Gili meno

Am morgä hanni zum erste mol eh tauchgang mit 4 lüt chönne leite... 1 devo isch noni taucht und het dämentsprächend vorhär no eh poollektion mit mir gha. Langsam channi so richtig usespüre was de job voneme divemaster isch und wie cool dass das eigentlich isch. Am nomidag hämmr denn keini gäst gha und sin drum nachere lange mittagspause ineme warung, mit super guetem curry no chli in pool und hän no de räst vo unserne theorielektione chönne beände. Nachere joggrundi und eme workout hämmr uns denn widr troffä und sin no ufe nachttauchgang vom strand us, mit de mission "coralspawning" chönne z beobachte. Nachem langem sueche und vielne lustige kreature, wo meh bi mindestens 50% kei ahnig het was meh do grad beobachtet (wie uf jedem nachttauchgang), simmr denn tatsächlich fündig wordä und hän das tolle naturschauspiel (inkl. ganz viel freischwümmände riisige würmer um unseri chöpf) chönne erläbe.Leia mais