Nusa Penida

Hüt hanni zum erste mol nach 7 wuche wieder mol eh hund gstriichlet und ich bi automatisch grad 10 mol glücklicher gsi als devor. Bi halt eifach kei chatzemensch und uf de gili inslä wimmlets vo chatze aber hünd hets keini will si susch worschinli eh tollwuetproblem hätte, mit de chatze hän si nur eh inzuchtproblem abr das isch io nit so schlimm😂. Es isch richtig schön wieder z bali z si, ich lieb io indonesie im allgemeine abr bali het halt sho eh ganz spezielli magie wo mi eifach scho nach de erste paar minute wieder gfange het und ich bi io noni mol wirkli z bali. D kultur do isch eifach anderst und d lüt sin no fründlicher, offener und entspannter als im rästliche indonesie. Freu mi richtig uf mini ziit in bali und ha scho jetzt wieder angst vorem tag wonis wieder muess verloh au wenn denoch no ganz viel anders cools chunnt. S beste gfühl die letzte täg isch eidütig die ersti duschi uf gili air gsi... die ersti HEISSI SÜESSWASSER duschi nach fast 7 wuche chaltem salzwasser isch scho nit schlächt gsi. Ha mi zum erste mol siit langem wieder richtig suber gfühlt und gmerkt was füre privileg scho nur so bitzli früschwasser usem hahne isch, zrugg in de schwiiz wirdi worschinli richtig sparsam mitem wasser umgoh wills dört io denn sogar au no drinkwasser isch. Cool wenn meh die chlinste sache so sehr z schätze lehrt. Zum znacht hets hüt usnahmswiis mol eh pizza geh da d lüt vom projäkt woni ab morn gang go mitschaffe eh abschlussässe für 2 freiwilligi gmacht hän und mi ihglade hän. Freu mi jetzt richtig druf morn eh neus projäkt chönne go ahluege und mitzhälfe und am nomidag mol wieder eh neue tauchspot z gseh nachdämi 6 wuchelang immr an de gliiche 5 gsi bi.Læs mere