Gili meno

So jetzt magi denn also wirkli gli nüm😂 dezue ahne dass meh nacheme nachtrauchgang sowieso scho völlig dure isch hanni hüt au wider zimli früeh müesse ahtrabe da mir eh sehr stränge tag gha hän. Komplett usbuecht... natürlich wieder inkl. poolsession und denn hets au no zimli starki strömige gha am tauchplatz womr hän müesse degege ahkämpfe. Am nomidag bini denn sogar sowiit gsi dassi ha müesse de currentcheck ussetze zum energie füre tauchgang spare😅. Ha glaub no gar nie erwähnt dass das au no eini vo mine ufgobe isch woni bi jedem tauchgang muess mache. Da mir do zum teil rächt spezielli strömige chönne ha, mache mir vor jedem tauchgang eh sogenannte currentcheck, womr sobald mr mitem boot ahchömme mit flosse und maske ins wasser springe und abtauche zum d strömige und d sicht checke. Das muess zimli schnäll go und denn nach däm mr uns wieder müehsam ufs boot kämpft hän natürlich au so schnäll wie möglich die ganz usrüstig ahlegge damit d chunde ganz sichr nit müen uf uns warte. Eigentlich stresse mi so sache nit und finds au nit sträng aber bi mittlerwiile aneme punkt ahcho woni zimli alles ahsträngend find. Mini tägliche joggrundene hanni die letzte 3 täg au usgloh. Die neggste 3 täg dörfi wieder bineme open water kurs assistiere und hoff dassi denoch denn mol eh tag ch frei neh zum mi chli erhole und de ganz stickstoff in mine gwäb mol chli loswärde.Читать далее