Reset search
Bali, Flores und Komodo
  • Florence Frey
  • Florence Frey

Bali, Flores und Komodo

A 22-day adventure by Florence Read more
FollowInsightsInsightsCalendarCalendarPhotosPhotosShareShareBucket list
InsightsCalendarPhotos
  • Trip start
    April 24, 2026
  • Florence FreyBali, Flores und KomodoTraveler

    Kelimutu Krater bis nach Batajawa

    April 27 in Indonesia ⋅ ☁️ 16 °C

    Bereits am 04:10 Uhr goht euse Wecker. Uf em hüttige Plan stoht de Sunneufgang bim Kelimutu Krater. Nach 30min fahrt und ca. 30min Ufstieg mit 127 Stuefe erreiche mir im Nebel d Ussichtplattform. Leider isch es z Näblig und vom Sunneufgang und em Krater isch zerst nüd z gseh. D Geduld wir aber mit me chline Blick uf de grüeni Kratersee belohnt.
    Zrug bi dr Unterkunft gits z Morge und mir Reise nach Batajawa.
    Unterwägs gsehn mir viel Riesfälder und so viel anders wo do apflanzt wird. Es grüens Paradies.
    Zum Zmittag gits e Stopp am Blue Stone Beach bevor mir e längeri Fahrt mit Rägä uf eus näbä um an dr negste wunderhübsche Unterkunft a cho.    Read more

    See translation
  • Florence FreyBali, Flores und KomodoTraveler

    Luba

    April 28 in Indonesia ⋅ 🌧 21 °C

    Hüd Morge hets Wätter vielversprechend usgseh. Vo eusem Bungalow hei mir de Vulkan Inerie gseh und bim Zmorge e Blick in d Witi vo de Terrasse gnosse.
    Nach em Zmorge hets immer mehr afange zue zieh.
    Zerst bsueche mir s Megalith-Dorf Bena, wo d Ahneverehrig in Form vo Ngadhu-und Bhaga-Hütte no sichtbar sind und für Zeremonie brucht wärde.
    Nach em Bsuech vom zweite Traditionelle-Dorfe um Bajawa und viel Infos über ihri Kultur startet eusi Wanderig zum Dorf Tololela.
    Mir hei eus über Stock und Stei und durch die höche Pflanze kämpft, bis es eus bis uf d Unterhose verregnet het. Nach em Bsuech vom Dorf sind mir pflotsch nass im Kofferrum zum Dorf Guru zum Zmittag gfahre.
    Durch de vieli Rägä, sind die heisse Quelle vo Malanage, wo no uf em Plan gstande si, z dreckig gsi und hei z viel Wasser gführt. Also hei mir eus e gmüetliche Nomitag uf de Terrasse vom Bungalow gmacht.    Read more

    See translation
  • Florence FreyBali, Flores und KomodoTraveler

    Bajawa bis Rueteng

    April 29 in Indonesia ⋅ ⛅ 27 °C

    Hüd erkunde mir no e witers Dorf in dr Region rund um Bajawa. Hüd dörfe mr sogar e Hütte vo inne gseh, was nid überall erlaubt isch. Nach eme Tee und spannende Gspröch (wo euse Guide übersetzt) gots witer nach Rueteng. Unterwegs halte mir no bi ere Arak-Brennerei a. Das isch e Schnapps us dere Gegend. Arak wirds generell in Indonesie gnennt. Spezifisch in Flores au als Sopi bekannt.Read more

    See translation
  • Florence FreyBali, Flores und KomodoTraveler

    Vo Rueteng nach Laban Bajo

    April 30 in Indonesia ⋅ ⛅ 21 °C

    In Rueteng isch d Bauwis vo de traditionelle Hüser Rund und alles wird in Kreis a gordnet. So au d Hüser um e runde Platz und sogar d Risfälder. S Muster wie si agordnet sind, erinneret au biz an Spinnenetz.
    So het do jede Stamm sini traditione. Vo Kleider, über Muster, ihri Bauwis und vieles mehr.
    Am Nomitag chöme mir in dr Hafestadt Laban Bajo a und müend uns vo eusem Fahrer em Arif und em Guide Jimmy verabschiede.
    De Nomitag gniesse mir denn im hübsche Sudamala Komodo Resort.    Read more

    See translation
  • Florence FreyBali, Flores und KomodoTraveler

    Tor zum Komodo Nationalpark

    May 1 in Indonesia ⋅ ⛅ 27 °C

    De Morge verbringe mir no in Laban Bajo bevor mir am 10i abgholt und zum Hafe brocht wärde. Do merkt me, dass es viel touristischer isch, als sunst in Flores. Viel fliege do hi zum eifach in Komodo Nationalpark z go. Dementsprechend isch am Hafe au es gwusel. Es Speedboot bringt eus in öbe 20min zu eusem Inseli wo mir die negste 3 Nächt verbinge. Mol biz e Pause vom umereise und do lost sichs wunderbar ushalte. E richtigs Bijou. De Nomitag gniesse mir am Strand bevors zur Sunste Bar zum negste Apero god. Am Obe gits Grillbuffet.Read more

    See translation
  • Florence FreyBali, Flores und KomodoTraveler

    Tauchtag im Komodonationalpark

    May 2 in Indonesia ⋅ ☀️ 27 °C

    Nach 10 Johr isch es wieder mol so wit und mir gön gmeinsam go Tauche 😍🥳 Generell stelle mir fest, das mir vor 10 Johr eusi erst Reis a trätte hei. Wie schön, dass mir immer no gärn zämä verreise.
    S Tauchboot isch super usgrüstet und d Crew guet glunt und kompetent. Nach me kurze Refresh, startet de ersti Tauchgang. De zweiti Tauchgang isch s absolute Highlight! E Traum wird wohr und mir sehn Mantas 😍 nebe bi au no Wiss-und scharzspitzehaie, e grossi Schildkrot und vieles mehr.
    De dritt Tauchgang het biz stärkeri Strömig aber unglaublich viel Fisch und Koralle.
    Was für e tolle Tag.    Read more

    See translation
  • Florence FreyBali, Flores und KomodoTraveler

    Unterwägs nach Dintor

    May 5 in Indonesia ⋅ ⛅ 27 °C

    Nach dem mir gest de Nomitag gmüetlich gno und eusi Gruppe für die negste Täg kenne glernt hei, startet hüd eusi Reis nach Dintor.
    Unterwegs mache mir e chlini Wanderig zu me Ussichtspunkt, wo mir witeri Spinnenetz-Risfelder gsend und e feins Zmittag bechöme. Uf em lange Wäg sammle mir wieder vieli Idrück bis mir kaputt in Dintor a chöme.
    Hüd schlofe mir in hübsche und sehr eifache Hütte.
    Obwohl de Ort sehr chli isch, hets e italienischs Restaurant und mir gönne eus e Pizza zum Znacht. Mol wieder was anders nach all dem feien, lokale Esse.    Read more

    See translation
  • Florence FreyBali, Flores und KomodoTraveler

    Bsuech in Wae Rebo

    May 6 in Indonesia ⋅ ⛅ 25 °C

    Vo eusere Unterkunft starte mir zerst mit em Büsli, aschliessend warte 12 Töfffahrer uf eus, um eus zum Startpunkt vo de Wanderig nach Warebo z fahre. E holprige Weg über Stock und Stei.
    Mir wandere ca. 5km duruf und sind froh, dass es bewölkt isch. Trotzdem schwitze mir bi dem Klima.
    Kurz vor em Dorf melde mir eus a, in dem euse Guide s Bambusrohr klopft. Ab do führt de Wäg bergab bis mir vo obe in das idrückliche Dorf Warebo laufe.
    Als erst gots zur Hütte vom Stammesältiste wo mir eus a melde.
    Mir beziehnd eusi Hütte, wo 30ig Schlofplätzbietet und wärde mit em Mittagesse in dr Mitti vo dr Hütte empfange.
    D Lag vom Dorf isch beidruckend und d Lüd sehr nätt. D Kinder sind do bis 7 Johr. Aschliessend zügle si ins Dorf wo mir d Wanderig gstartet hei, zum ind Schuel z go. Aber bis dört hi wird sich im Dorf ustobt.    Read more

    See translation
  • Florence FreyBali, Flores und KomodoTraveler

    Zrug vo Wae Rebo nach Laban Bajo

    May 7 in Indonesia ⋅ ☀️ 22 °C

    Am negste Morge gits zu de Sunnestrahle e lokals Zmorge. S Wätter isch wunderbar und wird grad gnützt zum d Kaffibohne tröchne.
    Für eus heisst wieder Abschied neh und zrug Wandere.
    Am Ziel warte bereits eusi Fahrer wieder und denn gots ca 5h Retour im Büsli nach Laban Bajo. Jede Obe isch do Fischmärt, wos alli Arte vo Meerestier git.
    Für eus gits im Dockers Arms zur Abwächslig mol e Burger. De Obe löhn mir bi Live Musig in Seaesta usklinge.    Read more

    See translation
  • Florence FreyBali, Flores und KomodoTraveler

    An Bord vo dr Rafida zum Komodowaran

    May 8 in Indonesia ⋅ ☀️ 29 °C

    Hüd gots endlich ufs Phinishi Boot in Komodo Nationalpark. Mit em Dingi werde mir zu eusem Boot Rafida brocht und beziehn eusi Kabine.
    S Boot isch simpel aber super usgstattet und het alles um sich wohl z fühle.
    Nach me kurze Briefing gots direkt los richtig Kelor Island. Mir stiege die chlini Insle duruf um de tolli Usblick z gniesse.
    Wieder unde acho gots ab ins Wasser. Rund um d Insle het vieli Black-Tip-Baby-Sharks wo me während em bade cha beobachte. In dr zwüschezit wärde eusi Kayaks parat gmacht und nach ere kurze Instruktion paddle mit los.
    Zur stärkig gots zrug ufs Boot, wo eus e feins Zmittag erwartet.
    Nach em Zmittag gots mit em Boot witer zur Rinca Island. Do isch s Ziel, de Komodowaran z finde.
    Im Park läbä Krokodiel, Schlande, Vögel, Wasserbüffel, Hirsche, Affe... und de Komodowaran.
    Mir hei Glück und finde gli die erste zwei. Gsamthaft gsehn mir 4 vo dene beidruckende Echse und lerne einiges über si vo eusem Rancher.
    Mit dene Idrück im Gepäck gots zrug ufs Boot.    Read more

    See translation
  • Florence FreyBali, Flores und KomodoTraveler

    Kalong Island, d Fledermus Insle

    May 8 in Indonesia ⋅ ⛅ 29 °C

    Negsti Stopp Bat Island. E chlini unschinbari Mangrove Insle, wo sich nach Sunneuntergang zu me absolute Highlight entwickelt. Denn nach Sunneuntergang starte vo do 1000igi Flädermüs mit ere Spannwite vo 1-1.5m zu ihrem Dinner-Usflug nach Flores, wo si gönd go Frücht esse.
    Unglaublich idrücklich und es hört fast nid uf.
    Nach dem mega idrückliche Spektakel lerne mir uf em Wäg nach Padar Island vo dr Hiti no Bollywood Dance und vo eusne Guide Flores Dance, bis mir wieder mit me leckere Znacht verwöhnt wärde    Read more

    See translation
  • Florence FreyBali, Flores und KomodoTraveler

    Entdecke vo witeri Highlights

    May 8 in Indonesia ⋅ 🌙 28 °C

    Hüd heissts früh ufstoh denn mir wei de Sunneufgang uf dr Padar Island erlebe. Am 05:00 Uhr isch abfahrt mit em Dingi und denn warte 800 Stägetritt uf eus. S frühe Ufstoh und Ufstiege wir mit me schöne Usblick belohnt, s einzige wo biz stört sind die viele, andere Touriste.
    Zrug uf em Boot wärde mir wieder mol vom Kuchiteam mit me leckere Zmorge verwöhnt.
    Aschliessend gots witer zum Pink Beach. Ufgrund vo wisse und rote Korallestückli vo dr Sand ergäbe, würkt de Strand Pink. Do hei mir biz zit zum Bade und Schnorchle, bevors witer zim Manta Point god.
    Leider hei mir hüd kei Glück und es sin kei Mantas vor Ort, defür gseh mir e Stingray und e Schildkro, sowir vieli, bunti Fisch und Koralle.
    Nach usgiebigem Schnorchle gpts wirer an Ankerplatz für d Nacht. Au do chöne mir nomol schnorchle und gseh wieder vieles, unteranderem au 3 Eagelrays. D Unterwasserwält isch beidruckend.
    Für de hüttig Obe gots an Land und mir wärde am Strand vo de Crew verwöhnt.
    Au früsche mir euse Bollywood und Flores Tanz nomol uf und gniesse de letschti Obe im Komodo Nationalpark unter me unglaubliche Sternehimmel.    Read more

    See translation
  • Florence FreyBali, Flores und KomodoTraveler

    Pasir Putih nach Kanawa Island

    May 10 in Indonesia ⋅ ☀️ 27 °C

    Mir starte gmüetlich an Deck in Tag und gniesse d Ussicht in die leeri Bucht. Nach em Zmorge heisst e witersmol schnorchle. S Morgeliecht isch perfekt und s Riff voller Läbä. Ich chönt do Stunde verbringe.
    Nach em Schnorchle gots nomol ins Kayak und mir Paddle übers glasklare Wasser entlang vom Riff, durch Mangrove, Richtig Kanawa Island.
    Dos sehr heiss isch und d Sunne stark legge mir nid de ganzi Wäg im Kayak zrug und wechsle nomol ufs Boot.
    Nach em Zmittag erreiche mir denn d Kanawa Island wo mir no s letschte Mol schnorchle bevors zurg nach Laban Bajo god.
    De Obe löhn mir nomol im Seaesta usklinge und de Panji euse Guide leit e super Performance hi.    Read more

    See translation
  • Florence FreyBali, Flores und KomodoTraveler

    Pura Agung Besakih

    May 12 in Indonesia ⋅ ⛅ 25 °C

    Hüd Morge fahre mir ca 45min zum Pura Agung Besakih.
    Die Tempelalag wird oft als „Muttertempel“ vo Bali bezeichnet. Die riesige Tempelalag liegt uf rund 1.000 Metern am Hang vom Mount Agung, em höchste und heiligsten Vulkan vo dr Insel. D Alag bestoht us über 80 einzelne Tempel, wo sich terrassenförmig de Berg ufziehn.
    Mir erfahre vo eusem Guide viel über ihri Religion und Brüch.    Read more

    See translation
  • Florence FreyBali, Flores und KomodoTraveler

    Ricefield Walk

    May 13 in Indonesia ⋅ ⛅ 27 °C

    Obwohl mir scho diversi Risfälder gseh hei, mache mir hüd no e chlini Wanderig durch d Risfälder vo Sidemen.
    Es isch sehr beidrucken was alles wachst und wie flissig d Mensche do sind. Überall wir gschafft und krampft.
    Au bechöme mr e chline Iblick ins Dorf. Überall hets Tempel, Alltär, Statue und vieli, dekorativi Element.
    De Nomitag löhn mir am Pool usklinge    Read more

    See translation
  • Florence FreyBali, Flores und KomodoTraveler

    Relaxing Day

    May 14 in Indonesia ⋅ ⛅ 28 °C

    Zum Abschluss gits nomol e lokals Zmorge, es Mie Goreng. Super fein aber nach wie vor biz ungwohnt zum Zmorge.
    De Rest vom Tag verbringe mir wie die fuhle Hüehner am Pool, gniesse nomol d Sunne, de Pool mit toller Ussicht und die feine Drinks.
    Und scho heissts Abschied ne. 3 Wuche Indonesie sind scho wieder verbi.    Read more

    See translation
    Trip end
    May 15, 2026
  • 2026© FindPenguins
  • Home
  • About us
  • Group Tracking
  • Press
  • Terms
  • Privacy Policy & Cookies
  • Help Center
  • Legal notice