Mitem Auto ufem Weg es chliises Päuseli gmacht und über de Bodesee glueget. Denn wiiter nach Münche.
Mir hend bsuecht:
- Englisch Garte
- Residenz inkl. Hofgarte u d Staatsgalerie
- Odeonsplatz
- 5 Höfe Ichaufszentrum
- Marienplatz
- Maximilianstrasse
- Schuhbecks Gewürzladen
- Hofbräuhaus
- Hard Rock Shop
Am Abig nachem Ichecke im Hotel simer uf e Rundi an Viktualiämärt und später den richtig Dom ga Znacht esse, sehr fein gsi und Münche isch sehr schön!Read more
So, hüt Nacht hemer dank de Ziitumstellig 1h weniger gha...
Am Morge hemer frühe müesse uschecke in Münche, will mir in Salzburg uf di 11i reserviert hend zum Brunch.
Damal simer schnell dete gsi und de Brunch im "Tortelier" isch sehr fein gsi!
Mitem Mönchsberg Aufzug simer sehr schnell ide Höchi gsi und sind zum Ussichtspunkt Richterhöhe übere gloffe. Echli durd Stadt und na ide Linzergasse verbii hemer sehr viel vo Salzburg gseh.
Im Kaffi Sacher hemer es Stückli zVieri kauft und bald den mal en guete Teller echti Östrichischi Chuchi zum Znacht gnoh.
Bim Idunkle isches wiiter gange nach Linz.Read more
Bi wunderbarem Sunneschii hämer am Morge chöne Bimelbähnli fahre durd Stadt und händ so scho mal en grobe Überblick becho.
Später sind mir as Easter Street Food Festival gad am Donauufer 🧉🍪🌮
Es hät uftmal sehr fest afange winde und mor händ ois wieder guet müesse ipacke.
Am Namittag hämer mit Füherige in Turm vom Mariendom (Neuer Dom) ufe chöne und au ufd Galerie, dinne und dusse. Sehr idrücklich und schön!
Ime Teasalon ide Innestadt simer zum Afternoon Tea und händ eso au gar kei Znacht meh brucht 😅
Am Rand vo Linz häts es Tattoostudio und d Corinne hät sich für en Termin agmolde.
10.00 Uhr sind mir pünktlich det gsi, ca. am 2 simer wieder usegloffe und öpis ga mampfä 🤤
Später simer na in Linzer Donauhafä ga luege was det so lauft, denn gli aber mal öpis Znacht ga hole und is Hotel...
Dusse isches de ganz Tag eher frisch und windig gsi, wieso mer hüt au eher dinne gsi sind...Read more