Tyhjennä haku
Kenya 🇰🇪
  • Florence Frey
  • Florence Frey

Kenya 🇰🇪

23-päiväinen seikkaillu — Florence Lue lisää
SeuraaYhteenvetoYhteenvetoKalenteriKalenteriValokuvatValokuvatJaaJaaToivelista
Uusin ensin
  • Matkan aloitus
    12. syyskuuta 2024
    Florence FreyKenya 🇰🇪Matkaaja

    Nairobi nach Diani Beach

    13. syyskuuta 2024, Kenia ⋅ ☁️ 25 °C

    Mit 2 h Verspötig und ere langsame Passkontrolle bi ich guet in Nairobi a cho. Die ersti Nacht verbring ich in Nairobi um, am negste Tag, de Zug nach Mombasa chöne ne.
    Am 8i am Morge fahrt dr Madaraka Express. D Sicherheitskontrolle sind do extrem höch, s Gepäck wird 2 mol Scannt und eimol vo de Hünd abgschnüffelet. Nach dem ich dur alli Kontrolle dure bi und mis Ticket ha, dörfi au scho i stiege.
    D Zufahrt god 6h und me het e Schöni Ussicht. Ich gseh au scho die erste Elefante, Zebras und Gnu.
    In Mombasa a cho wird ich a gholt und nach Diani Beach gfahre.
    Do wartet mis hübsche und gmüetliche Dehei für die negste Täg uf mi. Ich mues mi no bizi dra gwöhne, dassi ellei bi und mi do dehei fühle.
    Der Nomitag los ich am schöne Strand usklinge.    Lue lisää

    Katso käännös
  • Florence FreyKenya 🇰🇪Matkaaja

    Diani Beach und Sand Island

    15. syyskuuta 2024, Kenia ⋅ ☀️ 24 °C

    Mit em Ngalawa, emene traditionelle Segelboot, gots hüd zur Sand Island go Schnorchle. D Sand Island isch e Sandbank wo bi Ebbe zum vorschin chunt. Direkt dört hets au paar Koralle zum Schnorchle. S Wasser do isch eifach klar und in de schönste Blautön. Bi Ebbe wird de Strand riesig und die Witi isch eifach Traumhaft.Lue lisää

    Katso käännös
  • Florence FreyKenya 🇰🇪Matkaaja

    Diving the Crab

    16. syyskuuta 2024, Kenia ⋅ ⛅ 26 °C

    Nach dem ich gest e chline Refresh gmacht ha, gots hüd sit langem mol wieder go Tauche. Genau vor 10 Johr isch mini Advanced Diver License gstellt worde. Zu mid Jubiläum wärde mir uf em Wäg zum Tauch Platz vo de Delfin beehrt. 🤩
    D Tauchbasis Diving the Crab macht e tolle Job. Gueti Usrüstig, gueti Lüd und tolli Verpflägig an Board. Do aktuell grad nid viel los isch, sind mir nur 4 Taucher. Trotzdem tauche mir in zwei Gruppe, was sehr komfortabel isch.
    Binere feine Pizza im Nomads und me Spatziergang am Strand, gniess ich de schöni Tag.    Lue lisää

    Katso käännös
  • Florence FreyKenya 🇰🇪Matkaaja

    Pallet Cafe 🤩

    19. syyskuuta 2024, Kenia ⋅ ☀️ 27 °C

    Nach 3 Täg Tauche, isch hüd mol wieder e freie Tag. Ich start de Tag mit me Strand-Spatziergang vo 1.5 h und End bim Palette Café. E wunderbars Plätzli. 🤩
    S schöne an dem Café isch au, dass si Taubi Abgstellti hei, uf de erste Site vo de Menu Karte, sind die wichtigste Geberde ufzeichnet.
    Nach me Cappuccino los ich d Seele ind dr Hängematte baumle und lies biz. Lustigerwis triff ich do au wieder uf d Deborah, si isch im Zug uf Mombasa nebe mir gsässä. Sit mir in Diani Beach sind, hei mir eus immer mol wieder krützt. So esse mir zämä Zmittag und stosse bi me Bier ufs erneute Wiedersehe a.
    Wenn Ebbe isch, isch de Strand riesig und die Witi lost eim frei fühle. Glichzitig isch es au faszinierend wie Stark do d Gezite sind. Bi Fluet verschwindet de Strand fast komplett.    Lue lisää

    Katso käännös
  • Florence FreyKenya 🇰🇪Matkaaja

    Unterwasserwelt 🐢🐠🐙🐚🪸

    20. syyskuuta 2024, Kenia ⋅ ⛅ 26 °C

    Hüd isch wieder Tauche uf em Programm gsi.
    Mir hei wieder viel spannendes entdeckt. Ich bi e richtige Fan vo de kleine Nudibranch. ☺️
    Zrug cho sind mr bi Low Tide und euse Skipper het Eus im seichte Wasser zrug manövriert. D Farbe sind eifach unglaublich und es isch e richtigs Paradies.🤩
    Nach em Tauche bini no vo mine CH- Buddies zu me Bierli iglade worde.    Lue lisää

    Katso käännös
  • Florence FreyKenya 🇰🇪Matkaaja
    Dragon Eel
    Finde den Fisch 😉NudibranchNudibranchRemoraGhost Pipe Fish

    Ocean Lover 💙

    21. syyskuuta 2024, Kenia ⋅ ☁️ 27 °C

    Hüd gots zum letste mol z Kenya go Tauche. Nach dem am frühe Morge no sehr rägnerisch gsi isch, isch es no rächt bedeckt.
    Uf em Boot sind wieder die 3 andere Schwizer, 2 wo e Schnuppertauchgang mache und d Elee wo für hüd mi Buddy isch.
    Mir Tauche wieder mit em Omari, er isch Divemaster und macht e super Job. Er isch super im Sache entdecke und Tauche mit ihm isch sehr entspannend.
    Hüd Tauche mir zerst Milele und i würd sägä, s isch de Best vo dene 10 Tauchgäng. Mir entdecke so viel verschiedeni Bewohner. Unter anderem: Octopus, Cuttlefish, Nudibranch, Dragon Eel, Ghost Pipe Fish, Remora und wieder ganz viel Turtles.
    De zweit Tauchgang isch nomol Iglou und au do gsehn mir wieder ganz neui Sache.
    Diving the Crab chani wärmstens empfehle. Si hei e super Usrüstig und tolls Personal.

    De Nomitag verbring ich nomol im Pallets Café, bevors ins Blue Marlin an e Beach Party god.    Lue lisää

    Katso käännös
  • Florence FreyKenya 🇰🇪Matkaaja

    Paradies

    24. syyskuuta 2024, Kenia ⋅ ⛅ 27 °C

    Au wenn mir do mit dr Sunne und nid nach dr Zit läbä und au nid sehr viel mache, gön d Täg glich gschwind verbi. Das Paradies do hei mir die letste Täg gemeinsam no chöne gniesse und ich ha im Michi mini Lieblingsplätz chöne zeige.
    Ab morn gots denn uf d Safari.    Lue lisää

    Katso käännös
  • Florence FreyKenya 🇰🇪Matkaaja

    Tsavo East

    25. syyskuuta 2024, Kenia ⋅ ⛅ 27 °C

    Nach de wunderbare Täg am Meer, wechslet hüd d Landschaft und d Tier (abgseh vo de Affe).
    Mir wärde am 7i in Diani abgholt und fahre in Tsavo East, wo eusi Safari starter.
    Vom Gate bis zu euser Lodge dörfe mir scho vieles entdecke.
    Z Mittag gits in euser Lodge und aschliessend verbringe mir Zit am Wasserloch, vor eusem Balkon, wo vieli Elefante verbi luege. Eifach herrlich.    Lue lisää

    Katso käännös
  • Florence FreyKenya 🇰🇪Matkaaja

    Tsavo East Afternoon

    25. syyskuuta 2024, Kenia ⋅ ☁️ 31 °C

    Am 4i gots uf de Negsti Gamedrive. Mir dörfe d Klassiker wie; Zebra, Elefante, Giraffe gseh aber au neui Sache entdecke. Zum Bispiel; Dig Dig (ich bi richtig verliebt ind die kleine), sie gsehn us wie chli zaubereti Rehli oder so 🤩 si Läbä monogam.
    Wenn ihre Partner stirbt, mache si e bestimmts Grüsch und höre uf Esse und Trinke, bis si e neue Gefährt gfunde hei. Das cha au es anders Wiebli oder Männli si, wo au ellei isch. Wenn nid, denn stärbe si us Einsamkeit.
    Zum Abschluss vom Tag dörfe mir zerst vier Löwinne bim fulenze zue luege und aschliessend entdecke mr au no es Männli, zumindest sini Pfote, wo er in d Luft streckt.    Lue lisää

    Katso käännös
  • Florence FreyKenya 🇰🇪Matkaaja

    Tsavo West

    26. syyskuuta 2024, Kenia ⋅ ☁️ 18 °C

    De zweit Tag starte mir wieder am 7i. Euse Gamedrive führt nomol durch e Teil vom Tsavo East, d Landschaft isch sehr unterschiedlich. Mir dörfe wieder so viel entdecke, s Highlight isch wohl e Löwin mit zwei Junge.
    Um die 10i verlöhn mir denn de Ost Teil und starte In Tsavo West. D Park isch in Ost und West unterteilt, sit d Zugstrecki vo Nairobi nach Mombasa, vo Nord nach Süd führt.
    Direkt nach em Itritt in Park, gseh mir die erste Hippos an dr Wasserstell.
    D Landschaft verändert sich wieder rächt, am Afang hets dichtes Buschland und mir sehn nüm so viel.
    Wieder uf e Mittag erreiche mir die neui Lodge.    Lue lisää

    Katso käännös
  • Florence FreyKenya 🇰🇪Matkaaja

    Kilaguni Serena Lodge - Tsavo West

    26. syyskuuta 2024, Kenia ⋅ ☁️ 31 °C

    De Spiesssale isch wie e Terrasse mit ere wunderbare Ussicht in d Landschaft und uf s Wasserloch. Chum sind mir a cho, startet s rege Triebe am Wasserloch. Die ersti, riesigi Härde Wasserbüffel chunt zum Trinke und Bade.
    Gfolgt vo ca. vier witere. Au Zebras, Elefante und allerlei chunt dezue. Und si vergön 3.5h Mittagspause, ohni das ichs bis in Pool gschaft ha 😅
    Am 4i isch zum glück nüm so viel los, so das mir uf de Negsti, idrücklich Gamedrive chöne.    Lue lisää

    Katso käännös
  • Florence FreyKenya 🇰🇪Matkaaja
    Mir bsueche e traditionells Massai Dorf. So bechöme mir e Iblick in ihre Alltag und ihri Traditione.Au uf em Gländ vo dr Lodge isch me nie ellei.Nach em Zmittag hei mr gnue Zit zum dr Pool biz gniesse, bevors uf de nöchsti Game Drive god.D Hemingway-Bar isch perfekt für e Sundowner und zum de Tag usklinge lo.

    Tsavo nach Amboseli

    27. syyskuuta 2024, Kenia ⋅ ☁️ 20 °C

    Nach dem mir hüd Morge eusi tolli Lodge verlo hei, gots mit me chline Gamedrive zum Mzima Spring. Das isch de Ort, wo s Wasser vom Kilimanjaro s erste mol unter dr Erde füre chunt und sich e chlini Oase bildet. S Wasser fliesst bis nach Mombasa. Mir sehn do witeri Hippos und es Kroki.
    Eusi Fahrt got richtig Amboseli witer. Vor em Mittag bsueche mir no e Masai Dorf. Es isch schön aber leider au sehr touristisch.
    Nach em Zmittag in dr Amboseli Sopa Lodge, gits e chlini Pause, bevor mir uf de ersti Gamedrive gön.    Lue lisää

    Katso käännös
  • Florence FreyKenya 🇰🇪Matkaaja

    Amboseli

    28. syyskuuta 2024, Kenia ⋅ ⛅ 16 °C

    Am Morge zeigt sich de Kilimanjaro ganz klar in siner ganze Grössi.
    Hüd verbringe mir de ganzi Tag im Amboseli. Nach em Frühstück gots direkt los.
    De Park isch sehr vielsitig. Bim Igang eher trocke und mit Bäum und Büsch. Wenn mr witer in Park vordringe folge Wasserlöcher und grüeni, saftigi Wiese. D Seee sind die perfekti Nahrigsquelle für die viele Vögel wos im Park het.
    Nid nur die schöne Sache seht me, so sehn mir au e Affe Mami vo e tors Jungs mit sich dreht, wo scho ganz am zerfalle isch. Au für die isch so e Verlust extrem schmerzhaft und das isch ihri Art, demit abzschliessen. Sie träge s Junge mit bis es zerfall.
    Hüd sehn mir au die erste Hyäne us dr nöchi und am Tag. Somit au eini wo am Wasser, im Matsch, biz abkühlig suecht. Eifach herrlich das Bild.
    Au gsehn mir wieder Löwe, Hippos, Giraffe und vieles mehr.    Lue lisää

    Katso käännös
  • Florence FreyKenya 🇰🇪Matkaaja

    Lake Naivasha

    29. syyskuuta 2024, Kenia ⋅ ☁️ 18 °C

    Hüd hei mir e längeri Fahrt vor Eus. Vom Amboseli gots zum Lake Naivasha.
    Wo mir denn de See erreicht hei, zieh dunkli Wolke uf. Das gsehn mir aber erst, wo mir scho uf em Boot si, natürlich ohni Rägäjacke etc. 🙈
    Do de Pegel vom See stitt längerem gstiege isch, hets Hüser wo zerfalle und au Stromverteilter wo scho bald im Wasser stöhn. Die abgstorbene Bäum und Hüser ergäbä e spezielli Stimmig.
    Für viel Vögel isch de Platz es Paradies. So au für de Wisskopfseeadler.
    Wieder am Ufer a cho, ghöre mir s Gwitter im Abflug, also got eusi Walking-Safari grad los.
    Nach me kurze Spatziergang fangt denn richtig fest a rägne und mir finde in me Restaurant unterschlupf.
    Zum Glück chöne d Autos au do hi fahre, so wärde mir denn vo eusem Fahrer abgholt und in d Unterkunft brocht.
    Am See entlang hets vieli Blueme Farme. Viel Rose und au anderi Blueme wärde do abaut für de Export nach Europa. Jede obe fahre Kühllastwäge I zum die Blueme abhole und an Flughafe bringe, damit mir am negste Tag Blueme hei. 🙈 So Sache Stimme extrem nochdenklich.    Lue lisää

    Katso käännös
  • Florence FreyKenya 🇰🇪Matkaaja

    Lake Nakuru

    30. syyskuuta 2024, Kenia ⋅ ☁️ 19 °C

    Vom lake Naivasha gots hüd an Lake Nakuru. Das isch de zweit kleinst Nationalpark in Kenya. Uf Grund vo dr Grössi hets do au keini Elefante.
    De Park isch aber bekannt für die wisse-und schwarze Nashörner.
    Mir mache vor em Mittag no e Gamedrive wo mir au die erste wisse Nashörner gsehn und kurz vor der Lodge zwei Löwe.
    D Lodge ligt wunderschön uf em Hügel und mir hei vom Garte e tolle Usblick.
    Am spätere Nomitag folgt de zweiti Gamedrive wo mir e grossi Herde Giraffe mit Junge gsehn und sich e Löwe direkt ne e Eus an Strosserand leit.
    Plötzlich god d Jagt uf e gsichtete Leopard los. Wo Mr a chöme hets scho sehr viel Auto aber mir entdecke ihn au no. So viel Auto hei mir bis jetzt no nie gseh.    Lue lisää

    Katso käännös
  • Florence FreyKenya 🇰🇪Matkaaja

    Lake Nakuru nach Masai Mara

    1. lokakuuta 2024, Kenia ⋅ ☁️ 15 °C

    Bevor mir de Wäg richtig Masai Mara starte, gots nomol ca 2h uf e Gamedrive am Lake Nakuru.
    Dr Wäg zum Masai Mara erinneret biz an Madagaskar.
    Paar Strosse-Abschnitt löhn Erinnerige uf cho und au s Lebe entlang de Strosse.
    Uf e spots Zmittag erreiche mir eusi Lodge und nachere Pause gots uf de ersti Gamedrive.
    D Landschaft isch wieder ganz anderst. Sehr viel Grasland, es Paradies für alli Huftier und für eus eifach für d Entdeckig vo de Tier.
    So sehn mir wieder eusi täglich Portion Löwe und s Highlight vom Tag, e Gepardfamilie bim Znacht. Zum Glück löhn sich die Tier vo eus nid störe, denn bi so viel Auto, het me doch biz e schlechts Gwüsse.    Lue lisää

    Katso käännös
  • Florence FreyKenya 🇰🇪Matkaaja

    Masai Mara 🦁🦓🐘🐆🦒🐒🐃

    2. lokakuuta 2024, Kenia ⋅ ⛅ 22 °C

    Hüd gots no eimol uf e Tages-Gamedrive in Masai Mara. Damit mir viel Zit hei, starte mir am 6:30 und nämä Picknick mit.
    Mir starte mit einige Klassiker, gsehn e Pumba mit vier Junge, e Rudel Hyäne, bis die grossi Ufregig los got, de Meldig, dass e Leopard gesichtet worde isch. Mir düse dure de Park aber wo mir a chöme, isch er nüm ume.
    Eusi Fahrt führt eus witer, bis mir e gigantisch Gnu Herde entdecke. The Big Migration. Mir hei Chum Zit all die Idrück z verdaue 😅
    Am Mara River, gsehn mir denn vieli Hippos und au zwei Krokis. Au d Vögel schätze d Nöchi zum Fluss und löhn sich wunderbar beobachte. D Vielfallt in dem Park isch eifach gigantisch und eisHighlight jagd s Andere.    Lue lisää

    Katso käännös
  • Florence FreyKenya 🇰🇪Matkaaja

    Massai Mara Raubkatzen

    2. lokakuuta 2024, Kenia ⋅ ⛅ 24 °C

    Mir entdecke in dr Färni einigi Autos, immer es Zeiche, dass was speziellers los isch. Also gots Offroad in die richtig. Definitiv es Highlight, denn vor eus e richtig imposante Löwe, wie us em Bilderbuech am Esse. Das sogar no in Gesellschaft vo sim Sohn und drei Löwinnen. 🤩
    Es isch eifach so idrücklich, dene Tier so nöch gege über z si und se dörfe beobachte.
    Nach dem dr Lion King gnue gha het, got er los richtig Wasser zum trinke und wird denn wohl zerst müese verdaue. Do sich die andere Löwe in Schatten zrug zoge hei, nutzt e Hyäne d Gunst vo dr Stund und klaut d Räste. Unbemerkt bliebt das aber nid und dr jünger Löwe zeigt sich.

    Wo mr eus denn langsam für s Picknick usbreite, gots nid lang und e meldi vo me weitere Leopard, erreicht eus.
    Also schmeisse mir alles inda Auto und träte die Negsti Really a. Euse Fahrer will eus unbedingt de Leopard beschere. Mir spicke nur so uf eusem Sitz ume, Paar blaui Fläcke nämä mir aber gärn in Kauf.
    Und tatsächlich gsehn mir das Mol, nach einigem sueche im dicke Buschland, de Leopard.
    So chöne mir au zfriede (und vor allem euse Fahrer) de Wäg witer führe.
    Zum Abschluss dörfe mir sogar d Geparde Familie nomol sichte.
    Was für e perfekte Abschluss vo euser Safari.
    Total kaputt aber sehr glücklich, löhn mir de Spoti Nomitag in dr Lodge us klinge.    Lue lisää

    Katso käännös
  • Matkan lopetus
    4. lokakuuta 2024
  • 2025© FindPenguins
  • Koti
  • Tietoa meistä
  • Ryhmän seuranta
  • Lehdistö
  • Ehdot
  • Yksityisyys & Cookies
  • Ohjekeskus
  • Merkintä