Pallet Cafe 🤩

Nach 3 Täg Tauche, isch hüd mol wieder e freie Tag. Ich start de Tag mit me Strand-Spatziergang vo 1.5 h und End bim Palette Café. E wunderbars Plätzli. 🤩
S schöne an dem Café isch au, dass si Taubi Abgstellti hei, uf de erste Site vo de Menu Karte, sind die wichtigste Geberde ufzeichnet.
Nach me Cappuccino los ich d Seele ind dr Hängematte baumle und lies biz. Lustigerwis triff ich do au wieder uf d Deborah, si isch im Zug uf Mombasa nebe mir gsässä. Sit mir in Diani Beach sind, hei mir eus immer mol wieder krützt. So esse mir zämä Zmittag und stosse bi me Bier ufs erneute Wiedersehe a.
Wenn Ebbe isch, isch de Strand riesig und die Witi lost eim frei fühle. Glichzitig isch es au faszinierend wie Stark do d Gezite sind. Bi Fluet verschwindet de Strand fast komplett.Baca selengkapnya