 2 scho eher stränge tauchgäng au no eh nachttauchgang geh. Ufem erste tauchgang hanni eh riese freudeahfall gha willi ändlich mol mi lang ersehnte erste baby yellowspotted boxfish gfundä ha🤩 siiti als chind mol so eine im zolli gseh ha bini in die verliebt und has chuum chönne glaube dassi jz tatsächlich mol so eine in sinere natürliche umgäbig ha dörfe seh. Denn hanni au no eh mega coole spezielle nudibranch entdeckt und ufem nachttauchgang hets denn natürlich wieder eh paar ganz chliini super härzigi cuttlefish geh. Ha mi erste versuecht gwagt für mini chartezeichnigs ufgob voneme tauchplatz wo si no kei charte hän. Ich ha 3 tauchgäng zur verfüegig woni mi uf jedes detail muess achte zum denn eh usfüerlichi charte z zeichne. Zum zmittag hets mol wieder eh nasi campur geh und zum znacht hanni denn nachem nachttauchgang und ere chalte, salzige duschi no eh olah olah ayam gholt und uf mim sitzplatz gässe. Während em ässe hanni denn, zum erste mol siiti vo dehäi gange bi, wieder mol chli netflix gluegt😋.Read more