Nusa penid

Isch scho cool wenn meh eh roller het und eifach cha durch die wunderschöni natur fahre und zwüschedure füre kaffi odr fruchtsaft ahhalte so lang wie meh lust het will meh nüt anders vor het. Am morgä hämmr 2 zimli chalti tauchgäng gha. Bim erste tauchgang simmr zum projäkt gange zum das mol ahluege und eh paar strukture z putze, es isch riisig und wunderschön. So viel verschiedeni koralle woni natürlich durch dassi die jetzt alli kenn au viel meh wohrnimm und umso überwältigter bi wenni riisigi kolonie vo spezies gseh woni vorhär nur mit viel glück in ganz chli gfundä ha. Denoch simmr denn wieder ufs boot, hän unseri usrüstig uf eh neui fläsche gwächslet und sin richtig mantapoint losdüüst. Ich ha zwar eigentlich gseit ich will dört nit ahne aber da sie chundä gha hän wo expliziz ahgfrogt hän, simmer halt denn gliich gange. Bitzli gfreut hanni mi scho sone manta gseh aber wirkli guet hanni mi nit gfühlt bim gedanke dört go z tauche, drum bini denn insgeheim zimli froh gsi womr wägg viel z grosse wälle hän müesse umchere und neume anderst go tauche. Alli häns natürlich super schad gfundä abr ich bi zfriede gsi wie s schicksal mir hüt gholfä het. Mir sin denn an eh andere wunderschöne tauchplatz wos au wieder super tolli koralle gha het und dämentsprächend au zimli viel fisch und verschiedensti nudibranches (meeresschnäcke) . Mir sin uf fast 40 meter will meh dört d möglichkeit het zum mola mola gseh uf dütsch nennt meh si glaub mondfisch oder sunnefisch. Die sin riisig und eigentlich nit unbedingt so schön dass meh sich chönnt dänke dass lüt extra dört hi gönn für das (chaschs io mol googlä). Ich hätts natürlich super cool gfundä so eine per zuefall z findä aber ich gang nie mit z viel erwartige oder hoffnige odr uf de suechi nach öbbis speziellem ins wasser da das io schliesslich kei zolli sondern die freii natur isch. De zweit tauchgang hämmr denn nach 45 minute beändet da mir alli zimli gfrohrä hän und sin denn wider ufs boot zum ufere sehr wällige ruckfahrt eh nasi campur z ässe.Læs mere