n Goeie gemmer dag

Gister oggend darm 3am wakker en meer voorbereid met koffie snacks en ontbyt.
Wouter het n n spontane afspraak gemaak met grondkundiges in die dorp en die besoek was baie suksesvol. Dit is n instituut wat agri-navorsing doen en gratis raad aan boere lewer. Wouter het omtrent 2ure met hul gesels en baie waardevolle raad ontvang.
Een van die ouens, Savio, boer self met gemmer en het na n lekker middagete (weer by n “self-service” restaurant, net heelwat grander) ons die gemmer tussen die berge gaan wys.

Ons pak toe daarna n mooi pad aan na Pedra Azul waar ons in n hotel bespreek het, vreemde verlate plekke, maar ons is so pe en gaan slaap 7pm na lekker aandete in die dorpie.

Dit is mistig en ons kon nog nie die groot rots sien nie, hopelik kom die sonnetjie vandag uit. Ons slaap vanaand weer hier, maar het eers n afspraak met nog n gemmer man.Read more