Återställ sökningen
Divemaster
  • dontworrychickencurry
  • dontworrychickencurry

Divemaster

Als ufgob in mim divemastertraining wird ich jede tag mini tauchgäng eh bitz dokumentiere mit sache woni gseh ha und em ort und de bedingige(änglisch). Ich wird au amigs schribe wasi so glehrt und gmacht ha und natürlich föteli vom feine ässe mache. Läs mer
FöljÖversiktÖversiktKalenderKalenderFotonFotonDelaDelaBucket list
ÖversiktKalenderFoton
  • dontworrychickencurryDivemasterResenär

    Meno

    8 maj, Indonesien ⋅ ⛅ 30 °C

    Da mini Instruktorin und ihre Fründ wo au Instruktor isch, nach Abschluss vo minere Usbildig d Tauchschuel wärde verloh hämmr momentan neui Instruktorkanditate womr chli ihblick in alltag gän. Ich ha also dörfe eh briefing mache woni alli abläuf ganz genau ha chönne erkläre und denn ahschliessend de Tauchgang leite zum ihm de Tauchspot ganz genau zeige. D Verhältniss momentan sin so guet, immer super gueti Sicht und meistens nur schwachi Strömige.Läs mer

    Se översättning
  • dontworrychickencurryDivemasterResenär
    1

    Gili Trawangan

    9 maj, Indonesien ⋅ ⛅ 29 °C

    Hüt hanni eh Sunneufgangstauchgang gmacht anemee Tauchspot woni nonie gsi bi siiti do bi. Es isch soooo wunderschön gsi, so viel tolli Sache gseh, so viel schöni Koralle und allgemein eifach eh super Tauchspot mit super Sicht-und Liechtverhältniss. Es isch au mega schön gsi mol so früeh wach si und die Inslä mol komplett ohni Lüt z erläbe. Diräkt nachem erste Tauchgang hanni denn füre zweite Tauchgang chönne bi 8 Introtaucher hälfe, was wiedermol zimli unkordiniert gsi isch😂am nomidag hanni mr denn frei gno zum ane märt go uf gili trawangan (die ander nochberinslä). Dört bini denn zimli viel ummeglofä, da si dört tatsächlich au eh chliine Hügel hän und ich eifach mol wieder ha welle bräguf laufe, nach 5 Wuche ufere flache Inslä. Zobä hämmr denn Ässe in Tauchshop bstellt.Läs mer

    Se översättning
  • dontworrychickencurryDivemasterResenär

    Gili meno

    10 maj, Indonesien ⋅ ☁️ 29 °C

    Hüt morgä hanni wieder dörfe eh tauchgang leite mit allem drum und dra, wieder mit minere instruktorin und em neue instruktor kanditat. Ha hüt nomol öbbis neus chönne lehre und zwar eh sogennante "negative entry" das heisst meh taucht vom boot us chopfvorah diräkt ab bis öbbe uf 5 meter wo meh sich denn widr z rächtfindet und de tauchgang diräkt startet. Normalerwiis versammlet meh sich an de oberflächi und startet denn eh langsams abtauche. Sone "negative entry" isch nützlich wenn meh sehr schlächti verhältniss wie starke wällegang odr oberflächeströmige het oder wenn meh eh tieftauchgang macht und eifach so schnäll wie möglich abe will. Liichte närvekitzel git das scho so chopfvorah ins blaue z tauche innert sekunde, womr das s erst mol gmacht hän hanni vor luter stress völlig vergässe de druckusgliich z mache bisi uf öbbe 5 meter gsi bi. Hüt isches bi mir tiptop gange aber woni die 5 meter erreicht ha, hanni mini zwei "chunde" scho verlore gha😂 bi ganz elläi dört unde gsi und ha kei ahnig gha ob si das extra gmacht hän zum mi teste odr ob ich de plan missverstande ha. Irgendwenn sin si denn au dunde ahcho und es het sich usegstellt dass si beidi (wo scho mindestens 100 negative entrys gmacht hän) irgendwelchi problem gha hän. Uf jedefall hämmr nohär eh schöne tauchgang mitere höchsttiefi vo 30 meter absiits vo allne andere chunde chönne gniesse. Am nomidag hämmr wieder mol eh Beachcleanup gmacht und uns zobe zuneme super sunneuntergang inere strandbeiz troffe.Läs mer

    Se översättning
  • dontworrychickencurryDivemasterResenär
    1

    Gili meno& air

    11 maj, Indonesien ⋅ ⛅ 30 °C

    Am morgä hanni ändlich mis Deepdiving zertifikat chönne beände miteme 40 meter tauchgang. Da mir momentan zimli wenig chundä hän, het mini istruktorin und ihre fründ hüt churzfristig frei becho durch absage, drum bini denn nachem Morgätauchgang ufs Boot nach Gili Air zum mit ihne go zmittag ässe. Dört hämmr denn zimli viel verschiedeni Sache bstellt zum usprobiere ineme schöne vegane Restaurant. Alles isch super guet gsi und mir hän s gfühl gha mir bruchä mindestens 3 täg lang nüt meh zässe und sin denoch denn drum no übr die halb inslä glofä zum verdaue. Womr denn wieder zrugg uf "unsere" inslä gsi sin, hanni no eh Sunneuntergangsjoggrundi gmacht und eh Papayasaft am Strand drunkä.Läs mer

    Se översättning
  • dontworrychickencurryDivemasterResenär

    Gili Meno

    12 maj, Indonesien ⋅ ☁️ 30 °C

    Hüt hanni 2 tauchgäng mit Fakechundä gha 😅 mini liebe Mitarbeiter und Instruktore hän hüt de tag ohni chundschaft usgnutzt zum närvigi Chundä spiele. Nachdäm denn alli mol mindestens 2 mol ihri Maske oder Flosse verlore, z viel oder z wenig luft im Jaket oder eifach susch irwelchi unerklärliche problem gha hän, hämmr denn au no bitz chönne s Tauche ohni Chundschaft gniesse. Zobe bini denn vo mine liebe Instruktore wieder mol zu ihne häi ihglade worde, wos früsches super guets ahtoastets Brot (fast wie in de Schwiiz) mit sälbergmachtem Hummus, karamelisierte Ziebel und Tomate geh het. Mol eh feini Abwächslig und für uns 3 alli eh chliins Heimatsgfühl.Läs mer

    Se översättning
  • dontworrychickencurryDivemasterResenär
    1
    3

    Gili meno

    13 maj, Indonesien ⋅ ⛅ 30 °C

    Hüt het unsere Coral Restoration Teil vom Kurs ahgfange. Da mir am morgä im Tauchcenter Theorie plant hän und für das unseri Rueh hän welle hämmr uns hüt erst uf die 9.30 troffe (da denn s Tauchboot abfahrt). Durch das hanni gmüetlich Ziit gha zum go Jogge, eh Workout im "Strandgym" mache und eh feine Kaffi drinkä. D Theorie isch denn öbbe 2 Stund gange und zimli spannend aber au zimli viel gsi. Da mir jetzt sone gmüetliche Ziitplan hän will mr uf keini Chundä müen luege, bini denn in de Mittags mit minere Instruktorin am Strand gone Saft drinkä und ha eh Olah Olah Tempeh ins Tauchcenter bstellt, woni denn spöter no gässe ha. Am 2i simmr denn ändlich ufs Boot zum go tauche , es isch hüt verdammt heiss und düppig gsi,drum hämmr uns jz alli ufs Wasser gfreut. De Tauchgang isch zimli schnäll verbi gange da mir uns komplett nur ufd Koralleidentifizierig fokussiert hän, sogar wo mir denn plötzlich gmerkt hän dass mir eigentlich grad vo öbbe 5 schildchrote umchreist wärde hämmr uns nit vo de Koralle loh ablänke. Hüt zobe dörfi scho wieder bi mine liebe Instruktore (oder mittlerwiile 2 guete Fründe) go Znacht ässe, wos das mol Penne mit Mangocurrysauce mit Broccoli, Pilz und ganz viel Chnobli git. Weiss io nit wenn ich s letzt mol Broccoli gha ha🤩, wiedermol fühli mi fast wie dehäi während em ässe und lauf denoch z friede im gröschte Räge wieder zrugg zu mim Bungalow. Und do liggi jetzt im Bett und hol mini Bricht vo de letzt Täg für euch noche willi si chli vernochlässigt ha. Ich ha hüt mit 3 lüt vo dehäi dörfe telefoniere und wart jz no ufe Telefon vo Mami und Papi, es isch schono schön wenn meh ab und zue mol wieder öbbis vo dehäi hört und vorallem mol wieder in sinere eigene Sproch cha schwätze.Läs mer

    Se översättning
  • dontworrychickencurryDivemasterResenär
    3131

    Gili meno

    14 maj, Indonesien ⋅ ⛅ 28 °C

    Langsam wirds ziit dassi do mol.eh neue ort als standort cha uswähle als gili meno😂. Neinei ich gniess mini Ziit mit de Koralle grad sehr, isch cool wieder viel neus z lehre und durch das widr ufmerksamer uf ganz anderi sache z wärde. Abrmer freu mi jetzt scho au langsam druf mol eh chli umezreise und neui ort z entdecke. Hüt isch eh sehr intensive tag gsi füre chopf... ich wird no föteli vo mine hütigi notize ahhänge, wo meh gseht wie viel koralle dass mr scho nur in 1 tag glehrt hän und denn ufem tauchgang versuecht hän z finde und identifiziere. Das het tatsächlich einiges besser klappt alsi erwartet ha und ich würd behaupte dassi jetzt scho mindestens d hälfti vo dene hüt glehrte koralle zu 100% cha bestimme. Nach Abschluss vom Kurs sötti denn 70 verschiedeni Arte chönne bestimme. Ha mi jetzt scho für 2 projäkt ahgmoldä woni nohär denn gang go hälfe zum all das neue wüsse no chli verfestigi und ahwände und natürlich hanni au no ganz viel ort im chopf woni no möcht go tauche bevori wieder ind schwiiz chumm. Nachem Tauchgang und de Nochbesprächige vo de Fotis womr gmacht hän vo de verschiedene gfundene Arte hanni denn no eh Sunneuntergangsspaziergang gmacht , woni denn fast ihgschlofä bi. Drum hanni nohär fürs Znacht eh Velo im Tauchshop gholt zum ins Resti fahre und do sitzi jetzt wiedermol mit feinem Ässe vor mir woni jetzt gärn würd ässe.Läs mer

    Se översättning
  • dontworrychickencurryDivemasterResenär
    2
    1

    Gili meno

    16 maj, Indonesien ⋅ 🌧 29 °C

    Hüt hämmr uns uf die "schwierige" Koralle konzentriert. Sie sin wirkli schwierig😅. Isch krass wie schnäll die Tauchgäng ummegönn wenn meh sich uf so öbbis fokussiert und rächt cool z gseh wie viel neus meh in so churzer ziit cha lehre wenn meh sich druf konzentriert. Abr mi chopf isch ufjede fall zimli gforderet worde, so dassi de ganz obe müeh gha ha bim schwätze die richtige wörter z finde😂. Mir hän uns zum Znacht ineme super guete Warung troffä und uns wiedermol bitz überässe. Währenddäm mir unsers feine indonesische ässe gnosse hän hets wiedermol sehr sehr fest grägnet und gwitteret so dass mr uns denn au nüm wirkli hän chönne unterhalte wägg däm saulärme.Läs mer

    Se översättning
  • dontworrychickencurryDivemasterResenär

    Gili meno

    18 maj, Indonesien ⋅ ☁️ 27 °C

    Hüt hämmr ändlich ahgfange mit koralle pflanze und das mit wunderschöner sichr ufe rinjani. Ganz vergässe wie sehr ichs vermisst ha in soneme projäkt z schaffe. Ufem erste Tauchgang hämmr abbrocheni koralle gsuecht denn an land brocht, dört denn verchliineret und chranki teili abbroche und denoch denn an de sogennante "reefstars" ahgmacht. Das muess alles zimli schnäll go da d koralle nit meh als 30 minute sötte userhalb vo ihre gwohnte umgäbig si (mir hän si natürlich die ganz ziit in chessel mit wasser gha). Denn simmr ufe zweite tauchgang zum die Metallstrukture denn zu unserem projäkt bringe und dört positioniere. Denoch hämmr denn no eh schöne, gmüetliche erkundigstauchgang gmacht zum unseri rästlichi luft no chli ufbruche. Gester znacht bini no uf Schildchrote suechi gange und ha eini worschinli nur um wenigi minute verpasst bim eier legge. D spur im sand isch ganz früsch gsi und meh het genau gseh wo si ihri eier vergrabe het. Scho nur mol im stockdunklä ohni jeglichs liecht elläi über eh komplett verlassene strand laufe isch eigentlich scho gnueg schön gsi und denn au no eh spur z findä und z wüsse dass vor wenige minute eini vo dene schildchrote, woni worschinli scho gseh ha ummeschwümme, grad die ahsträngensti und wichtigsti ufgob vo ihrem läbe hinter sich brocht het isch denn no s highlight vo mim obe gsi. Us däm grund gangi hüt grad nomol ufd suechi nach dene schöne läbewäse. Vorhär hanni mol wieder eh sunneuntergangs joggrundi gmacht und da grad sehr starki ebbe gsi isch, hanni denn no chli nach kreature usschau ghalte in de "tidepools" und ha tatsächlich ohni gross sueche eh blauringoktopus gfundä🤩. Jetzt sitzi grad in mim lieblingswarung und iss ändlich mol wieder eh nasi goreng ayam nachdämi siit sicher scho übere eh wuche jede tag sag dassi wiedermol eins bruch. Ich has "pedas" bstellt und es isch tatsächlich mol zimli scharf, vellicht kenne si mi mittlerwiile und maches jz "localspicy" und nit touristescharf, ha also grad zimli müeh s früschgmachte sambal ,wos immer no dezue git, ufzbruchä😂.Läs mer

    Se översättning
  • dontworrychickencurryDivemasterResenär

    Gili meno

    19 maj, Indonesien ⋅ 🌧 29 °C

    Hüt hämmr neui "reefstars" gmacht, da mir io gester 3 stück verbrucht hän zum pflanze. Nacheme schöne tauchgang am morgä womr uns chli ufd "feinde" vo de koralle konzentriert hän und somit em grösste räge grad so hän chönne entfliehe für 90 minute, hämmr denn in de düppige hitz (natürlich in de pralle sunne) die neue strukture mit epoxitharz und sand bearbeitet. Das hilft de korallelarve sich schnäller dört ahzsiedle wie wenns eifach nur blanks metall isch. Nach "füürobe" bini denn mit mim buech an strand natürlich uf de sunnenuntergangssiite vo de inslä und ha dört bi schönstem sunneuntergang öbbis drunkä und gläse bises dunkel wordä isch. Denoch hanni mi denn no ineme warung mit mine 2 liebste mensche uf dere inslä troffe und wie immr öbbis feins znacht gässe. Denn bini in de schöne stille dunkelheit mit super stärnehimmel eimol um die halb inslä glofä uf de suechi nach schildchrote, leider isch d ebbe momentan sehr sehr ebbig was de schildchrote nit grad wirkli bi ihrem wäg an strand hilft und drum hanni das unterfange denn au schnäll mol ufgeh. Da ich aber scho so wiit glofä bi hanni das denn grad usgnutzt zum mir mol in aller rueh das turtle sanctuary go ahluege, was mi leider eher sehr hässig als glücklich gmacht het. Bim letzte beachcleanup womr gha hän, hanni mitere gruppe ich würd mol behaupte russe eh starki usenandersetzig gha wägg ihrem verhalte gegeüber dene schildchrotäbabys. Je länger ich uf dere wält bi und je meh ich mi mit de menschheit useandersetz um so weniger lust hanni teil vo dere spezie z si. S fehlverhalte und d unüberleggtheit vo so vielne mensche wird für mi immer wie verständnisloser und unakzeptabler.Läs mer

    Se översättning
  • dontworrychickencurryDivemasterResenär
    1

    Gili meno

    20 maj, Indonesien ⋅ 🌙 29 °C

    Viel tauche isch hüt ahgseit gsi. Mir hän 2 tauchgäng a 90 minute gha, bim erste hämmr nomol eh "reefstar" bepflanzt (das mol unterwasser) und bim zweite hämmr denn alli strukture putzt (mitem zahnbürstli). Natürlich hämmr näb de arbeit au nomol chli ziit zum erkundä gnutzt und wieder viel cooli sache gfundä. Zwüsche de 2 tauchgäng hän ich und mini instruktorin uns d velos gschnappt und sin ihre fründ (dä het hüt frei gha) ineme restaurant go bsueche womr denn mol so richtig europäisch zmorgä gässe hän (Ich ha toastets früsches brot mit avocado, tomate und pochiertem ei gha). Es isch hüt traumhafts wätter und s meer isch so ruhig wie scho lang nüm, het sich fast ahgfühlt als würde mr irwo in de maledive inere strandbeiz sitzä (bi zwar nonie dört gsi, aber so stelli mirs vor😂)Läs mer

    Se översättning
  • dontworrychickencurryDivemasterResenär

    Gili meno

    21 maj, Indonesien ⋅ ☀️ 30 °C

    Nochere schöne morgejoggrundi inklusiv iiskaffi bini hüt zum zweitletzte mol ind tauchschuel gloffä. Mir hän eigentlich vor gha nachere churze theorielektion nomol zu unserem restoration projäkt z go, da hüt d wälle aber eidütig zu heftig sin hämmr uns denn entschiede am morgä nomol 2 reefstars mit sand und epoxidharz z behandle und denn ufe nomidagstauchgang mit ufs boot. Am nomidag simmr denn mol zuneme tauchspot woni nonie gsi bi da d bedingige hüt so schlächt sin, dass mr niene anderst hän chönne go. Isch cool gsi mol wieder eh neue ort z gseh und da mir jetzt sowieso immer uf koralle fokussiert sin spielts eigentlich gar nüm sone rolle womr tauche will meh überall tolli sache findet. Zobe bini mit mim buech wieder an strand zum öbbis drinkä an däm ort woni am erste obe au öbbis drunke und mis buech gläse ha, da hüt mi letzte obe isch vorem Schnorcheltest morn. Denoch hanni denn usnahmswiis mol wieder öbbis z ässe gholt und elläi uf de terasse vo mim bungalow gässe und siitlangem mol wieder netlifx dezue gluegt.Läs mer

    Se översättning
  • dontworrychickencurryDivemasterResenär
    1112

    Nusa penida

    25 maj, Indonesien ⋅ ⛅ 29 °C

    Die letzte täg hannis chli vernochlässigt wuch ufem laufende z halte. Ha eh letzte tauchgang gnosse, denn hanni mi Schnorcheltest gha was heisst dassi jetzt offizell eh divemaster bi. Denoch hanni denn eh letzte freie tag mit minere Instruktorin uf Gili Air gnosse. Inklusiv langem guetem zmorgä, feinem kaffi und natürlich ere massage. Denoch isch si denn wieder zrugg und ich bi 2 nächt uf gili air bliibe ineme hostel mit zimli viel andere junge lüt, das isch zimli spannend gsi und ich ha viel neui lüt dörfe kennelehre und zum erste mol siit über 6 wuche wieder mol schwiizerdütsch gschwätzt mit öbberem. Hüt morgä bini denn früeh los ufs boot richtig nusa penida, woni jz für paar täg bliib zum ineme conservation projäkt hälfe wo eh indonesische kolleg vo mir schafft. Denn machi mi denn langsam ufe wäg nach Pemuteran zum dört wieder chli hälfe und vorallem bekannti gsichter z träffe. Mi neggste fixe Punkt isch Kuala Lumpur woni irwenn um de 10. Juni umme sött ahcho zum 2 neu gwunneni fründe z träffe und paar täg zämme verbringe bevor mr uns denn ändgültig für mindestens eh halbs joor müen verabschiede. Uf wasi mi glaub aber momentan am meiste freu isch Sumatra🤩 ich freu mi so uf die natur dört, worschinli wirdi eh 5 tägigs jungletrekking mache ohni jegliche handyempfang und färnab vo de zivilisation. Und wenni denn wieder s verlange nach mensche ha wirdi mi ufe wäg nach thailand mache zum chlättere und sehr worschinli paar wuche als divemaster erfahrige z sammle. So jetzt sin dr wieder ufem neuste stand :) Da alles wo ab jetzt chunnt nüm zum Divemaster ghört wirdi eh neue Bricht ahfoh woni vellicht nüm jede tag wird dri schribe abr ich gib mis beste euch ufem laufende z halte. Ah und falls öbbr mol lust het zum telefoniere damiti s schwiizerdütsch nit total verlier, eifach mälde bitte.Läs mer

    Se översättning
    Resans slut
    23 maj 2026
  • 2026© FindPenguins
  • Hem
  • Om oss
  • Spåra gruppen
  • Press
  • Villkor
  • Integritet & Cookies
  • Hjälpcenter
  • Avtryck