Nusa Penida

Leider het mi körper anschienend nüm so lust zum tauche und ich ha jetzt eh zwangspause ihgleggt. Wenigstens hanni am erste tag s projäkt gliich mol gseh und weiss jetzt wonahne dassi sicher wiedermol muess zruggcho. Ha die letzte 2 täg aber trotzdäm am nomidag dörfe an de Fisch identifikationsbesprächige teilneh was sehr spannend gsi isch, da ich mi io in letzter ziit meh uf koralle konzentriert ha. Morn gohts denn wiiter richtig bali :) dört mieti eh roller und machi ufe wäg nach pemuteran. Jenachdäm wie viel verchehr dasses het und wie fest dassi lust ha zum fahre machi unterwägs neume eh nacht pause oder fahr alles in eimol durre (ca. 4-5 stund). Jetzt sitzi grad ganz elläi ineme wunderschöne vegane warung mitts im nirgendwo und ha eh tempe curry bi bestem sunneuntergang mit sicht uf jungle, meer und de agung (vulkan uf bali) gnosse. Bi jetzt scho chli trurig dassi z pemuteran alwä nit wird chönne tauche willi wirkli mol chli pause bruch aber wiederum isches eigentlich au cool mol s land dört rundume z entdecke da ich die letzte 2 mol eigentlich nur unter wasser gsi bi. Vielliecht channi io gliich mol 1 tauchgang mache zum wenigstens s neue projäkt emol gseh ha und bim alte projäkt go luege was so gange isch im letzte joor. Wie au immer dassi mini ziit dört wird verbringe wirds sicher schön da ich so viel verdrauti lüt wieder cha gseh und ich weiss scho jetzt dassi widr wird brüele wenni gang. Ah gester zobä bini siit langem wiidermol aneme nachtmärt gsi öbbis go ässe und ich has also scho sehr vermisst in sonere umgäbig voll mit iheimische si und nur zu ässe z cho wenn de ihri sproch bitz beherschisch. Isch uf jedefall sehr fein gsi und meh cha immer wieder neui sache entdecke wo meh noni kennt het.Læs mere