Gili meno

Hüt morgä hanni mini Instruktorin als "Chundin" gha und dörfe durch eh Wracktauchplatz leite. Da mir beidi nit viel Luft bruchä und wiedermol total fasziniert gsi sin vo jedem chlinste detail und dezue ahne au no eh Kamera debi gha hän, hämmr d Ziit bitz vergässe und eh lange Tauchgang chönne gniesse währenddäm die andere Gruppe ufem Boot gwartet hän. Will mir nachem erste tauchgang beidi rächt müed gsi sin und au beidi chli Problem mit unsere Ohre/Näbehöhle gha hän, hämmr denn beschlosse dass mr uns nachere lange Mittagspause (mit Iiskaffi) nur no füre Theorielektion beträffend Tauchwüsseschafte (mi grösste Meilestei ufem wäg zum Divemaster) träffe. Nacheme Theorieblock und erfolgriichem abschliesse vo de Abschlussprüefig, channi das Kapitel jetzt hinter mir loh und mi ab jetzt eigentlich nur no vollständig uf Briefings und Leite fokussiere🥳🤩. Zobe hämmr uns denn nomol troffe und eh Pizza ins Tauchcenter bstellt und dört gmüetlich ufem Sofa eh Doku übr unsers gliebte Meeresökosystem gluegt.Okumaya devam et