Cruceiro polo Nilo

Despois do almorzo, fomos ao aeroporto para tomar o voo a Luxor, a antiga Tebas, cidade da que parte o cruceiro. Na primeira tarde libre visitamos o mercado tras un pequeno paseo de navegación nunha pequena embarcación tradicional, a feluca.

A xornada seguinte comeza cunha excursión en autobús aos templos de Abu Simbel, os máis famosos de Exipto, salvados das augas do Nilo grazas á colaboración internacional. De regreso a Asuán, visitamos a impresionante presa de Asuán, un dos maiores proxectos de enxeñería do século XX. Tamén visitaremos o Templo de Philae, situado nunha fermosa illa e coñecida como a Xoia do Nilo, e regresaremos ao cruceiro para xantar.

Ao regresar ao barco comezamos a navegar cara Edfu. Ao pór do sol gozamos do paso da esclusa de Esna.

A primeira hora da mañá seguinte, iremos visitar o Templo de Karnak, separado do Templo de Luxor pola Avenida das Esfinxes. Continuaremos o percorrido cruzando ata a marxe occidental do Nilo para visitar o Val dos Reis, onde se atopan as tumbas dos máis famosos faraóns (a visita á Tumba de Tutankamón supón un custo extra de 16€). Tamén visitaremos o templo de Hatshepsut e os grandes colosos de Memnon.

Voltamos ao Cairo para facer as visitas que nos quedaban da cidade vella e sin poder visitar o Novo Museo Exipcio, a poucos meses da súa apertura.もっと詳しく