Tagestrip nach Tanger 🇲🇦

Hüt simer am Morgä früe uf d Fähri vo Tarifa uf Tangier in Marokko 🚢. Nach emnä Stündli Fahrt über s ruhigä Meer simer inä anderi Wäut itoucht. Uf der Free Walking Tour heimer viu spannends über Tangier, Marokko und überä Islam gleert. Mir si dür es paar verschideni Quartier spaziert u hei der farbäfroh Märit bsuecht 🚶🍍🍖. Die ängä Gässli si wäuts härzig u d Ussicht vo obä im Kasbah über s Meer uf Spaniä mega schön. Natürlech het o s feinä Ässä nid dörfä fählä zämä mit emnä abartig süessä Münzatee 🍛🍵. Uf der Rückfahrt uf Tarifa hets ir ferni sogar no paar Delfinä gha. Sonä tollä Tag ☀️.Leer más