Sukamade Beach

Hüt morge sind mir sbsuech ufenere Plantage gsi. Nebst Milchchüeh hend mir ganz viel spannendi Pflanze dörfe gse. So hend mir viel über die verschiedene Herstelligsprozess vo Kafi erfahre, hend Muskatnuss, Passionsfrücht, zimtholz, Pfeffer und Vanille ade jewiilige Pflanze dörfe bestuune. Es isch scho sehr spannend wie die Gwürz wo mir im Kuchichästli dihei hend geerntet werdet. Im Aschluss sind mir wieder für es paar Stund im Auto ghogget. Wiit ab vo de Zivilisation isch üses nögste Ziel. Dementsprechend isch üsi Unterkunft au s Gegeteil vo Glamorös und mir würet beidi lieber verusse schlafe wie i dem zimmer. Aber Jänu. Am Abig sind mir an Strand gange, wo jedi Nacht Meeresschildkrote verbii chömed zum Eier lege. Leider sind Bedingige zum es Nest baue nöd optimal gsi und d Schildkrot isch ohni ihri eier z glege wieder is Meer verschwunde, aber nöd bevor mir hend dörfe en Blick uf sie wörfe.Read more