Weihnachtsferien 2023

December 2023 – January 2024

Ganz spontan! Mal luege, wos hii gaht... Read more

List of countries

Belize
Honduras
United States
Mexico
Switzerland

Categories

Around the world, Beach, Couple, Family, Friendship, Group travel, Vacation

13.2kkilometers traveled

Means of transport

Flight9,571kilometers
Cruise ship1,612kilometers
Bus557kilometers
Walking114kilometers
Car12kilometers
Hiking-kilometers
Bicycle-kilometers
Motorbike-kilometers
Tuk Tuk-kilometers
Train-kilometers
Camper-kilometers
Caravan-kilometers
4x4-kilometers
Swimming-kilometers
Paddling/Rowing-kilometers
Motorboat-kilometers
Sailing-kilometers
Houseboat-kilometers
Ferry-kilometers
Horse-kilometers
Skiing-kilometers
Hitchhiking-kilometers
Cable car-kilometers
Helicopter-kilometers
Barefoot-kilometers

Newest first

Footprints
Photos

Weihnachtsferien 2023
- Show trip
- Add to bucket listRemove from bucket list
- Share
- Day 7
- Thursday, December 21, 2023
- ☀️ 26 °C
- Altitude: Sea level
- Mexico Punta Nizuc 21.036462, -86.77783321°2’11” N 86°46’40” W
Last Day in Cancún
December 21, 2023 in Mexico ⋅ ☀️ 26 °C
🏃🏼 Lauftraining am Morgen für Mirco 🏃🏼

De Tag dur es bizli am Strand gsi und de Pelicane bim jagä zueglueget...d Wälle sind enorm gross gsi hüt und mit de rote Flagge je nach Ort eher gwagt zum ine gah...
Mir sind denn bis as Ändi vom Strand gloffe und händ binere gälbe Flagge doch na is Wasser chöne!

Zabig denn na einisch ide Stadt fein gässe und via LA ISLA miteme Dessert im Buch den uf de Heiweg...

Schön ischs gsi in Cancún...das isch de letscht Abig da gsi.Read more
See translation
3 likes
Weihnachtsferien 2023
- Show trip
- Add to bucket listRemove from bucket list
- Share
- Day 8
- Friday, December 22, 2023
- ☁️ 22 °C
- Altitude: 9 m
- United States Herman Massey Park 27.955321, -82.45875827°57’19” N 82°27’32” W
Reisetag
December 22, 2023 in the United States ⋅ ☁️ 22 °C
7:00 Uhr, s organisierte Taxi holt ois pünktlich ab für an Flughafe.
Nachem ichecke & Co. gits zerst mal öpis zmorge und denn gahts au scho bald los, in wahnsinns Sässel!
Ziel: Fort Lauderdale, Florida 🇺🇸

In Fort Lauderdale hämer en churze Zwüschestopp. Am 14.40 Uhr fahrt de Flixbus chli verspätet ab und bringt ois via Everglades (mir händ au Alligatore gseh!🐊) in Norde nach Tampa. Im Hotelzimmer simer denn öpe am 20.30 gsi...ned viel gmacht hüt aber glich en lange Tag gsi...

Zerst mal aber na ga Znacht organisiere und dBei verträtte. Mir händ de Wiehnachtsmärt vo Tampa gfunde, sehr herzig gmacht!Read more
See translation
2 likes
Weihnachtsferien 2023
- Show trip
- Add to bucket listRemove from bucket list
- Share
- Day 9
- Saturday, December 23, 2023
- ☀️ 25 °C
- Altitude: 5 m
- United States Garrison Channel 27.942557, -82.44623127°56’33” N 82°26’46” W
Check-in bei Entchantment of the Seas
December 23, 2023 in the United States ⋅ ☀️ 25 °C
I oisem Hotel mit sehr grosszügigä Zimmer hämer en ned ganz so grosszügige Zmorge gha...mer sind na rasch ga postä und denn hämer scho wieder müesse packe.

En chlina Spaziergang mitem Koffer, ca. 30min., zum Hafe vo Tampa hät ois zum nächste Ziel bracht: Entchantment of the Seas
Gad als ersts hämer chöne de Koffer abgäh und denn astah fürs nächste Check-in.
Und denn simer ufem Schiff gsi 🤪
Zerst emal chli zrächt finde und usefinde wo was isch. Mir händ au zimli gli is Zimmer chöne und gäg di 4i händs denn d Leine loslah, was mer natürli sehr interessiert beobachtet händ 🚢

En erste Schwumm im Pool und später ga parat mache.
De Znacht am 8i isch sehr fantastisch gsi und mir händ en tolle Waiter gha!
...ich glaub, mir händ für ihn usgseh wie Hungerhacke. Am Mirco häter 2x dVorspiess bracht und beidi hämer 2x Desser becho 🙈Read more
See translation
3 likes
Weihnachtsferien 2023
- Show trip
- Add to bucket listRemove from bucket list
- Share
- Day 10
- Sunday, December 24, 2023
- 🌬 26 °C
- Altitude: Sea level
- Gulf of Mexico 22.730619, -85.42504522°43’50” N 85°25’30” W
Seetag 1
December 24, 2023, Gulf of Mexico ⋅ 🌬 26 °C
Schön hämer chöne usschlafe!
De wichtigsti Termin isch aber scho vorem Zmorge. De Mirco hät gseit: "Wänn mer noimets öpis chönd günne, denn da!"

Rätselspiel für alli Flughafeabchürzige 😅😎

Dena simer ga brunchä, fein ischs gsi!
De Indoor-Pool für Erwachseni hät ois hüt au viel gseh und am Namittag simer ga Bingo spiele, sooo lustig!

De Mirco hät natürli au sind Trainingsplan und isch hüt fast 2h ga 🏃🏼Read more
See translation
3 likes
Weihnachtsferien 2023
- Show trip
- Add to bucket listRemove from bucket list
- Share
- Day 11
- Monday, December 25, 2023
- ☁️ 29 °C
- Altitude: Sea level
- Mexico Punta Majagual 18.714559, -87.70819218°42’52” N 87°42’29” W
Costa Maya
December 25, 2023 in Mexico ⋅ ☁️ 29 °C
Oisä 1. Stop mitem Schiff isch in Costa Maya, mir sind also wieder zrugg in Mexiko 😅

Vom Hafe uf simer so ziemli di einzige gsi wo zfuess unterwegs gsi sind! Ca. 30min laufe und ois hät en wunderschöne Strand empfangä. Mir sind ga schwümme und schnorchle und händ dSunne gnosse.

Zabig isch ufem Schiff Carribean-Night gsi und de Mirco hät sis noiä Hämp azoge 🦩🤩🦩
Nachem Znacht simer na ga Karaoke lose, es hät gueti und es hät lustigi Stimme debii gha 😉Read more
See translation
2 likes
Weihnachtsferien 2023
- Show trip
- Add to bucket listRemove from bucket list
- Share
- Day 12
- Tuesday, December 26, 2023
- ☀️ 28 °C
- Altitude: 23 m
- Honduras Cerro Dixon Cove 16.315003, -86.54497516°18’54” N 86°32’42” W
Roatán
December 26, 2023 in Honduras ⋅ ☀️ 28 °C
Nach afängliche Verwirrige beträffend de Ziit (mir händ 3-4 verschiedeni Ziitzone gha uf allne Grät) simer doch ziemli gli vom Schiff am Morge. Über "Get your Gide" hämer am Vortag e Tour buecht...das hät so mässig funktioniert da...

Uf Roatán gits kei Adresse, dHüüser händ äfach alli anderi Farbe und so kennt mers usenand.
Wild läbendi Hünd häts sehr viel 🐕

Bim Daniel Johnson hämer e privati Affen- und Faultier-Schutzgebiet-Tour gha.
Bim Arch's Iguana hämer e Uffangstation für Leguane derfe bsueche.

Später am Strand hämer s warme & wunderschöne Wasser gnosse und ois "abkühelt".

Hüt simer frühe gnueg ufs Schiff, de Mirco hät na müesse go ränne.

Zabig hämer glueget wies Tender-Böötli iänähmed und wie mer abfahred. De Vollmond isch sehr hübsch gsi zu de Abigstimmig!Read more
See translation
3 likes
Weihnachtsferien 2023
- Show trip
- Add to bucket listRemove from bucket list
- Share
- Day 13
- Wednesday, December 27, 2023
- ☀️ 28 °C
- Altitude: Sea level
- Belize Bliss Centre for Performing Arts 17.493192, -88.18504817°29’35” N 88°11’6” W
Belize City
December 27, 2023 in Belize ⋅ ☀️ 28 °C
Ide Stadt Belize gits s eint oder andere zgseh, es isch aber doch sehr überschaunar. Wenn mer ned gad mitem Car meilewiit weg wet, hät mers relativ schnell gseh.

Belize City isch schön gsi, und wükli sehr heiss 🥵

Mir sind frühener ufs Schiff zrugg als mer mal dänkt händ und sind denn dete nachli ghöcklet.

Zabig händ dChällner na es Ständli zu ihrem Beste bracht und nachem Ässe & em Karaoke hämer bi de 70er Party im Zentrum vom Schiff na verbii glueget 😎Read more
See translation
2 likes
Weihnachtsferien 2023
- Show trip
- Add to bucket listRemove from bucket list
- Share
- Day 14
- Thursday, December 28, 2023
- ☁️ 26 °C
- Altitude: 15 m
- Mexico Laguna San Miguel 20.511578, -86.94758520°30’42” N 86°56’51” W
Cozumel
December 28, 2023 in Mexico ⋅ ☁️ 26 °C
Sehr fest hämer ois uf de letschti Stopp gfroit, wo mer händ welle ga schnorchle 🤿
S Wätter hät ned so mitgmacht, es hät so viel Wind und Wälle gha, das es viel zgfährlich gsi wär...

Drum hämer ois entschiede, uf e Bus-Tour mitzgah (u.a. mitere 24-köpfige Asia-Family ohni Disziplin 🤦🏼‍♀️).
Zerscht simer mitem Bus zunere Tequille-Destillerie wos erklärt händ, wie de prodiziert wird. Denn händs au Schoggi gmacht und zletscht häts en Tacco gäh.
Mitem Bus simer wiiter Downtown umekurvt und händ halt mit lokale Märtplatz gmacht & händ de erkundet. Während all dem hät ois oise Guide viel verzellt über Cozumel und nach 4h simer zrugg im Hafe gsi. Det simer na es paar Schritt gloffe.

Zabig hämer ois ufbrezlet, es hät nämli Lobster zum Znacht gäh 🤪Read more
See translation
3 likes
Weihnachtsferien 2023
- Show trip
- Add to bucket listRemove from bucket list
- Share
- Day 15
- Friday, December 29, 2023
- ☁️ 24 °C
- Altitude: Sea level
- Gulf of Mexico 22.927619, -84.75533822°55’39” N 84°45’19” W
Seetag 2
December 29, 2023, Gulf of Mexico ⋅ ☁️ 24 °C
Mir händ wükli ned viel gmacht hüt...
- zmörgelet
- gläse
- am Pool ghängt
- zueglueget bim Arschbombe-Contest
- zueglueget wies mit irgendwelchne Konstruktione rohi Eier vom 9. in 4. Stock gworfe händ
Bim Quiz vo de Great Search of Nations (2 Siite) hämer Platz 3 gmacht 🥉

Zabig isch d Flaggeparade gsi vo allne Natione (61!) wo ufem Schiff schaffed, sehr cool!
Nachem letschte Znacht ufem Schiff simer na sKaraokefinal ga luege, die sind aso echt guet im Singe!Read more
See translation
3 likes
Weihnachtsferien 2023
- Show trip
- Add to bucket listRemove from bucket list
- Share
- Day 16
- Saturday, December 30, 2023
- ☀️ 18 °C
- Altitude: 10 m
- United States Ybor Channel 27.946878, -82.44520327°56’49” N 82°26’43” W
Tampa
December 30, 2023 in the United States ⋅ ☀️ 18 °C
Ganz frühe am Morge simer uf, es hät abem 6i Zmorge gäh und am 8i simer abem Schiff.

Sit 2-3 Täg simer chli am chränkle. De Mirco huestet und de Helene lauft dNase...
Drum hämers hüt easy gha und ned sooo viel gmacht.

Mit de Köffere zerst mal ines Kaffi und denn richtig Hotel. Später denn namal richtig Downtown ga speziere. Via Uni, mitem Streetcar (altehrwürdig!) nach Ybor City, det laufen au im ganze Stadtteil 🐓🐓🐓 ume!
Bim Hafe simer denn chli ghöcklet und händ glueget, wie sich alli Schiff wieder uf de Weg mached.

D Suechi nachem Znacht hät sich eher schwierig usegstellt, es hät na en Hockeymatch ide Stadt und drum isch sehr viel volle...bime Griech simer denn schnell hange bliebe und später uf de Bus is Hotel.Read more
See translation
3 likes